پيدائش 10
10
1نوح جي پٽن سم، حام ۽ يافت جو نسب نامو هن ريت آهي: طوفان کان پوءِ هنن کي پٽ ڄاوا. 2يافت جا پٽ هئا، جمر، ماجوج، مادي، ياوان، توبل، مسڪ ۽ تيراس. 3جمر جا پٽ هئا، اشڪناز، ريفت، ۽ تجرمہ. 4۽ ياوان جا پٽ هئا السيہ، ترسيس، ڪتي ۽ دوداني. 5قومن جا ٻيٽ انهن ئي جي اولاد ۾، سندن قبيلن ۽ ملڪن موجب ورهائجي ويا، جن مان هر هڪ جي ٻولي پنهنجي هئي.
6حام جا پٽ هئا، ڪوش، مصر، فوطہ ۽ ڪنعان. 7ڪوش جا پٽ هئا، سبا، حويلہ، سبتہ، رعماہ ۽ سبتيڪ. رعماہ جا پٽ هئا، سبا ۽ ددان. 8ڪوش مان نمرود پيدا ٿيو، جو ملڪ ۾ هڪڙو زبردست پهلوان هو. 9هو خداوند جي اڳيان هڪڙو شڪاري پهلوان هو، انهيءَ ڪري اها چوڻي ٿي ويئي تہ خداوند جي اڳيان نمرود جهڙو شڪاري پهلوان. 10هن جي بادشاهت جي شروعات سنعار ملڪ جي بابل، ارڪ، اڪاد ۽ ڪلنہ مان ٿي. 11انهيءَ ملڪ مان نڪري هو اسور ۾ آيو، جتي ڪي شهر ٻڌائين، جهڙوڪ نينوہ، رحوبو تعير ۽ ڪلجہ. 12نينوہ ۽ ڪلجہ جي وچ ۾ رسن هو، جو وڏو شهر هو. 13مصر مان لودي، عنامي، لهابي، نفتوحي، 14فتروسي، ڪسلوحي (جن مان فلستي نڪتا) ۽ ڪفتوري پيدا ٿيا.
15ڪنعان کي پهريون پٽ صيدون ڄائو ۽ پوءِ حت؛ 16انهيءَ مان يبوسي، اموري، جرجاسي، 17حوي، عرقي، سيني 18اروادي، صماري ۽ حماتي پيدا ٿيا: ۽ پوءِ ڪنعاني قبيلا پکڙجي ويا. 19ڪنعانين جون حدون هن ريت آهن: صيدا کان غزہ تائين، جو جرار جي واٽ تي آهي، ۽ ٻئي پاسي لسع تائين جو سدوم، عمورہ، ارمہ ۽ ضيبيان جي واٽ تي آهي. 20سو حام جو اولاد اهو آهي، جو پنهنجن قبيلن ۽ ٻولين موجب پنهنجن ملڪن ۽ قومن ۾ آباد آهي.
21سم، جو عبر جي سڀني ٻارن جو ڏاڏو ۽ يافت جو وڏو ڀاءُ هو، تنهن مان بہ اولاد پيدا ٿيو. 22سم جا پٽ هئا، عيلام، اسور، ارفڪسد، لود ۽ ارام. 23ارام جا پٽ هئا، عوض، حول، جتر ۽ مس. 24ارفڪسد مان سلحہ پيدا ٿيو، ۽ سلحہ مان عبر. 25عبر کي ٻہ پٽ هئا، هڪڙي جو نالو فلجہ هو؛ ڇالاءِ جو انهيءَ جي ڏينهن ۾ زمين ورهائجي ويئي ۽ سندس ڀاءُ جو نالو يقطان هو. 26يقطان مان الموداد، سلف، حصارماوت، اراخ؛ 27هدورام، اوزال، دقلہ: 28عوبل، ابي مائيل، سبا؛ 29اوفير، حويلہ ۽ يوباب پيدا ٿيا؛ اهي سڀيئي يقطان جا پٽ هئا. 30انهن جي رهڻ جو هنڌ ميسا کان وٺي اُڀرندي واري سفار جبل ڏانهن هو. 31سم جو اولاد اهو آهي، جو پنهنجن قبيلن ۽ ٻولين موجب، پنهنجن ملڪن ۽ قومن ۾ آباد آهي.
32نوح جي پٽن جو اولاد پنهنجن قبيلن ۽ قومن موجب اهو آهي، ۽ طوفان کان پوءِ جيڪي قومون زمين تي ورهائجي ويون، سي انهن مان ئي هيون.
Pašlaik izvēlēts:
پيدائش 10: SB62
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Sindhi Bible © Pakistan Bible Society, 1954,1962.