लूका 6
6
सबधअ जो प्रभु
(मत्ती 12:1-8; मर 2:23-28)
1हिकअ दफ़े सबधअ जे डीं॒हं ते येशु ऐं संदस जा चेला, कणकअ जे खेतअ मां लंगे रया हुवा। उते चेला फल्युन खे तोडे़ करे पांजे हथन सां मेटे-मेटे करे खाएण लगा॒।#व्य 23:25 2तड॒ऐं कुछ फ़रीसी, हुन जे चेलन खां पुछण लगा॒, “तवां उहो कम छोता कयो जेको सबधअ जे डीं॒हं ते करण सही कोने?” 3येशुअ उनन खे चयईं, “छा तवां इयो न पढ़यो आहे, के जड॒ऐं दाऊद ऐं संदस जे साथिन खे भुखअ लगी॒, त दाऊदअ छा कयो हो? 4उन कीअं परमेश्वरअ जे तंबूअ में वञी, उहे पवित्र रोटियूं खादईं जेके मूसा जे नियमअ जे मुताबिक याजकन खां सिवाए केंजे लाए बी खाएण सही न हुयूं#लैव्य 24:9 ऐं पांजे साथिन खे बी डि॒नईं?”#1 शमू 21:1-6 5सो इन करे येशुअ उनन खे चयो, “मांणूअ जो पुट सबधअ जे डी॒ंहं जो बी प्रभु आहे#6:5 इन वचनअ में येशुअ जे चवण जो इयो मतलब आहे, के हुन खे सबध जे डीं॒हं ते छा करण सही आहे ऐं छा करण गलत, इयो तय करण जो बी अधिकार आहे।।”
सुकल हथअ वारे मांणूअ खे ठीक करण
(मत्ती 12:9-14; मर 3:1-6)
6हिकअ दफ़े कें बे॒ सबधअ जे डीं॒हं ते येशु प्रार्थना-घरअ में वञी सिख्या ड॒ई रयो हो, उते हिक मांणू हो जेंजो साजो॒ हथ लकवे सां सुकल हो। 7धर्मशास्त्री ऐं फ़रीसी इन मौके जी ताकअ में हुवा, के कीअं येशुअ जे मथां इल्ज़ामअ हणन, इन करे उहे हुन खे डि॒सन प्या, के उहो कें मांणूअ खे सबधअ जे डींहं ते ठीक करे तो यां न। 8परअ येशुअ खे उनन जे विचारन जे बारे में खबरअ हुई, इन करे येशुअ उन मांणूअ खे जेंजो हथ लकवे सां सुकल हो, चयईंस, “उथ ऐं विचअ में अची बी।” उहो उथ्यो ऐं विचअ में अची बीठो। 9येशुअ उनन खे चयो, “मुखे बु॒धायो सबधअ जे डीं॒हं ते छा करण सही आहे, भलो करण यां बुरो; केंजी जान खे बचाएण यां मारण?” 10येशुअ चौधारी सबनिन खे डि॒ठईं ऐं उन मांणूअ खे चयईं, “पांजो हथ अग॒यां वधाए।” जड॒ऐं उन इंय हीं कयो, त संदस जो हथ ठीक थी वयो। 11परअ धर्मशास्त्री ऐं फ़रीसी गुस्से में अची वया ऐं पाण में सलाह-मश्वरो करण लगा॒, के असां येशुअ सां छा कयऊं?
बा॒रहन प्रेरितन खे चूंडण
(मत्ती 10:1-4; मर 3:13-19)
12उनन डी॒ंहन में हीं येशु हिकअ पहाड़ीअ ते प्रार्थना करण वयो ऐं उहो सजी॒ रात परमेश्वरअ खां प्रार्थना कंदो रयो। 13जड॒ऐं सुबू थी, त हुन पांजे सबनिन चेलन खे पाण वट सड॒ कयईं ऐं उनन मां बा॒रहन ज॒णन खे चूंडे करे उनन खे प्रेरित नालो डि॒नई। 14उनन जा नाला इहे आइन, शमौन जेंजो नालो हुन पतरस बी रखयईं ऐं पतरसअ जो भा अन्द्रियास; याकूब ऐं यूहन्ना; फिलिप्पुस ऐं बरतुल्मै; 15मत्ती ऐं थोमा; हलफईअ जो पुट याकूब ऐं शमौन जेको जेलोतेस चवाएजंदो आहे; 16याकूबअ जो पुट यहूदा ऐं यहूदा इस्करियोती जेको येशुअ खे पकड़ाएण वारो ठयो।
सिख्या डि॒यण ऐं बीमारियुन मां ठीक करण
(मत्ती 4:23-25)
17जड॒ऐं येशु प्रेरितन सां गड॒ पहाड़ीअ तां लई करे समतल ज़मीनअ ते बीठो, त उते हिकअ डा॒ढी वडी॒ भीड़अ अची गड॒ थी। हिन भीड़अ में हुन जा चेला ऐं ब्॒या बी घणाहीं मांणू हुया। इहे मांणू सजे॒ यहूदिया क्षेत्र, यरूशलेम शहेरअ, सूर ऐं सैदा जे सम्डअ जे किनारे तां आया हुवा। 18इहे मांणू येशुअ जी बु॒धण जे लाए ऐं पांजी बीमारियुन मां ठीक थ्यण जे लाए संदस वट आया हुवा। हुन दुष्‍टआत्माउन खां सतायल मांणुन खे बी ठीक कयईं। 19सबही मांणू येशुअ खे छुहण जी कोशिश प्या कन, छोके हुन मां सामर्थ निकरी करे सबनिन खे ठीक कंदी हुई।
धन्य ऐं शोक वचनअ
(मत्ती 5:1-12)
20येशुअ पांजे चेलन जी तरफ डि॒सी करे चयईं,
“धन्य आयो तवां जेके ग़रीब#6:20 इते इन जो मतलब आहे, के जीअं मांणू शारीरिक शयुन जे लाए बि॒यन जे मथां निर्भर रवंदो आ, उअं हीं आत्मिक शयुन जे लाए परमेश्वर जे मथां निर्भर रवण। आयो,
छोके परमेश्वरअ जो राज॒ तवां जो आहे।
21धन्य आयो तवां जेके हाणे भुखअ ते आयो#6:21 इन जो आत्मिक मतलब आहे, परमेश्वर ऐं धार्मिकता जे लाए सिकायल हुवण।,
पो तवां जो पेट भरयो वेंदो।
धन्य आयो तवां जेके हाणे रोओ ता,
पो तवां आनंद मनाईंदव#मत्ती 5:4-5; भजन 126:5-6; यशा 61:3।
22धन्य आयो तवां,
जड॒ऐं मांणूअ जे पुटअ जे करे तवां सां नफरतअ कई वञे, तवां खे कढयो वञे ऐं तवां जी बेइज़ती कई वञे ऐं तवां खे खराब समझी करे ठुकरायो वञे।#1 पत 4:14
23परअ तवां उन डीं॒हं ते आनंदअ सां टिपा डि॒जो, छोके तवां जे लाए स्वर्ग॒अ में वडो॒ ईनाम आहे। याद रखजो उनन जे अबन-डा॒ड॒न बी भविष्यवक्‍ताउन सां गड॒ इंय ही कयो हुयो।”#2 इति 36:16; प्रेरि 7:52
24“परअ हाय तवां ते जेके शाहूकार आयो#6:24 इते उन शाहूकारन जी गा॒ल कई वई आहे, जेके पांजे धनअ जे मथां ता भरोसो रखन, न के परमेश्वरअ जे मथां।,
छोके तवां पांजी शांति पाए वरतव।#याकू 5:1”
25“हाय तवां ते छोके हाणे तवां जो पेट भरयल आहे,
पो तवां भुखअ ते रवंदव।”
“हाय तवां ते जेके हाणे आनंद ता मनायो,
पो तवां मातम कंदव ऐं रोईंदव।”
26“हाय तवां ते, जड॒ऐं सब मांणू तवां जी साराह कन,
छोके उनन जे अबन-डा॒ड॒न बी कूड़न भविष्यवक्‍ताउन सां गड॒ इंय ही कयो हुयो।#याकू 4:4; मीका 2:11”
दुश्मनन सां प्यार कयो
(मत्ती 5:38-48; 7:12)
27“परअ मां तवां खे तो चवां जेके मुंजी बु॒धी रया आयो, पांजे दुश्मनन सां प्यार कयो ऐं जेके तवां सां वेर ता रखन उनन जो भलो कयो। 28जेके तवां खे पिटिन ता उनन खे तवां आसीसअ डि॒यो; जेके तवां जी बेइज़ती ता कन उनन जे लाए प्रार्थना कयो। 29जेको तवां जे हिकअ गि॒टे ते लाफो हणे; उन जी तरफ ब्॒यो बी फेरे छड॒यो; ऐं जेकड॒ऐं कोई तवां जो कोट फुरे, त उन खे पांजी बुशेटअ डि॒यण जे लाए बी तैयार रहो। 30जेको तवां खां कुछ घुरे त उन खे डि॒यो; ऐं अगर कें तवां जी कोई शए फुरी हुजे, त उन खां वापस न घुरो। 31जीअं तवां चायो ता के मांणू तवां सां कन, तवां बी उनन सां उअं हीं कयो।#मत्ती 7:12”
32“अगर तवां उनन सां हीं ता प्यार कयो जेके तवां सां ता प्यार कन, त तवां केड़ो वडो॒ कम ता कयो? छोके पापी बी पांजे प्यार करण वारन सां हीं प्यार कंदा आइन। 33अगर तवां उनन सां हीं ता भलाई कयो जेके तवां सां ता भलाई कन, त तवां केड़ो वडो॒ कम ता कयो? छोके पापी बी पांजे भलाई करण वारन सां हीं भलाई कंदा आइन। 34अगर तवां उनन खे ही ता ओधर डि॒यो जेंखां तवां वापस वठण जी उम्मीदअ ता रखो, त तवां केड़ो वडो॒ कम ता कयो? छोके पापी बी पापिन खां वापस वठण जी उम्मीदअ सां हीं ओधर डी॒ंदा आइन। 35परअ तवां पांजे दुश्मनन सां प्यार कयो, उनन सां भलाई कयो ऐं वापस पाएण जी उम्मीदअ सां ओधर न डि॒यो; तड॒ऐं तवां खे परमेश्वरअ जे तरफां वडो॒ ईनाम मिलंदो ऐं तवां परमप्रधान परमेश्वरअ जी संतान थींदव, छोके परमेश्वर उनन जे मथां बी दया तो करे जेके बेशुक्रा आइन ऐं बुराई ता कन।#नीति 4:10-11 36तवां दयालू ठहो, जीअं तवां जो पिता परमेश्वर दयालू आहे।”
इल्ज़ाम न हणो
(मत्ती 7:1-5)
37“इल्ज़ाम न हणो, त तवां ते बी परमेश्वर इल्ज़ाम न हणंदो। डो॒ही न ठहेरायो, त तवां खे बी परमेश्वर डो॒ही न ठहेराईंदो। माफ़ कयो, त तवां खे बी परमेश्वर माफ़ कंदो।#मत्ती 6:14 38डि॒यो, त तवां खे बी परमेश्वर डी॒ंदो। जीअं मांणू दबा॒ए-दबा॒ए ऐं हिलाए-हिलाए काई शए जेसताईं बासण मां न हारजे तेसताईं भरींदा आइन उअं हीं तवां जी झोलीअ में विधो वेंदो, छोके जैं मापअ सां तवां मापींदओ उन हीं मापअ सां तवां जे लाए बी माप्यो वेंदो।#मर 4:24; प्रेरि 20:35”
39पो येशुअ उनन खे हिकअ मिसालअ डी॒ंदे चयो, “के छा हिक अंधो बे॒ अंधे खे रस्तो डे॒खारे सगं॒दो आहे? जेकड॒ऐं इंय कंदा त ब॒ई वञी खडे॒ में किरंदा।#मत्ती 15:14; 23:16,24” 40कोई बी चेलो पांजे गुरूअ खां वडो॒ न थी सग॒ंदो आहे,#मत्ती 10:24,25; यूह 13:16; 15:20 अगर उहो उन खां सब कुछ सिखी बी वठे, त बी उहो पांजे गुरूअ वांगुर ही थींदो। 41तूं छो पांजे भा जी अख में कख़ तो डि॒सीं, जड॒ऐं तुंजे पांजी अख में पाटिये जेड़ी वडी॒ शए पई आहे ऐं उहा तोखे न थी डि॒सण अचई? 42तूं कीअं पांजे भा खे चई सग॒ंदो आईं, “हे भा, अच मां तुंजी अख मां कख़ कढां”? जड॒ऐं तुंजे पांजे अख में पाटिये जेड़ी वडी॒ शए पई आहे, हे पाखंडी, पहेरयों पांजी अख मां पाटिये जेड़ी वडी॒ शए खे कढ, त तूं सुठी तरां डि॒सी करे पांजे भा जी अख मां कख़ खे कढी सग॒ंदे।
जेड़ो वण तेड़ो फल
(मत्ती 7:16-20; 12:33-35)
43“कोई बी सुठो वण खराब फल न डींदो आहे ऐं न हीं कोई खराब वण सुठो फल डीं॒दो आहे। 44हर हिक वण पांजे फलअ सां हीं सुञाण्यों वेंदो आहे।#मत्ती 12:33 छोके कोई बी मांणू कंडेदार जाड़िन मां अंजीरअ ऐं अंगूरअ न पटींदा आइन। 45सुठो मांणू पांजे दिल जे सुठे खजाने मां सुठियूं गा॒ल्यूं कढंदो आहे ऐं जेको बुरो आहे उहो पांजे दिल जे बुरे खजाने मां बुरियूं गा॒ल्यूं कढंदो आहे; छोके जेको दिल में भरयल आहे उहो ही त उन जी ज़िबानअ मां निकरंदो आहे।#मत्ती 12:34 ”
होशियार ऐं मूर्ख
(मत्ती 7:24-27)
46“येशुअ उनन खे चयो, जड॒ऐं तवां मुंजे चवण ते नथा हलो, त मुखे ‘हे प्रभु, हे प्रभु,’ छोता चओ? 47जेको बी मूं वट अची करे मुंजी गा॒ल्यूं बु॒धे तो ऐं उनन जे मथां हले तो, मां तवां खे बु॒धायां तो के उहो मांणू कें वांगुर आहे। 48उहो उन मांणूअ वांगुर आहे, जैं पांजो घर ठाएण वक़्त ज़मीनअ खे गहेरो खोटयो ऐं मजबूत पथरअ जे मथां उन जो पायो विधईं ऐं जड॒ऐं बो॒ड॒ आई ऐं छोल्यूं उन घरअ सां टकरायूं, त उन घरअ खे हिलाए न सगि॒यूं; छोके उन जो पायो मजबूत हुयो। 49परअ जेको बी मुंजी गा॒ल्यूं बु॒धी करे उनन जे मथां नथो हले, उहो उन मांणूअ वांगुर आहे, जैं पांजे घरअ जो पायो मिट्टीअ ते रख्यो आहे ऐं जड॒ऐं उन घरअ सां छोल्यूं टकरायूं, त उहो घर ओढी॒ मलई किरी पयो ऐं सत्यानाश थी वयो।”
Pašlaik izvēlēts:
लूका 6: SND
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties