Yooháani Mʉlongooryo
Mʉlongooryo
Kɨtáabu ɨkɨ chaandɨkwa nɨ Yooháani ʉmwɨ wa vapooji ikimi na vavɨrɨ va Yéesu. Yooháani aandɨka kɨtáabu ɨkɨ, Kɨtáabu cha Wiivariyuli na barʉ́wa itatʉ, 1 Yooháani, 2 Yooháani, na 3 Yooháani. ˆVyeene vyoónekanaa, Yooháani aandɨka kɨtáabu ɨkɨ mwaaka 90 keende Kirisitʉ ˆavyaalwa. Kɨtáabwii ɨkɨ, Yooháani alʉʉswa ja mʉpooji ˆajáa eendwa nɨ Yéesu (13:23; 19:26; 21:20).
Kɨɨntʉ kɨkʉʉlʉ ˆchabweeyya Yooháani aandɨke kɨtáabu ɨkɨ, nɨ kʉlʉʉsa masáare makʉʉlʉ ˆyarɨ foo Yéesu ˆatʉmama na ukiindya ˆavaheera. Aya yoonekya kɨmʉvɨrɨ, Yéesu nɨ mʉʉntʉ kɨkomi ajáa, na kei yeeye nɨ Mʉlʉʉngʉ kɨkomi.
Kɨtáabwii ɨkɨ, Yooháani aanda ko lumirirya, Yéesu noo Isáare ra Mʉlʉʉngʉ (1:1) na nɨ muumbi wa viintʉ vyoosi hamwɨ na Mʉlʉʉngʉ (1:3). Kei asea, yeeye nɨ Muríisi Mʉʉja ˆatoola nkaasʉ yaachwe sa muundi jaachwe (10:14-15). Na yeeye Yéesu noo Masía valáali na mʉtwe ˆvalaaláa na mʉtwe (6:14; 7:40-41).
Súurii ya 13-17, Yéesu alʉʉsa kweenda kwaachwe kwa vapooji vaachwe, na kwa vaantʉ voosi ˆvamuruma mpɨɨndɨ joosi, na avawyɨɨra masáare yo vafafya mɨtɨma. Yooháani amarikirirya kɨtáabu ɨkɨ, ko vaa isimwi ra Yéesu kʉheewa irya ro ningʼiniwa mʉsaláabii fʉʉrʉ akwye, kʉfʉfʉka kwa Yéesu, na ˆvyeene Yéesu avafʉmɨra vapooji vaachwe.
ˆVyeene Kɨtáabu ɨkɨ Chagavwa
Yéesu nɨ Mʉlʉʉngʉ 1:1-14
Mʉrɨmo wa Yéesu de atamanye na Galiláaya 1:15–4:54
Mʉrɨmo wa Yéesu ʉko Galiláaya na ʉkɨɨkani ˆalʉmana nowo ʉko Yerusaléemu 5:1–10:42
Kʉfʉfʉlwa kwa Lasáaro 11:1-57
Kukimikiririwa kwa Mʉrɨmo wa Yéesu 12:1–13:38
Ukiindya wo kiimikirirya wa Yéesu 14:1–17:26
Kukwya na kʉfʉfʉka kwa Yéesu 18:1–20:10
Kʉvafʉmɨra vaantʉ Yéesu ˆakafʉfʉke 20:11–21:25
Pašlaik izvēlēts:
Yooháani Mʉlongooryo: LAG
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
© 2023 Wycliffe Bible Translators, Inc. All rights reserved.