KARARIADI 4
4
I Kain l᷊au i Habel
1I Adam nutatamba dingang kawinge, i Hawa, dang kowawine e'e pia kal᷊uwaenge. I sie nahinding singkatau ana ko ese dang nangul᷊i, “Bou tul᷊umang u Mawu Ia seng nakahombang singkatau ana ko ese.” Inau nisighonge ana e'e i Kain. #4:1: Kain: Areng i'i su l᷊al᷊ung u wahasa ngu Ibrani mangal᷊enge “nakahombang”. 2Bou e'e i Hawa sau nahinding singkatau ana ko ese, arenge i Habel. I Habel nakoa mul᷊al᷊ukari domba, arawe i Kain nakoa mangangawuhi. 3Pira ngkatempo bou e'e i Kain nangal᷊a singkamonang bou kang sasuange bou e'e nisumbange su Mawu. 4#Ibr. 11:4Bou e'e i Habel nangal᷊a ana u domba simbau ko kaiyakanenge bou tal᷊oara u dombae, nihatae, bou e'e nisumbange bahageang ko kapiange su Mawu. Mawu mal᷊uasi si Habel l᷊au sasumbange, 5kateho ta nanarima si Kain l᷊au sasumbange. I Kain nuwawal᷊uang kahingang, dang pahesie nuwal᷊u. 6Kuteu Mawu nuhengetang si Kain, “Apawe nakapuwawal᷊uang si kau? Apa nakapuwal᷊u pahesiu? 7Kiko i kau nukoa ko mapia, nal᷊ahe i kau ko momi; arawe boko i kau nukoa ko dal᷊ai, inau dosa kapangampal᷊i tadeau sumu su l᷊al᷊ung u naungu. Dosa sarung mangawasa su watangengu, kateho i kau mambeng pamata si sie.”
8 #
Mat. 23:35; Luk. 11:51; 1Yoh. 3:12 Bou e'e angkung i kain si Habel, tuaringe, “Intae karua makoa sarang awuhi.”#4:8: pira mbau salenang ko tuwei: Intae karua makoa sarang awuhi. Salenang Ibrani takoae didato i'i. Suapang i sire rua nurating su se'e, i Kain nanumbou dang namate si Habel tuaringe.
9 Mawu nukina si Kain, “Su apa i Habel, tuariu?”
I Kain nusumimbahi, “Ia wugha. Apa ia mambeng mundiaga tuariku?”
10 #
Ibr. 12:24 Bou e'e Mawu nuhengetang, “Hakiwe i kau nukoa hal᷊i ko dal᷊ai e'e ko? Daha ngu tuariu kakihae si Sia bou tana, kere tingihi ko kakihae mundo makiwal᷊isi. 11I kau nianeng hakiu i kau ta makaputaghia tana. Tana e'e seng naneho daha ngu tuariu kere ko niwukae mohonge tadeau makatarima daha ngu tuariu e'e pia i kau namate si sie. 12Boko i kau musuang, tana sarung ta mughisi ngu manga apa; i kau sarung makoa mul᷊al᷊iku ko takoae katanakeng su dunia.”
13Kuteu angkung i Kain su Mawu, “Hukumang e'e tumaniu mabuha, ia ta makatanggong. 14I kau manokol᷊i sia bou tana i'i, marau bo I Kau. Ia sarung makoa mul᷊al᷊iku ko takoae tampa katanakeng su dunia, dang ia sarung pateng i sai-sai ko musombang u ia.”
15Kateho Mawu nuhengetang, “Ta. Boko i kau pateng, kuteu kere wawal᷊isie, pitu ngkatau su l᷊al᷊unge ko namate e'e sarung l᷊ai ipate.” Bou e'e Mawu nutaho tatia si Kain tadeau i sai-sai ko musugha dingange kumbahang mamate si sie. 16Kuteu natamaite i Kain bou saruang u Mawu dang natana su tana ko isusigho “pul᷊al᷊ikutang” su simbuka u raki bou Eden.
Hintou ngi Kain
17I Kain l᷊au kawinge nakahombang ana ko ese, ko nisigho si Henokh. Bou e'e i Kain namangung soa simbau dang nisighonge soa e'e nutumuhu areng u anae e'e. 18I Henokh iyamang i Irad. I Irad iyamang i Mehuyael. I Mehuyael iyamang i Metusael, dang i Metusael ko iyamang i Lamekh. 19I Lamekh dua ngkatau kawinge, i Ada l᷊au i Zila. 20I Ada nahinding i Yabal, dang hintou ngi Yabel e'e bangsa ko namal᷊ihara binatang dang natana su kema. 21Tuaringe arenge i Yubal dang hintou ngi Yubal nakoa tahapunang musik kecapi l᷊au suling. 22I Zila nahinding i Tubal Kain, dang hintounge sintinia mukoa haghi ngu pakakasi #4:22: dang hintounge sintinia mukoa haghi ngu pakakasi; simbau salenang ko tuwei: i upung kaul᷊i u haghi ngu pakakasi. bou witu l᷊au uase. Tuari ngi Tubal Kain kowawine arenge i Naama.
23I Lamekh nangul᷊i su kawinge sire rua,
“Ada l᷊au i Zila, raringihiko!
Singkatau umbaseng daku nipate ual᷊ingu seng nundariha si sia.
24Boko pitu ngkatau nipate tadeau mamal᷊isi papate ngi Kain,
kuteu pitumpul᷊opitu su kataunge sarung ipate boko ia ipate.”
I Set l᷊au i Enos
25I Adam l᷊au kawinge sau nakahombang ana ko ese simbau. Angkung i Hawa “Mawu Ruata seng nangonggo si sia ana ko ese kere ghaghanti ngi Habel, ko seng nipate ngi Kain.” Watu'u e'e i Hawa nusigho ana e'e i Set.#4:25: Set: Areng i'i su l᷊al᷊ung u wahasa ngu Ibrani tingihie kere didato ko mangal᷊enge “seng nangonggo”. 26I Set pia anae ko ese ko nisigho arenge i Enos. Su tempo e'e taumata nanita nusigho areng u Mawu boko manumba.
Pašlaik izvēlēts:
KARARIADI 4: PLT
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties