MI CILIMA 9
9
1U Tienu den seligi Nowe leni o bijaba ki yedi ba: «Yin yaa maa ki pugidi ki go gbieni ki tinga.#Cil 1.28 2Ki tinga yandi kuli leni tanpoli bonyugiditi kuli leni yaala n fo ki balini ki tinga nni kuli, leni mi ñincianma nni yaa jami kuli baa pia yipo li fangili leni i jeje. Moko, n ŋa bikuli yi nuu nni. 3Yaala n fo ki pia miali kuli n puni la lan tua yipo jiema nani min puni yi yaala n pudi ki tinga nni kuli maama yeni. 4Ama yin da ŋmani yanga leni ki miali, lan tie ki soama.#Lef 7.26-27; 17.10-14; Tia 12.16,23; 15.23 5Yi soama n tie yi miali. Lanwani yaa nilo bi yaa yanga n bolini laa miali, U Tienu baa faa ki buali o li. 6Yua n wuli o nisaalilielo soama, o nisaalilielo n baa wuli o moko yaa soama#Cil 1.26; Ñam 20.13 7kelima U Tienu den tagi o nisaalo o yaa nannanli nne. Yinba, yin yaa maa a bila ki pugidi, yin go yadi mani ki tinga nni ki yaa pugidi boncianla ki niinni.»#Cil 1.28
8U Tienu go den maadi leni Nowe leni o bijaba ki yedi ba: 9«Diidi, n kuani o *ŋantaado leni yinba leni yi bila yaaba n ŋua yi puoli. 10N go kuani o ŋantaado leni yaa bonla n fo ki ye leni yi kuli lan tie i nuani, ti denyandi, yaala n ñani ku ñinbiagu nni leni ki tinga nni yandi kuli. 11N kuani o ŋantaado leni yi, tabolinkaaga ñincianma kan go cua ki bolini ki tinga. 12U Tienu den yedi, line n tie yaa maalima n doagidi ke n kuani o ŋantaado mini leni yinba yaa siiga. N go kuani o ŋantaado leni yaa bonfuoda n ye leni a kuli nifiima n tu nifiima. 13N bili n taniano ku tawaligu nni. O baa tie o ŋantaado yaa maalima mini leni ki tinga yaa siiga. 14N yaa taani ti tawadi ki tinga tanpoli, o taniano baa doagidi ku tawaligu nni, 15ke n baa tiadi n ŋantaado mini leni yinba yaa siiga leni a bonfuoda kuli, leni mialifo kuli yaa siiga. Mi ñima kan go tua yaa ñincianma n baa bolini mialifo kuli. 16O taniano baa ye ti tawadi nni. N baa diidi o, ke min yaa tiadi min kuani yaa ñoanianu leni ki tinga yaa bonfuodila kuli. 17Lani n tie min kuani yaa ŋantaado mini leni ki tinga yaa bonfuoda kuli.»
Nowe bijataadiba
18Nowe yaa bijaba yaaba n den ñani ku ñinbiagu nni den tie Sema, Kama leni Jafeta. Kama den tie Kanana yaa baa. 19Nowe yaa bijataadiba yeni den n mali ki gbieni ki tinga kuli.
20Nowe den cili ki ko ki tinga ki ŋu duven tiidi. 21Dayenli o den ñuni duven ki gaadi ki landi o tiadi kuli o gbandieli nni. 22Kanana yaa baa Kama den laa o baa mubima ki waani o naataani ke bi ye niinpo. 23Lanwani Sema leni Jafeta den taa bu kpalibu ki bugi bu bi boacaba po ki cuoni sinsinpoli ki cua ki pini bi baa mubima. Baa den laa bi baa mubima kelima bi den buli bi nunmu. 24Nowe n den fundi ke mi daama kagidi opo, o den gbadi ku waajuogu n tieni o yaala. 25O den yedi:
«Kanana n tua ti solindi yua,
Wan tua o kpeliba yonbi kuli yaa yonbo.»
26O go den yedi:
«Li Miali Diedo, Sema n ŋua yaa Tienu n baa ti pagidi,
Kanana n tua bi yonbo.
27U Tienu n tandi ki pugini Jafeta yaa piama,
Wan yaa ye Sema yaa gbandiena nni
Kanana n tua bi yonbo.»
28Ki tabolinkaaga n den pendi, Nowe go den tieni bina kobitaa n piimuu. 29Nowe miali yema yaa bina kuli den pundi bina kobiyia n piimuu, lan yuandi o den kpe.
Ki tinga nibuoli
Pašlaik izvēlēts:
MI CILIMA 9: GUX03
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Gulmancema Bible © Bible Society of Burkina Faso, 2003.