Mareka 8
8
1Hamafuku owu chikwadiŋi cheŋi izaza dawantu deneni, chiyabulili yakudya, hakutambika atumbanji twindi, 2nindi, Natiyili izaza dawantu wushona, muloŋa anashakami dehi nanami mafuku asatu, hiyakweti yakudyaku. 3Neyi nukuyila nami ayi kunyikala yawu nanzala akufwa chinzeya munjila; muloŋa amakwawu afuma kwakulehi. 4Atumbanji twindi hiyakumwakula nawu, Mankendi akwikutisha wenawa munu mwisaŋa akufumahi? 5Hakuyihula nindi, Mukweti mankendi aŋahi? Nawu, Atanu nayedi. 6Hakuleja izaza nindi ashakami heseki; hakutambula owu mankendi atanu nayedi, hakusakilila, hakuhumuna hakwinka atumbanji twindi ayinki; wena hiyakwinka izaza. 7Adiŋi natunyisaŋi twanyanya twantesha, hakutukiswila nkisu, hakuyileja nindi yinkenu nitwenitu nawa. 8Hiyakudya, hiyakwikuta. Hiyakunona yibalu yasheluhu yimpaya yitanu nayiyedi. 9Antu ashikili neyi mumakombakaji awana; hakuyila nindi ayi kwawu. 10Hohenohu eŋila nimuwatu hamu nawatumbanji twindi, hakuya kumutamba waDalamanuta.
11AFwarisi hiyakwinza, hiyakutachika kutadika nindi, hiyakukeŋa kumona kudi yena chinjikijilu chamwiwulu, adiŋi nakumweseka. 12Hakudishishimuna nankashi muspiŋtu yindi nindi, Antu achisakichi anakeŋelidi chinjikijilu? Nukuyileja chalala nami, antu achisakichi hiyakuyileja chinjikijiluku. 13Hakuyishiya, hakwijila cheŋi muwatu, hakufumaku, hakuya kwishinadi.
14Avulameneni kusenda mankendi; muwatu mwadiŋi kwadinkendi dimu hohu. 15Hakuyikaanda nindi, Shinshikenu mubabeli iluŋi dawaFwarisi niiluŋi daHerodi. 16Hiyakudihujola nawu chochitunabuli mankendi tahindi? 17Yesu chanachishinshikiyi, hakuyila nindi, Mwenda mudihujoleladi nenu chochitunabuli mankendi? Nihanu kanda mushinshiki, kanda mwiluki? Nyichima yenu saŋa yachinchikila? 18Mesu mukweti, himwamonaŋaku? Matu mukweti, himwatiyaloŋaku? Himwaanukaŋaku? 19Awa makombakaji atanu, chinayihumwinini mankendi atanu, mwanonenuku mabaŋu aŋahi enzala yibalu? Hiyakumwila nawu, Ikumi nayedi. 20Indi ana makombakaji awana chinayihumwina mankendi atanu nayedi, mwanona yimpaya yiŋahi yenzala yibalu? Hiyakumwila nawu, Yitanu nayiyedi. 21Hakuyila nindi, Nihanu kanda mwiluki?
22Hiyakushika kuBeteseda. Hiyakumuletela mputamesu, hiyakumulembelela nawu amukunki. 23Hakukwata mputamesu kuchikasa, hakumufumisha mumukala; chanamufwijiliyi mazeŋi hamesu hakumunaŋika makasa, hakumwihula nindi, Wunamoni chuma? 24Yena hakubanduka nindi, Namoni antu; nayimoni neyi nyitondu yidi nakwenda. 25Hakumunaŋika cheŋi makasa hamesu; muntu hakutala swi-i, hakukola, hakumona yuma yejima chalumbuluka. 26Hakumwila nindi, Yaŋa kwitala deyi, bayi wiŋila hela mumukalaku.
27Yesu hakufumaku nawatumbanji twindi, hiyakuya kunyikala yakuKesareya Fwilipi; hakuyihula atumbanji twindi munjila nindi, Antu antenaŋa nawu yaminyi? 28Hiyakumuleja nawu yeyi Yowanu Mpapatishu; amakwawu nawu yeyi Elija; amakwawu nawu wukaprofwetu wumu. 29Hakuyihula nindi, Indi enu aweni mwelaŋa nenu yaminyi? Petulu hakwakula nindi, Yeyi Kristu. 30Hakuyikaanda nindi bayi munshimuna kudi muntuku.
31Hakutachika kuyileja nindi, Mwana kamuntu chiŋa akakaba yuma yayivulu, akamuleka kudi awakulumpi, nikudi awakulumpi jawatupristu, nikudi ansoneki; akamujaha, chimwakahita mafuku asatu wakasaŋuka mudi afu. 32Wahosheli mazu owu hatooka. Petulu hakumutwala hambadi, hakutachika kumukaanda. 33Yena hakushetumuka, hakutala atumbanji twindi, hakumuhoshola Petulu nindi, Eyi Satana, hita kunyima yami; muloŋa hiwasha muchima kuyuma yaNzambuku, washa kuyuma yawantu.
34Hakutambika izaza dawantu nawatumbanji twindi, hakuyila nindi, Muntu wukukeŋa kunlondami adibondi, anyamuni kulusu yindi anlondaŋa. 35Muloŋa muntu wukukeŋa kuhemba wumi windi wakawujimbesha; hakwila muntu wukujimbeshela wumi windi hamujimba wamami nihansaŋu yayiwahi, wakawuhemba. 36Muloŋa neyi muntu wukuheta mpata yamunu mwishina yejima, ajimbeshelahu wumi windi, wakadiila kwodi? 37Chumanyi chakahanayi muntu akahimpi nachu wumi windi? 38Muntu wukuntiyilami nimazu ami nsonyi muchisakichi chawuvumbi chanshidi, Mwana kamuntu niyena wakamutiyila nsonyi hakenzayi mulubanji lwakulema kwaTata yindi nawaŋelu ajila.
Pašlaik izvēlēts:
Mareka 8: MW62
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
The Bible in Lunda: Ndembu (Lunda of Kalunda) © B. F. B. S. 1962.