Mataayo 4
4
ɄYeesu ajelwa nʉ Seetano
(Maalʉko 1:12-13; Luuka 4:1-13)
1Ɨpo ʉYeesu ahalongozewa nʉ Mʼpepo ʉMʼfinjile hu lʉʉgwa huje ajelwe nʉ Seetano.#4:1 Seetano Bhaazya izwi Seetano hu Ngalulanyo ɨyɨ Mazwi aMajenu hu malishilo wɨ shitaabu ɨshi. 2ɄYeesu ahamala ʉhwo ɨnsiku amashʉmi ganɨ, ʉsanya na nʉsiku ahahwiyiima alye ɨshalye. Ɨpo hu malishilo, ɨnzala yahanʼnuma. 3Ɨpo ʉnʼjeli ʉSeetano ahamʼmwɨnzɨla ʉYeesu ahaga, “Aawe nkashele ʉli Mwana wa Ngʉlʉbhɨ,#4:3 Mwana wa Ngʉlʉbhɨ Bhaazya izwi Mwana wa Ngʉlʉbhɨ hu Ngalulanyo ɨyɨ Mazwi aMajenu hu malishilo wɨ shitaabu ɨshi. ʉgabhʉʉzye amawe ɨga huje gabhe ntogito.” 4Leelo ʉmwene ʉYeesu ahamʼmwamula ahaga, “Ɨsimbwilwe mu Nsimbo ɨMfinjile huje, ‘Ʉwʉʉmi wa muntu saga wufumilana nɨ shalye sheene, leelo hu shila lizwi lya lifuma hwa Ngʉlʉbhɨ.’ ”#Bhaazya ɨNyiizuho 8:3.
5Ɨpo ʉSeetano ahanʼtwala ʉYeesu hwi‑ibooma ifinjile ɨlyɨ Yelusaleemu, ahanʼzʉvya pa mwanya pa shidunku#4:5 pa mwanya pa shidunku Pamo mu nyumba ɨmfinjile pahazengwilwe azʉbhe pa mwanya tee. Nkashele ʉmuntu walagalaga afume paala, wafwanga. pa lubhaga lwɨ nyumba ɨmfinjile ɨya Ngʉlʉbhɨ.#4:5 nyumba ɨmfinjile ɨya Ngʉlʉbhɨ Bhaazya izwi Nyumba ɨmfinjile ɨya Ngʉlʉbhɨ hu Ngalulanyo ɨyɨ Mazwi aMajenu hu malishilo wɨ shitaabu ɨshi. 6Ahamʼmʉʉzya ahaga, “Aawe nkashele ʉli Mwana wa Ngʉlʉbhɨ, ʉhwitaaje pa nsi. Saga ʉbhala‑avwalale, pɨpo ɨsimbwilwe mu Nsimbo ɨMfinjile huje,
‘ɄNgʉlʉbhɨ anza hubhasonteelezye abhantumi bhaakwe
huje bhaʼtoneele mu makhono gaabho
huje ʉsahagwɨle mu mawe na‑avwalale poshe ɨshinama.’ ”#Bhaazya ɨNsalifyo 91:11-12.
7ɄYeesu ahaga, “Nantele, ɨsimbwilwe mu Nsimbo ɨMfinjile huje, ‘Ʉgandi hunʼjele ʉMwɨnɨ ʉNgʉlʉbhɨ, ʉNgʉlʉbhɨ waaho.’ ”#Bhaazya ɨNyiizuho 6:16.
8Nantele, ʉSeetano ahanʼtwala ʉYeesu pa mwanya tee pi‑igamba, ahanʼnanga ʉwumwɨnɨ ʉwɨ nsi zyonti peeka nʉ mwamu waakwe. 9Ahamʼmʉʉzya ahaga, “Nkashele wansugamilila anɨ na humpuute, ɨmbala hupeele ɨvi vyonti.” 10Ɨpo ʉYeesu ahaga, “Epa ɨpa, wee Seetano! Enya, ɨsimbwilwe mu Nsimbo ɨMfinjile huje, ‘Ʉmʼpuutaje ʉMwɨnɨ ʉNgʉlʉbhɨ, ʉNgʉlʉbhɨ waaho. Nantele, ʉmʼmombelaje yʉʉyo mwene.’ ”#Bhaazya ɨNyiizuho 6:13.
11Ɨpo ʉSeetano ahanʼneha ʉYeesu, abhantumi afume hwa Ngʉlʉbhɨ bhahɨnza, bhahamʼmombelaga.
ɄYeesu ahwanda ɨmbombo yaakwe hu mukowa ʉgwɨ Galilaaya
(Maalʉko 1:14-15; Luuka 4:14-15)
12ɄYeesu lwa wʉmvwa huje ʉYoohani ʉMwozi akʉngwɨlwe mu hoobhe, ahabhala hu mukowa ʉgwɨ Galilaaya, ahafiha mwi‑ibooma ɨlyɨ Nazaleeti. 13Ɨshi, ʉYeesu ahasogola hu Nazaleeti, ahabhala akhale hwi‑ibooma ɨlyɨ Kapelenawumu. Ibooma ɨlyo lili munshɨnjɨ yɨ nsʉmbi ɨyɨ Galilaaya. Nantele lipahana nɨ nsi ɨzyɨ shikholo ɨsha Zabulooni nɨ sha Nafutaali. 14Gahabhombɨɨshe ɨsho huje libhombeshe izwi liila lya‑ahayanjile ʉNgʉlʉbhɨ hwi‑idala ɨlya nʼkuwi waakwe ʉYesaaya huje,
15“Ɨnsi ɨya Zabulooni nɨ ya Nafutaali
zili mwi‑idala lya libhala hu nsʉmbi,
mwi‑isyɨla ɨli‑isooho ɨlyɨ Yolodaani.
Ʉhwo hu mukowa ʉgwɨ Galilaaya,
ʉmwo mwa bhakhala abhantu bha saga Bhayahuudi.
16Abhantu ɨbho bhakhala mu hiisi,
bhalolile ʉlukhozyo ʉlugoosi.
Bhope ɨbho bhakhala mu hiisi ɨya‑afwe,
ʉlukhozyo ʉlwa shampwi lwahabhakhozya.”#Bhaazya Yesaaya 9:1-2.
17Afume hu habhaazyo haala, ʉYeesu ahanda alʉmbɨɨlɨle ahagaga, “Lambaji na huzileshe ɨmbiibhi zyenyu, pɨpo ʉwumwɨnɨ ʉwa hu mwanya wupalamiiye.”
ɄYeesu ahubhasalula abhasundwe abha hwande
(Maalʉko 1:16-20; Luuka 5:1-11)
18Isiku limo ʉYeesu lwa‑ajenda munshɨnjɨ yɨ nsʉmbi ɨyɨ Galilaaya, ahabhalola abheela nswɨ bhabhɨɨlɨ, abhanakwabho, ʉSiimoni ʉyo itaawa lyakwe ahali yʉ Peeteli nʉ nʼdoodo waakwe ʉAnduleeya. Abheela nswɨ ɨbha bhaheelaga ɨnswɨ nɨ nyeelo mu nsʉmbi. 19ɄYeesu ahabhabhʉʉzya ahaga, “Mumbɨnjɨlɨzyaje anɨ na‑abhe bhasundwe bhaanɨ. Lyoli ɨmbala hubhamanyizye hubhaleete abhantu hwaliinɨ nanshi sha mwaheelaga ɨnswɨ hwisinda.”#4:19 Mumbɨnjɨlɨzyaje anɨ na‑abhe bhasundwe bhaanɨ. Lyoli ɨmbala hubhamanyizye hubhaleete abhantu hwaliinɨ nanshi sha mwaheelaga ɨnswɨ hwisinda Mu njango ɨyɨ Shiyunaani ɨsimbwilwe huje, Ɨnzaji mumbɨnjɨlɨzyaje, nanɨ ɨnza hubhabhɨɨshe abhe bheela bhantu. 20Pɨnɨɨpo lwene bhahazileha ɨnyeelo zyabho, bhahanda humʼmɨnjɨɨlɨle ʉYeesu.
21ɄYeesu lwa wajendeelela pilongolela hashe, ahabhalola abhanakwabho bhabhɨɨlɨ abhanjɨ, ʉYaakobo nʉ Yoohani, abhavwɨlɨ bha Zebedaayo. Bhabhɨɨlɨ ɨbho bhahali mu waato peeka nʉ yise waabho ʉZebedaayo, bhahazilɨnganyaaga ɨnyeelo zyabho. ɄYeesu ahabhakwizya bhope. 22Lwʉlwo, bhahawuleha ʉwaato nʉ yise waabho, na humʼmɨnjɨɨlɨzye ʉYeesu.
ɄYeesu ahubhamanyizya abhantu na hubhaponie abhabhinu
(Luuka 6:17-19)
23ɄYeesu ahazyʉngʉʉlaga hu mukowa gwonti ʉgwɨ Galilaaya. Ahatʉʉhaga mu nyumba ɨzya‑apuutile na‑amanyiilile#4:23 nyumba ɨzya‑apuutile na‑amanyiilile Mu njango ɨyɨ Shiyunaani bhayiga, isinagoogi. Bhaazya izwi Nyumba ɨya‑apuutile na‑amanyiilile hu Ngalulanyo ɨyɨ Mazwi aMajenu hu malishilo wɨ shitaabu ɨshi. ɨzya Bhayahuudi, ahabhamanyizyaga abhantu na‑alʉmbɨɨlɨle ɨNongwa ɨNyinza ɨzyɨ wumwɨnɨ ʉwa hu mwanya na hubhaponie ʉbhinu ʉwɨ waaji wonti. 24Ɨpo ɨnongwa zyakwe zyahanyampaana tee afishe mu mukowa gwonti ʉgwɨ Siiliya. Abhantu bhahabhatwalaga abhabhinu bha bhahali nɨ mpʉngo ɨzyɨ waaji wuwinji. Mwɨ‑ɨbho, bhahali ɨbho bha bhahali na mapepo, bha bhahagwanga shaaha na‑afumye itatafula hwi‑ilomu, na bha bhahafwiye hundwɨmo. Ʉmwene ʉYeesu ahabhaponiaga ɨbho bhonti. 25Ɨmpʉga ɨzya bhantu abhinji tee zyahali zihumʼmɨnjɨɨlɨzya afume hu mukowa ʉgwɨ Galilaaya, hu mabooma ishʉmi aga hu Dekapooli,#4:25 Amabooma ishʉmi aga hu Dekapooli gahahwitabhaalaga. Abhantu abhinji abhɨ mabooma ɨgo saga bhahali Bhayahuudi, nantele ɨnjango yaabho yahali Shiyunaani. hwi‑ibooma ɨlyɨ Yelusaleemu, hu mukowa ʉgwɨ Yudeeya na hwi‑isyɨla ɨli‑isooho ɨlyɨ Yolodaani.
Pašlaik izvēlēts:
Mataayo 4: SBK
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
© 2022, Wycliffe Bible Translators, Inc. All rights reserved.