लूका 2
2
येशुअ जो जनम
(मत्ती 1:18-25)
1उनन डी॒ंहन में रोम जे महाराजा औगुस्तुस जे तरफां इयो फरमान निकतो, के सजे॒ रोमी हुकूमतअ जे मांणुन जी जनगणना कई वञे। 2इया पहेरीं जनगणना तड॒ऐं थी जड॒ऐं क्विरिनियुस सीरिया मुल्कअ जो राज्यपाल हो। 3सो इन करे सब ज॒णा पांजो नालो लिखाएण जे लाए पांजे-पांजे नगरअ में वया। 4यूसुफ जेको दाऊदअ जे घराने ऐं उन जे वंशअ जो हो, उहो बी गलील क्षेत्र जे नासरत नगरअ मां यहूदिया जे क्षेत्र में, दाऊदअ जे नगरअ बेतलेहम में वयो। 5उहो बेतलेहम इन जे लाए वयो, ताकि पांजी मंगेतर मरियम सां गड॒ जेकी पेटअ सां हुई, वञी नालो लिखाए। 6जड॒ऐं उहे बेतलेहम में हुवा, त मरियमअ जे बा॒र ज॒णण जो समय पूरो थ्यो, 7ऐं उन पांजो पहेरयों पुट ज॒ण्यईं ऐं उन खे कपड़े में वेरे करे चरनीअ में रखयईं; छोके उनन खे मुसाफिरखाने में जग॒ऐ न मिली हुई।
स्वर्ग॒दूतन द्वारा रिढारन खे येशुअ जे ज॒मण जी खबरअ मिलण
8बेतलेहम जे आसे-पासे जे इलाके में कुछ रिढारअ हुवा, जेके रात जो मैदानअ में पांजी रिढुन जी संभालअ करे रया हुवा। 9उते प्रभुअ जो हिक स्वर्ग॒दूत उनन जे पासे में अची बीठो ऐं प्रभुअ जे तरफां हिकअ चमकदार ज्योति उनन जे चारो तरफ चमकण लगी॒ ऐं इन जे करे उहे डा॒ढो ड॒की वया। 10परअ स्वर्ग॒दूतअ उनन खे चयो, “ड॒को न; छोके मां तवां खे वडे॒ आनंदअ जो समाचार बु॒धाएण जे लाए आयो आयां, जेको सबनिन मांणुन जे लाए हुंदो। 11बु॒धो, अज॒ ही दाऊदअ जे नगरअ बेतलेहम में तवां जे लाए उद्धारकरता जो जनम थ्यो आहे, इयो ही मसीह प्रभु आहे। 12मां जेको तवां खे चयो, उन जी निशानी इया आहे के तवां उन बा॒रअ खे कपड़े में वेढ़यल ऐं चरनीअ में लेटियल डि॒संदव।” 13उन हीं वक़्त हुन स्वर्ग॒दूतअ सां गड॒ बि॒या बी घणाहीं स्वर्ग॒दूतअ परमेश्वरअ जी स्तुति कंदे ऐं इंय चवंदे उनन खे डि॒सण आया,
14“के स्वर्ग॒अ में परमेश्वरअ जी महिमा थे ऐं
धरतीअ ते उनन मांणुन खे शांति मिले,
जेंखां हू डा॒ढो ख़ुश आहे।”
15जड॒ऐं स्वर्ग॒दूतअ उनन वटां मोटी करे वापस स्वर्ग॒अ में वया, तड॒ऐं रिढारन हिकअ बे॒ खे चयो, “हलो, त असां बेतलेहम में हली करे उहो सब डि॒सऊं जेको प्रभुअ पांजे स्वर्ग॒दूतअ जे द्वारा असां खे बु॒धायो आहे।” 16सो उहे ओढी॒ मलई वया ऐं उते उनन मरियम ऐं यूसुफ खे डि॒ठो ऐं उन बा॒रअ खे, संदन चरनीअ में लेटियल पातऊं। 17उन बा॒रअ खे डि॒सण खां पो, जेके बी मांणू रिढारन सां मिल्या उनन उहो सब कुछ उनन खे बु॒धायो, जेको स्वर्ग॒दूतन इन बा॒रअ जे बारे में संदन खे बु॒धायो हो। 18जिन बी रिढारन जूं इहे गा॒ल्यूं बु॒ध्यूं, उहे सब ताजुब करण लगा॒। 19परअ मरियमअ इन सबनिन गा॒ल्युन खे पांजे दिल में रखयईं ऐं उनन जे मथां विचार कंदी रही। 20रिढारन खे जेको बी उन बा॒रअ जे बारे में बु॒धायो वयो हो, उनन उते उअं हीं सब कुछ डि॒ठो ऐं बु॒धो, इन करे उहे परमेश्वरअ जी महिमा ऐं स्तुति कंदा वापस पांजी रिढुन डा॒ं मोटी आया।
येशुअ जो नालो रख्यो वञण
21अठें डी॒ंहं ते जड॒ऐं उन बा॒रअ जो खतनो करण जो वक़्त आयो,#लैव्य 12:3 त उन जो नालो येशु रख्यो वयो#लूका 1:31 जेको स्वर्ग॒दूतअ मरियम खे उन बा॒रअ जे पेटअ में अचण खां पहेरयों हीं चयो वईं।
येशुअ खे मंदरअ में खणी अचण
22जड॒ऐं मूसा जे नियमन जे मुताबिक मरियमअ जे शुद्ध थ्यण जा डींहं पूरा थ्या, तड॒ऐं यूसुफ ऐं मरियम येशुअ खे यरूशलेम जे मंदरअ में खणी आया ताकि उहे हुन खे परमेश्वरअ खे सौंपिन।#लैव्य 12:6-8 23(प्रभुअ जी व्यवस्था में जीअं लिख्यल आहे, “के हर पहेरयों पुट परमेश्वरअ जे लाए पवित्र मञयो वञे#2:23 पवित्र मञयो वञे जो इते मतलब इंय आहे, के उन खे प्रभुअ जे लाए अलग कयो वञे ताकि उहो पवित्राईअ सां हुन जी सेवा करे सगे॒।।”)#निर्ग 13:2,12 24सो उहे ब॒ई जीअं प्रभुअ जी व्यवस्था में चयल आहे, “ब॒ गे॒रा#2:24 गे॒रा मतलब कबूतरन जी हिकअ प्रजाति ऐं इन खे अंग्रजीअ में डव चयो वेंदो आहे। यां त कबूतरन जा ब॒ बा॒रअ” ब॒ली करण जे लाए खणी आया#लैव्य 5:11; 12:8।
शमौनअ जो गीत
25यरूशलेम में हिक शमौन नाले जो मांणू रवंदो हो। उहो धर्मी ऐं भक्‍त हुयो; उहो बेसब्रीअ सां इज़राएल जे छुटकारे जे इंतज़ारअ में हो ऐं पवित्र आत्मा उन जे मथां हुई। 26पवित्र आत्मा जे द्वारा उन ते इयो प्रघट थ्यो हुयो, के जेसताईं उहो प्रभुअ जे मसीहअ खे न डि॒सी वठंदो तेसताईं उहो न मरंदो। 27जड॒ऐं बा॒रअ येशुअ खे, हुन जा माता-पिता मंदरअ में खणी आया के व्यवस्था में जेके रीति रिवाज़अ लिख्यल आइन उनन खे पूरो कन, त उन हीं वक़्त पवित्र आत्मा शमौनअ खे चयईं मंदरअ में वञ। 28उते उन बा॒रअ येशुअ खे पांजे हंजअ में खयों ऐं परमेश्वरअ जी स्तुति कंदे इंय चवण लगो॒,
29“हे प्रभु, हाणे तूं पांजे वायदे मुजुब
पांजे दासअ खे शांतिअ सां विदा कर;
30छोके मुंजी अखियुन उन उद्धारकरता खे डि॒सी वरतो
आहे जेको तुंजे तरफां खां आयो आहे,
31तूं इन जे द्वारा दुनिया खे इन तरीके सां बचाएण जी योजना ठाई तई
के सब मांणू हुन खे डि॒सी सग॒न,
32के हू परमेश्वर ऐं हुन जे उद्धारअ खे प्रघट करण जे लाए गैरयहूदिन जे लाए ज्योति थींदो,
ऐं तुंजी निज प्रजा इज़राएल जे लाए आदरअ जो कारण ठवंदो।” #यशा 42:6; 49:6; 52:10
33बा॒रअ येशुअ जे बारे में इहे गा॒ल्यूं बु॒धी करे, हुन जे माता-पिता खे डा॒ढो ताजुब थ्यो। 34उन खां पो शमौनअ उनन खे आसीसअ डि॒नईं ऐं बा॒रअ जी माता मरियम खे इंय चयईं, “डि॒स हिन बा॒रअ जी वजह सां इज़राएल में जाम ज॒णा नाश थी वेंदा परअ जाम ज॒णा उद्धार पाईंदा, हे परमेश्वरअ जे तरफां हिकअ निशानी आहे, जेंजे विरोधअ में गा॒ल्यूं कयूं वेंदियूं। 35इन जी वजह सां घणन हीं मांणुन जे दिलअ जा विचारअ बी प्रघट थींदा ऐं जीअं तलवारअ जे वारअ सां मांणू चीरजी वेंदो आहे, उअं हीं तुंजो दिल बी चीरजी वेंदो।”
हन्नाह जी येशुअ जे बारे में गवाही
36आशेर जे कुलअ में हन्नाह नाले जी हिकअ भविष्यवक्‍तिन हुई, जेकी फनूएल जी धीअ हुई। उहा डा॒ढी बु॒ढी हुई ऐं शादी थ्यण खां पो खाली सतन सालन ताईं पांजे घोटअ सां गड॒ रही सगी॒ हुई। 37उहा चौरासी सालन जी विधवा हुई ऐं हमेशा मंदरअ में हीं रवंदी हुई#2:37 हमेशा मंदरअ में हीं रवंदी हुई जो मतलब आहे, के उहा मंदरअ में थ्यण वारी हर हिकअ सभा में शामिल रवंदी हुई। । उहा रात-डी॒ंह विर्तअ रखी करे, प्रार्थना कंदे परमेश्वरअ जी आराधना कंदी हुई। 38उन हीं वक़्त उहा उनन जे पासे में अची करे परमेश्वरअ जो धन्यवाद करण लगी॒ ऐं उहा सबनिन खे हुन बा॒रअ जे बारे में बु॒धाएण लगी॒#2:38 उहा बु॒धाएण लगी॒, के इयो बा॒र उहो ही उद्धारकरता आहे जेंखे परमेश्वरअ मोकलण जे लाए वायदो कयईं। , जेके यरूशलेम जे छुटकारे जे इंतज़ारअ में हुवा।
नासरतअ में वापस मोटण
39जड॒ऐं उनन प्रभुअ जी व्यवस्था जे अनुसार सब कुछ पूरो कयो, त उन खां पो उहे वापस पांजे गलील क्षेत्र जे पांजे नासरत नगरअ#मत्ती 2:23 में मोटी आया। 40उहो बा॒र वधंदो वयो, शरीरअ में मजबूत थींदो वयो ऐं बु॒द्धिअ सां भरपूर थींदो वयो; ऐं परमेश्वरअ जो अनुग्रह#2:40 अनुग्रह जो मतलब आहे, परमेश्वरअ जी अनुग्रह, तर्फदारी ऐं आसीसूं। परमेश्वरअ येशुअ जे मथां पांजे अनुग्रह खे खास तरीके सां कयईं। हुन जे मथां हो।
येशु जड॒ऐं बा॒रहें साले जो हो
41येशुअ जा माता पिता हर साल फसह जे तहेवारअ जे मौके ते यरूशलेम वेंदा हुवा।#निर्ग 12:1-27; व्य 16:1-8 42जड॒ऐं येशु बा॒रहें साले जो थ्यो, तड॒ऐं उहे पांजिन रस्मुन जे मुताबिक फ़सह जो तहेवार मनाएण जे लाए यरूशलेम शहेर में वया। 43जड॒ऐं तहेवारअ जा डी॒ंहं पूरा थ्या ऐं हुन जा माता-पिता पांजे घरअ डा॒ं मोटन पया, त छोकरो येशु यरूशलेमअ में ही रहेजी वयो ऐं इन जे बारे में उनन खे जा॒ण न हुई। 44छोके उनन खे लगो॒, के जेके असां सां गड॒ मुसाफिरी करे रया आइन उहो उनन सां गड॒ हुंदो, परअ मुसाफिरी कंदे जड॒ऐं शामअ ताईं येशु उनन खे डि॒सण न आयो, त उहे हुन खे पांजे माइटन ऐं सुञारपअ वारन में गो॒लण लगा॒। 45जड॒ऐं उहो संदन खे न मिल्यो, त हुन खे गो॒लींदे-गो॒लींदे उहे वापस यरूशलेम में वया। 46उहो उनन खे टें डी॒ंहं ते मंदरअ में यहूदी धर्म-गुरून जे विचअ में वेठे ऐं उनन जी बु॒धंदे ऐं उनन खां सवाल-जवाब कंदे मिल्यो। 47जेतरन बी उते हुन खे बु॒धो पे, उनन सबनिन खे येशुअ जी सम्झअ ऐं हाज़िर जवाबीअ ते ताजुब थ्यो। 48येशुअ खे यहूदी धर्म-गुरून सां गड॒ सवाल-जवाब कंदे डि॒सी, हुन जे माता पिता खे ताजुब थ्यो ऐं संदस जी माता हुन खे चवण लगी॒, “हे पुटअ, तूं असां सां एड़ो व्यवहार छो कयो? तुंजे पिता ऐं मुखे तोखे गो॒लण में केडी॒ परेशानी थी आहे?” 49येशुअ उनन खे चयो, “मुखे गो॒लण में तवां एडो॒ परेशान छो थ्या आयो? छा तवां खे खबरअ कोने मुखे पांजे पिता जे घरअ में हुजण ज़रूरी आहे?” 50परअ जेको येशुअ उनन खे चयो, उहे उन गा॒ल खे सम्झी न सग॒या। 51उन खां पो उहो उनन सां गड॒ नासरत नगरअ में वयो, जिते हू संदन जी आज्ञाकारीता में रयो। हुन जी माता इहे सब गा॒ल्यूं पांजे दिल में सांढे रख्यूं।
52येशु बु॒द्धिअ में ऐं शरीरअ में, परमेश्वरअ ऐं मांणुन जे अनुग्रह में वधंदो वयो।#1 शमू 2:26; नीति 3:4
Pašlaik izvēlēts:
लूका 2: SND
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties