ମାଥିଉ 3
3
ଡୁବେନ୍ ଯୋହନାର୍ ପର୍ଚାର୍
(ମାଥି. ୧:୧-୮; ଲୁକ ୩:୧-୧୮; ଯୋହ. ୧:୬-୮,୧୫-୩୪)
1ସ୍ଡେବ୍ଳ୍ ଡୁବେନ୍ ଯୋହନ୍ ଆସିକ୍ରି ଯିହୁଦା ଦେଶାର୍ ଶୁନ୍ସାନ୍ ବ୍ଟାଲ୍ଗେ ହ୍ଣି ଆଉଲି ଅଇ କ୍ମ୍କେ ଲାଗ୍ଲା, 2“ପାପେହ୍ଣି ମ୍ନ୍ ବାଦ୍ଲାଉଆ, କାଇତାକ୍ ସ୍ର୍ଗ୍ ରାଇଜ୍ ଲ୍ଗେ ଆଇଲି।” 3ଯିଶାଇୟ ବବିଶତ୍ କ୍ତା କ୍ଉତାଲକ୍ ଯାର୍ ବିଷୟେ ଇକ୍ତା କଇରିଲା, ଏ ସେଲକ୍, “ବ୍ଟାଲ୍ଗେ ହ୍ଣି ଗଟେକ୍ ଲକ୍ ବେଲ୍କି ଅଇ କ୍ଉତି ରିଲାର୍ ଟଣ୍ତ୍, ମାପ୍ରୁ ଆସ୍ତା ବାଟ୍ ତିଆର୍ କ୍ରା, ସେ ବାଟ୍କେ ସ୍ଳକ୍ କ୍ରା ଜୁଇବାଟ୍ ଅଇ ସେ ଆସେଦ୍।”
4ସେ ଯୋହନ୍ ଉଟାର୍ ବାଳେ ବ୍ନାଇଲା ହ୍ଚିଆ ହିନ୍ଦ୍ତିରିଲା। ଆରେକ୍ ଅଟାଇ ଚାମାର୍ ଅଟାଡର୍ ବାନ୍ଦ୍ତି ରିଲା, ଆରେକ୍, ତାର୍ କାଦି କ୍ଯାରବ୍ ଗ୍ଚାର୍ ହଳ୍ ଆର୍ ବ୍ନାର୍ ମ୍ଉଁ ରିଲି। 5ସେଡେବ୍ଳ୍ ଯିରୁଶାଲମ୍ ସ୍ହର୍ ଆର୍ ସ୍ବୁ ଯିହୁଦା ଜିଲାର୍ ଆରେକ୍, ଯର୍ଦନ୍ ଗାଡ୍ ଲ୍ଗାର୍ ସ୍ବୁ ଜ୍ଗାର୍ ଲକ୍ମ୍ନ୍ ତାର୍ ଲ୍ଗେ ଆସୁକେ ଲାଗ୍ଲାଇ, 6ଆରେକ୍ ନିଜାର୍ ନିଜାର୍ ପାପ୍ ମାନ୍ଲାକେ ଯୋହନ୍ ସେମ୍ନ୍କେ ଯର୍ଦନ୍ ଗାଡେ ଡୁବେନ୍ ଦିଲା।
7ମ୍ତର୍ ଫାରୂଶୀ ଆର୍ ସାଦ୍ଦୂକୀମ୍ନ୍କାର୍ ବିତ୍ରେ କ୍ତେକ୍ ଲକ୍ ଡୁବେନ୍ ନେମ୍କେ ଆସୁଲାଇ, ଇରି ଦ୍କି ସେ ସେମ୍ନ୍କେ କଇଲା, “ରେ ବିଷ୍ରିଲା ସାହ୍ ହର୍ ଲକ୍ମ୍ନ୍, ଇଶ୍ଵରାର୍ ଆସ୍ତା ଦିନାର୍ ଦୁକ୍କ୍ଷ୍ଟ ତ୍ଇହ୍ଣି ଉଦାର୍ ହାଉତାର୍ ଗିନେ, କେ ତୁମୁକ୍ମ୍ନ୍କେ ଚେତ୍ନା ଦିଲା? 8ସେତାର୍ଗିନେ ମ୍ନ୍ ବାଦ୍ଲାଇଲା ହ୍ର୍ ପାପ୍କାମ୍ ଚାଡି ବ୍ଲ୍କାମ୍କ୍ରା। 9ଆରେକ୍ ଅବ୍ରାହାମ୍ ତ ଅମାର୍ମ୍ନ୍କାର୍ ଉବା, ଅମି ଡଣ୍ଡ୍ ନାହାମ୍ ଅନ୍କ୍ରି ମ୍ନେ ମ୍ନେ ତୁମି ବାବାନାଇ। କାଇତାକ୍ ମୁଇ ତୁମୁକ୍ମ୍ନ୍କେ କ୍ମ୍ଲେ, ଇଶ୍ୱର୍ ଇ ଟେଡା ମ୍ନ୍କାର୍ ତ୍ଇହ୍ଣି ଅବ୍ରାହାମାର୍ ଗିନେ ହିଲା ଜ୍ର୍ନ୍ କ୍ରୁହାରେ।
10ଆରେକ୍ ଅବେହ୍ତେକ୍ ଗ୍ଚାର୍ ବୁନ୍ଦେ ଟିଙ୍ଗିଆ ଟଲୁକେ ଲାଗି ଆଚେ, ଜୁଇ ଗ୍ଚ୍ ବ୍ଲ୍ ହ୍ଳ୍ ହ୍ଳି ନ୍କେରେ, ସେ ଗ୍ଚ୍କେ ମାରିକ୍ରି ଜୟେ ହିଙ୍ଗା ଅଇଦ୍। 11ମୁଇ ତୁମୁକେ ମ୍ନ୍ ବାଦ୍ଲାମ୍କେ ହାଣିଏ ଡୁବେନ୍ ଦେମ୍ଲେ, ମ୍ତର୍ ମର୍ହ୍ଚେ ଯେ ଆସୁଲା, ସେ ମର୍ତ୍ଇହ୍ଣି ଅଦିକ୍ ଶ୍କ୍ତିଶାଳି, ମୁଇ ତାର୍ ହାଣ୍ତାଇ ବ୍ମ୍କେ ହେଁ ଚାକର୍ ସ୍ମାନ୍ ନଇ। ସେ ତୁମୁକ୍ମ୍ନ୍ ପବିତର୍ ଆତ୍ମାଇ ଆର୍ ଜୟେ ଡୁବେନ୍ ଦେଇଦ୍। 12ତାର୍ ଆତେ କୁଲା ଆଚେ, ଆରେକ୍ ସେ ନିଜାର୍ କଟାର୍ ବ୍ଲ୍କ୍ରି ସଫା କ୍ରି ଗ୍ଉଁ କେ ରୁଣ୍ଡାଇ ନିଜାର୍ ହାଲାୟ୍ ସ୍ଙ୍ଗାଇଦେ, ମ୍ତର୍ ସେ ହ୍ଲ୍ ମ୍ନ୍କେ ଲାଗ୍ତା ଜୟେ ହ୍ଡାଇଦ୍।”
ଯୀଶୁର୍ ଡୁବେନ୍
(ମାର୍କ ୧:୯-୧୧; ଲୁକ ୩:୨୧,୨୨; ଯୋହ. ୧:୩୧-୩୪)
13ସ୍ଡେବ୍ଳ୍ ଯୀଶୁ ଯୋହନାର୍ ତ୍ଇହ୍ଣି ଡୁବେନ୍ ନେମ୍କେ ଗାଲିଲୀ ଜିଲାର୍ ଯର୍ଦନ୍ ଗାଡେ ଆଇଲା। 14ମ୍ତର୍ ଯୋହନ୍ ତାକେ ମ୍ନା କ୍ରୁକେ ଚେଷ୍ଟା କ୍ଲା, “ମୁଇ ତର୍ଲ୍ଗେହ୍ଣି ଡୁବେନ୍ ନେତା କ୍ତା, ଆରେକ୍ ତୁଇ ମର୍ଲ୍ଗେ ଆସୁଲିସ୍?” 15ମ୍ତର୍ ଯୀଶୁ ତାକେ କଇଲା, “ଅବେ ରାଜି ଅଉଆ, କାଇତାକ୍ ଅନ୍କ୍ରି ସ୍ବୁ ଦ୍ର୍ମ୍ କ୍ର୍ମ୍ ସାଦନ୍ କ୍ର୍ତାର୍ ଅମାର୍ ଦ୍ର୍କାର୍।” ସ୍ଡେବ୍ଳ୍ ସେ ତାର୍ କ୍ତାକେ ରାଜି ଅଇଲା।
16ଯୀଶୁ ଡୁବେନ୍ ନିଲାମାଡେ ହାଣିଲ୍ଗେହ୍ଣି ଉଟି ଆଇଲା, ଆରେକ୍ ଦ୍କା, ଆକାଶ୍ ଉଗାଡି ଅଇଲି, ଆରେକ୍ ସେ ଇଶ୍ୱର୍ ପବିତର୍ ଆତ୍ମାକେ ହାରୁଆ ହର୍ ଉତ୍ରି ନିଜାର୍ ଉହ୍ରେ ବ୍ସ୍ତାର୍ ଦ୍କ୍ଲାଇ। 17ଆରେକ୍ ଦ୍କା, ଆକାଶେ ହ୍ଣି ଇକ୍ତା ଅଇଲି, “ଏ ଅମାର୍ ଲାଡାର୍ ହିଲା, ଆର୍ ତେଇ ଅମାର୍ ବେସି ସ୍ର୍ଦା।”
Pašlaik izvēlēts:
ମାଥିଉ 3: BDVNT
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Bodo Parja Bible (ବ୍ଡ଼୍ ହ୍ର୍ଜା) by The Love Fellowship is licensed under Creative Commons Attribution-ShareAlike 4.0 License.