Jone Vakavakaku
Vakavakaku
Vo Jisu Karisito ko Uri ama Bazu Jone o rikiekema ta ko kaseva ta vo Jisu inio vo noqola kala Bazu Baṉara vo, vo maba o eveni ni o loivini anime kasi. Ko ṉavi komia riki kale inio Jone ta o kaseke koko kio ni kalo voko rikieko komia Bazu, ta kota ko rikiziovi tu seke tiromiko amu ko ta tuvevo ke ikou ta vo Jisu inio o inainaini Pakio kio, ni Baṉara vo Meqora kio, ni seko vai oqu kale vo ta ke kovou ko noqola kama saevo (kea kata 20 vesi 31).
Kulekuleto ama puju ama kobu ta kasa ko ika vo Jisu inio vo noqola kala Bazu vo Baṉara vo o eveni kio. Koko tova inio kuleto ama matuma kobu riki ko ta kokai bazuta azaazama aqasiele ama iruruputo, koko kasekako vo Jisu inio vo o inainaini Pakio, ni Baṉara vo Meqora kio. Komi ko tova ta kama pesipesi poso, koko zakaremu puekako koa aqasiele ama iruruputo kasa ko ikema tuveano. Komia pado kobu komia riki ko ta ko kaseka kake maba poso tuvevo kevai ikeni vo Jisu ni se kevai luluekeni vo, melai kake maba poso ta pui kepa va zariovi vo ni keta lupaovi tuvevo puto. Kata 13 ti 17 ta ko kaseka vo Jisu ko mati bairumuo voko disaipeli madu koa ipu so keru se Jiu ama tanatanamu ko maba poso ke noqoeve keru ama ipu kale ama, ni voko purapurataito voko disaipeli madu kasi ama voko mota saevo voukale azo ama ko tova.
Matuma quli komia riki kale ta Jone ka kiovevo ko noqola kama saevo ko katizio Karisito kale kude, koa katizato koko tanitako erisana ni koko kuevako se tuvevo ke ikani ta Jisu inio voa keve, ni tuveano, ni saevo kikelani kasi.
Vo Jone ta podepodeti okai ereke se maba madu kiada keru kekai iruruputako quli seko saevo kale, omadeuvo ju, ni bereti, ni zakaremu, ni sipi poso ni vo o kati vailani, ni vaini siakona ni koko epa, tu kota ko mamola pueko ko auvana kale ama saevo ko kio ni kalo.
Riki ko poro kale ko evako quli
Vakavakato 1:1—1:18
Jone Bapitaiso ni se kuleto ama disaipeli madu Jisu ko 1:19—1:51
Jisu ko ubutianiama iruruputo ni bazubazuto 2:1—12:50
Tovama ṉaniu poso ni Jerusalema ko sipole 13:1—19:42
Lekasa ko voukale azo mota saevo ni purapurataito 20:1—20:31
Koko paitopaito: mota kama pado purato Qalili 21:1—21:25
Pašlaik izvēlēts:
Jone Vakavakaku: BLBNT
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
The New Testament in the Bilua language, Solomon Islands © The Bible Society of the South Pacific, 1995.