HLIMI 36
36
Esawu wí ma klɛn wa Edɔmu klo ni
1Esawu wi kluʔu pii pé bee, ŋa wí nyɛ Edɔmu we. 2Esawu wi dá wi cɛɛ kpe be wa Kana klo picɛɛ pee ni. Elon ŋa Ɛti woo wi picɛ Ada nì, Ana picɛ Oholibama nì, Ɛfi woo Tisibenyo picɛ wi, 3Isimayɛli picɛ Basimati nì, ŋa Nebayɔti wi cɛpii nì. 4Ada wɔ̀ɔ pyɔ wà he Esawu ma we, à pe noo yeri Elifasi. Basimati wɔ̀ɔ wà he, à pe noo yeri Hreyuwɛli. 5Oholibama wɔ̀ɔ pee he, à pe na pe yeri Jewusyi, Jahelamu, ní Kore nì. Esawu wi dá pii bee he wa Kana klo ni pee bɛ.
6Esawu wɔ̀ɔ wi cɛɛ kpe be wi pii pè bɛfu ní, nabii ní cɛɛ ní be mà wi go hɛɛn pè bɛfu plɛn wi mbadara ní wi ajobo pì bɛfu ní mà plɛn wi masaʔa nì ba wi dá da wa Kana klo ni mà kɛri klo là ni leʔe mà yâ bo wa leʔe wi conlo Jakɔbe na we. 7Mɛjɛn pe syɛnmu pe masaʔa ki dá bo fafaʔaga ceŋge mà po pòo gban bì go dedege na. Pe da ní mâ po klɛnmɛ ma ni, à mi cɛrɛ pe ajobo na be. 8Esawu wɔ̀ɔ kɛri mà yâ glɛn wa Seyiri angogo na. Esawu wiì wi ŋa Edɔmu we.
Esawu wi kluʔu pii kayoʔo
9Esawu wi kluʔu pii pe yegee ké gee, ŋa wí nyɛ Edɔmu to wa Seyiri angogo yugu na ge. 10Esawu wi najɛɛ pe yegee ké gee: Wi cɔ Ada wi pyɔ Elifasi nì, ní wi cɔ Basimati pyɔ nì ŋa pé na yeri Hreyuwɛli we.
11Elifasi wi pii pe yegee ké gee: Tema nì, Omari nì, Tisofo nì, Gayetamu nì, ní kenase nì. 12Timina wi dá bo Esawu wi pyɔ wi cɔ syɛnwoo. Wi dá pyɔ wà he Elifasi ma we, à pe noo yeri Amalɛki. Esawu wi cɔ Ada wi pii pee bɛ.
13Esawu wi cɔ Basimati wi pyɔ Hreyuwɛli pii pe yegee ké gee: Nahati nì, Serasyi nì, Syama nì. Basimati wi najɛpii pe yegee kee gɛ ŋa Esawu wi cɔ we. 14Esawu wi cɔ Oholibama ŋa wí nyɛ Ana picɛ wi pyɔ we mâ po Sibenyo wi picɛ pyɔ wi dá Jewusyi he ní Jayelamu nì, ní Kore nì
15Esawu wi kluru ti yugu fɛɛ pé bee: Esawu wi pikplɛɛ Elifasi wi pii pé bee: Lagwɔ Tema, lagwɔ Omari, lagwɔ Tisefo, lagwɔ Kenase, 16lagwɔ Kore, lagwɔ Gayetamu nì, lagwɔ Amalɛki nì. Ki lagwɔɔ pee bɛ Elifasi wi dá he wa Edɔmu klo ni le, Ada wi pii pee bɛ.
17Esawu wi pyɔ ŋa pé na yeri Hreyuwɛli wi pii pé bee: Lagwɔ Nahati nì, lagwɔ Serasyi nì, lagwɔ Syama nì, ní lagwɔ Misa nì. Pee bɛ heme lagwɔɔ bee Hreyuwɛli wi dá he wa Edɔmu klo ni le, Esawu wi cɔ ŋa pé na yeri Basimati wi pii pee bɛ.
18Esawu wi cɔ ŋa pe dáa yeri Oholibama wi pii pe yegee ké gee: Lagwɔ Jewusyi nì, lagwɔ Jayelamu nì, ní Kore ní. Lagwɔɔ bee Esawu cɔ Oholibama ŋa Ana picɛ wi dá he pee bɛ.
19Esawu wi pii pee bɛ. Àʔa ní mà po nɛ pe kluru kundiʔiyee pee bɛ. Esawu wiì wi Edɔmu we.
20Seyiri wi pii pé bee: Wiì ŋa Horiyee woo bee pe da glú mâ po wa ki klo ni le: Lotan nì, Syobali nì, Tisibenyo nì, Ana nì, 21Disyon nì, Etisɛri nì, ní Disyan nì. Ori woo pe kluru kundiʔiyee pee bɛ, Seyiri pii be wa Edɔmu klo ni le. 22Lotan wi pii pe yegee ké gee: Ori nì, ní Emamu nì. Lotan wi cɛpii pe dáa wi yeri Timina. 23Syobali wi pii yegee ké gee: Alifan nì, Manahate nì, Ebali nì, Syefo nì, ní Onamu nì. 24Tisibenyo wi pii pe yegee ké gee: Aja nì, ní Ana nì. Ki Ana wiì wi da yâ nyufunmu nya wa sinbriʔi ni nyiŋi ga na wi dáa wi to Tisibenyo wi sofɛnŋɛɛ naʔa ge. 25Ana wi pii pé bee: Disyon nì, ní Oholibama nì, Ana wi picɛ we. 26Disyon wi pii pé bee: Hɛmidan nì, Ɛsyiban nì, Jitran nì, ní Keran nì. 27Etisɛri wi pii pé bee: Bilan nì, Saafan nì, ní Akan nì. 28Disyan wi pii pe yegee ké gee: Utisi nì, ní Aran nì.
29Ori woo pe kluru lagwɔɔ pé bee: lagwɔ Lotan nì lagwɔ Syobali nì, lagwɔ Tisibenyo nì, lagwɔ Ana nì, 30lagwɔ Disyon nì, lagwɔ Etisɛri nì, ní lagwɔ Disyan nì. Hori woo pe kluru lagwɔɔ pee bɛ, lagwɔɔ bee pe dá da wa Seyiri klo ni le pee bɛ.
31Masaa bee pe da glɛ́n Edɔmu klo li yugu na sanni masanaŋa wà bi ba glɛn Israyɛli pii pe yugu na pé bee: 32Behɔri pyɔ Bela wi da glɛ́n Edɔmu klo yugu na. Pe dáa wi kàʔà yeri Dɛnhaba. 33Bela wi da gâ gu kɔ, Jobabu wɔ̀ɔ klɛn be wi nolo. Wi dá bo Serasyi ŋa Botisra woo we wi pyɔ. 34Jobabu wi gâ gu kɔ, Usyamu ŋa Temaniteyee klo woo, wɔ̀ɔ bâ glɛn klo fɛrɛ na wi nolo na le. 35Usyamu wi da gâ gu kɔ, Adade ŋa Badadi najɛ wɔ̀ɔ klɛn wi nolo ni le. Wiì wi wi dá Majan klo ja le wa Mowabi sinbriʔi ni. Pe dáa wi kàʔà yeri Afite. 36Adade wi gâ gu kɔ, Masreka pyɔ Samila wɔ̀ɔ klɛn klo fɛrɛ na wi nolo. 37Samila wi gâ gu kɔ, Sawuli Hrehobɔti#36:37 Hrehobɔti: Ki nyɛ kàʔà yèlé li. Ki dá bo wa lɔkpɔʔɔ kà tanla. Kana, paʔa gban bì bo Ufrate lɔkpɔʔɔ kiì gi. ŋa lɔkpɔʔɔ tanla woo wɔ̀ɔ klɛn wi nolo ni. 38Sawuli wɔ̀ɔ bâ gu, Akibɔri pyɔ Baali Ana wɔ̀ɔ klɛn wi nolo. 39Baali Ana ŋa Akibɔri pyɔ wɔ̀ɔ bâ gu, Adari wɔ̀ɔ klɛn wi nolo. Pe dáa wi kàʔà yeri Pawu mà na wi cɔ yeri Mahetabɛɛli, Matrɛdi picɛ ŋa Mesahabi picɛ we.
40Kundiʔiyee bee Esawu wi dá he mà yala pe kluru nì, ní klòʔo ní pe yegee ké gee: Timina nì, Alifa nì, Jetɛti nì, 41Oholibama nì, Ela nì, Pino nì, 42kenase nì, Tema nì, Mibitisaari nì, 43Magijɛli nì, Iramu nì. Pee bɛ Edɔmu klo fɛɛ be mà yala pe klɛnmɛ nì wa pe klo ni le.
Esawu wiì wi ŋa Edɔmu to we.
Pašlaik izvēlēts:
HLIMI 36: NLK10
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Bible Society of Côte d'Ivoire