Marcos 13:22

Anúan usoquin unicaman tëmërati nëtë ucëbëtan ca unin ax asérabi ama ꞌixunbi —ꞌëx cana Cristo ꞌai —quixun paránti sinánquin unicama canuxun ꞌaia. Usaribiquin ca uni raírinën cëmëquin —ꞌën cana Nucën Papa Dios quicë bana unicama ñuixunin —quixun unicama canuxun ꞌaia. Canan ca unicama paránti sinánquin, uni itsían ꞌacëma ñu ꞌanuxun ꞌaia. ꞌAquin ca Nucën Papa Diosan unicamaribi paránti sinánuxun ꞌaia.