Matiu 1
1
Vo Jisu Karisito ko taite poso ko ni
(Luke 3:23-38)
1Komi kio vo Jisu Karisito ko taite poso ko ṉi poso, vo Devita ni Ebarahami ko toutou kale ala.
2Vo Aisake ta Ebarahami ko toutou#1:2 toutou: se Jiu amu ko kalo kale ta toutou poso ta mama poso ko rana ko luluekako, ni pui niania poso ko rana. kale ala,
ni vo Jekopi ta Aisake ko toutou kale ala,
ni vo Jiuda ni voko visi poso ta Jekopi ko toutou kale amu.
3Ni vo Perezi ni vo Zera ta Jiuda ko toutou kalea nioqa. Ni nioqako niania ta Tema.
Ni vo Hezironi ta Perezi ko toutou kale ala,
ni vo Ramu ta Hezironi ko toutou kale ala.
4Ni vo Aminadabi ta Ramu ko toutou kale ala,
ni vo Nasoni ta Aminadabi ko toutou kale ala,
ni vo Salamoni ta Nasoni ko toutou kale ala.
5Ni vo Boazi ta Salamoni ko toutou kale ala, ni Rehabi ta voko niania.
Ni vo Opeti ta Boazi ko toutou kale ala, ni Ruti ta voko niania.
Ni vo Jese ta Opeti ko toutou kale ala,
6ni vo Aikovakova Devita ta Jese ko toutou kale ala.
Ni vo Solomone ta Devita ko toutou kale ala, ni voko niania ta Uraia ko reko vo Devita ota va ravekema.
7Ni vo Rihobomi ta Solomone ko toutou kale ala,
ni vo Abaeja ta Rihobomi ko toutou kale ala,
ni vo Asa ta Abaeja ko toutou kale ala,
8ni vo Jehosapati ta Asa ko toutou kale ala.
Ni vo Jorami ta Jehosapati ko toutou kale ala,
ni vo Uzaia ta Jorami ko toutou kale ala,
9ni vo Jotami ta Uzaia ko toutou kale ala.
Ni vo Ehazi ta Jotami ko toutou kale ala,
ni vo Hezekaia ta Ehazi ko toutou kale ala,
10ni vo Manase ta Hezekaia ko toutou kale ala,
ni vo Emoni ta Manase ko toutou kale ala.
Ni vo Josaea ta Emoni ko toutou kale ala,
11ni vo Jekonaia ni voko visi poso ta Josaea ko toutou kale amu. So keru inio se Izireli amu ko kana madu ta ke mati keve se Babiloni peuru kale.
12Ni lula ke mati ola se Izireli amu Babiloni peuru kale saita inio vo Salatiolo ta Jekonaia ko toutou kale o alilake.
Ni vo Zerubabeli ta Salatiolo ko toutou kale ala,
13ni vo Abiuda ta Zerubabeli ko toutou kale ala,
ni vo Elaiakimi ta Abiuda ko toutou kale ala,
ni vo Ezoa ta Elaiakimi ko toutou kale ala.
14Ni vo Zedoki ta Ezoa ko toutou kale ala,
ni vo Akimi ta Zedoki ko toutou kale ala,
ni vo Eliuda ta Akimi ko toutou kale ala,
15ni vo Elieza ta Eliuda ko toutou kale ala,
ni vo Matani ta Elieza ko toutou kale ala,
ni vo Jekopi ta Matani ko toutou kale ala.
16Ni vo Josepa ta Jekopi ko toutou kale ala, vo inio Mere vo tanala, ni ko ikio vo Jisu ko niania, voa Pakio vo Baṉara o pitoeveni.
17Nio Ebarahami kasi azo ti kobeta baroi Devita kasi ta toni ariku toutou ṉi poso. Nio Devita kasi azo ti kobeta baroi so keru se Izireli amu ko kana madu ke mati keve keru Babiloni peuru kale ta mata toni ariku toutou ṉi poso. Nio koa taku keru azo ti kobeta baroi voa Pakio vo Baṉara o pitoeveni ko alilo ta mata toni ariku toutou ṉi poso.
Jisu Karisito ko alilo ko kaevo
(Luke 2:1-7)
18Eri nio vo Jisu Karisito ko alilo ko kaevo. Voko niania Mere ta lula keva korotika vo Josepa puliako nioqa raekinio, nio kota ko paqumukake ta vo Tabu ala Auvana ko naizato kale inio kota epia ko evake. 19Nio vo Josepa, vo lula keva korotikani ko, ta kala sidopu ala maba, ni se Jiu amu ko bazu o luluekeni, ni voko kerukeru kale ta kala edolola maba inio epia o ika ko Mere kiolake, so sole vota oka zariake tu vaeko ko, melai vota pui oka zariake quratiko ko ubutiania. So sole vota oka zariake biresuko koa korokoroti moizavole. 20So keru vo soa kerukeru obeta eva keru inio vo Baṉara vo mateana ta eri va kiolake voko uloi kale, “Ṉoela, Josepa, vo Devita ko vikuvikula kalea laṉa, ṉota pui ṉoda ka kaikuapou raeko ko Mere tu ṉoko reko kaqe. Ako vo Tabu ala Auvana ko naizato kale inio epia ko eva sole. 21Kota ko alilivou kala meqora ni ṉota ṉovai nokaekou o ṉi ta Jisu,#1:21 Josua ni ta Hiburu pesio kale ta ‘Baṉara ta Pakio’. ‘Jisu’ ni ta Quriki pesio kale ta mata ‘Baṉara ta Pakio,’ nio koa omuqa ṉi ta omadeuvo koko kio ni kalo. ako vo inio vo o pakiemo ala se maba poso seko sarueko poso kale azo sole,” kiolake.
22Koa kiadama quli ta ko erei tu vo poropita Aisea Baṉara ko soru kale o pidokikema quli ta tuvevo ko elo, ko eri, 23“Kama pado vairu ama sinaqu rusu ta epia kota elou, melai kota pado ama, puliala sipole o ikako, ni kota ko alilivou kala meqora, ni vota kovai nokailou voko ṉi ta Imanuela.” Koa ṉi ko kio ni kalo ta “Baṉara ta omadeu o melati eva anime.”
24Sole vo Josepa ko uloito ko tova inio vota o raekake ko Mere, ako vo Baṉara vo mateana vati kiovevo sole. 25Melai vota pui sipole opa ike ko puliako ko alilivo kovo meqora. Ni Josepa ta ovai nokaekake voko ni ta Jisu.
Pašlaik izvēlēts:
Matiu 1: BLBNT
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
The New Testament in the Bilua language, Solomon Islands © The Bible Society of the South Pacific, 1995.