Mathiu 9
9
1Neteruan le bot meukafugen, an neterua le nauanu tahan.
2An ahm ru, netakaros ieremim ker rakamis le palsi marua ton rakamel le nihmawa; an Iesu neterahm nuparhienan tenilar, netereni to ieremim rakamis le palsi, Neruk, agien, tehwaga tat taham kenosita.
3An ahm ru, nerem kamatikun nevin netakani le nekin ilar, mama, Wus uk ramakar tat kam Wuhgin.
4An Iesu neterhinatin nar nekin ilar rakahmo netereni, Retol nekimiar rakahmo nar retat le nekimiar?
5Mero in ka irmeruk tokani, Tehwaga tat taham kenosita, wa tokani, Armig maliwak.
6Mero to nakarhinatin Neri Ieremim resanen le ten uk to nositean tehwaga tat (an tereni to ierem rakamis le palsi), Armig mosit nihmawa taham muan le taham nimwa.
7An neterermig muan le nimwa tahan.
8Mero nahuto netakaihm netakamarigen, netakamani vivi Wuhgin ierem terofen nesanenan asul uk kam neremim.
9An Iesu netersipe iken ka makavan, neterahm ieremim netigen Mathiu ramowata le nimwa te nuhwafugenan, an netereni ton, Aroupa io. An neterermig maroupen in.
10An neterowata le nauganan imwa, an ahm ru, nerem kamerhwafugen mene nerem kamaroletat ribor karua mamaiwata ilar Iesu mene tan ieremim min.
11An Farisi min netakaihm netakani to tan ieremim min, Retol Ieremera temiar ramaugan ilar nerem kamerhwafugen mene nerem kamaroletat?
12Mero neterero netereni, Nerem kamarmiuh kasarolkeikeian doktor mero nerem kamaremis.
13Mero aruan marhinatin moma kametueni le nar uk, Io iakolkeikei nolkeikeian mero resolan kama nuhwasigenan. Mero in ka iemesuean moma tiakuanin neremim ut mero noletat.
14An netakarua ton neremim min te Jon mamani, mama, Retol kamar mene neremim min te Farisi min kamaimek, mero neremim min taham kasaimekan?
15An Iesu netereni pen to ilar, Nereri neroean kamaisak loanian ieroe ramarik to ilar min? Mero nepenian terua ieroe kapirita to ilar; kapaimek loanian ka.
16An ieremim ker to restilpenan noanverin nar ituga vi le niuh iroas; mero in ka ierem kamtilpen lan terosita mun le niuh an rapol raphapu puk aken.
17An neremim kasaruipenan wain vi le nevige nar iroas; mero in ka raphapu nevige nar, an wain repier ita lan, an kapetaken nevige nar; mero takaruipen wain vi le nevige nar vi an ilau min kapuarik ut.
18An in ramameni nar uk to ilar, an ieremera ker neterua ton mamohwak kam in meni, moma, Neruk beresuas repemis am uk towek, mero ua mehlaupen nelimam lan, an repemiuh.
19An Iesu neterermig maroupen in, ilar tan ieremim min.
20An ahm ru, beravin ker nitan ramai le nu katilum katilum mekiu neterua le numatan neteriap nuhiefin nar rakava lan.
21Mero in ka netereni le nekin, Rapol moma tiakiap am nar rakava lan, an iapos navitan.
22Mero Iesu neterhwin mahm in netereni, Neruk, agien; nuparhienan taham kenol ut ik. An beravin ka kenol ut le aur ka.
23An Iesu neterua le nimwa te ieremera neterahm neremim kamahro noatetal, an nahuto kameikar ouloul, netereni,
24Arier, mero in ka beresuas resemisan mero ramapul, netakamailhiapninipus in.
25Mero kehnaliatou nahuto neterua imwa, neteros nelimin, an beresuas neterermig.
26An nausitoan tahan neterier le ten min ka.
27An Iesu netersipe iken makavan, an iemnou kiu netakamuaroupen in netakamuasak apam mamuani, Asitu le kamlau, ik Neri Devid.
28An neterua imwa an iemnou mil netikiava ton. An Iesu netereni to ilau, nekuani nuparhienan lak muoma iakasanen to nolan nar uk? netukuani ton, muoma, Ooh, Ieremera.
29An neteriap nemrin ilau, meni, Rolkoma nuparhienan temilau kenol kam kamilau.
30An nemrin ilau kenatita; an Iesu netereni hmahma to ilau, moma, Tenukuahm muoma ierimim ker tereshinatinan.
31Mero netikiaier muausito in le ten min ka.
32Netakarier an netakarir marua ton ieremim nekin rika nanumun tat ramarik lan.
33An nanumun tat kehnaliatou an ierem nekin rika reknamakar; an nahuto min netakamaisak mamani, mama, Kasahman nar ker rolmok le Israel.
34Mero Farisi min netakani, Le ieremera te nanumun tat min terhaliatou nanumun tat min.
35An Iesu ramavan le nihmawa min mene le nauanu min an mametikun le nimwa ahwak min tenilar, mamausito in nakaran ut te niko, an mamol ut neremim le netetan min mene le nemisan min.
36Mero neterahm nahuto min nekin neteramahma to ilar, mero in ka kamaivan tat an kamairumanin kama ship ierem terasig ilar rika.
37An netereni to tan ieremim min. Nemai le korn ribor mero nerem takaisum noanevin am.
38Mero in uk tenakaihwak kam Ieremera te korn moma terhalipa nerem takaisum le korn tahan.
Pašlaik izvēlēts:
Mathiu 9: LEN1902
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Published by the British and Foreign Bible Society in 1902, reprinted in 1935.