Iruruputo Vakavakaku
Vakavakaku
Se Apositolo Madu ko Iruruputo ta vo Jisu Karisito ko Uri ama Bazu Luke o rikiekema ko paqula ikio. Vo Luke ta o rikieke komia buka tu o kaseko se Jisu kuleto ke lulueveni ke kaevo, seko aveaveilo Tabu ama Auvana kale, ni aeriko voko Uri ama Bazu “Jerusalema, ni koa pado ama Jiudia ni Sameria peuru poso kale,” ti kobeta baroima “peuru ma peuru ko pakale” (1:8). Ni komia buka ta kokai bazubazuta Jisu Karisito ko Lotu ko aero koko tanitanila kale azo Jiu amu sate ama, ti kiadama toutou poso kaqe komia peuru ma peuru kota eva. Luke ta matu oka zariovi tu seke tiromiko amu komia buka ta zakaremu komai elou ko eri: Jisu ko Lotu maba poso ta pui seke pikipikinio putani Romu ama Qavuna madu kasi, ni koa Jisu Karisito ko Lotu ta tuvevo ko ika se Jiu amu ko leveleveo poso vo Baṉara o katimema.
Komia buka ta zouke matuma pitasa sana ko eve, koko zakaremu puekako vo Jisu ko Uri ama Bazu ko kaseikoi, ni voko lotu qoqono ko vinaikoi poso ama zae ko repaso: (1) lotu qoqono ko tanito Jerusalema Jisu ko koilo aukale ama ko tova; (2) kai zaro mata kama Palesitaeni ama zae poso kale; ni (3) vaṉa buti kai zaro ni barolo Meditareniani Ivere ko levoano ama peuru poso kale, ti ko baroi Romu peuru kale.
Kama pado matuma quli komia buka se Apositolo madu ko Iruruputo kale ama, ta Tabu ala Auvana ko iruruputo, vo o kuevini o pizato sase seke tuvevo puteni Jerusalema peuru kale Penetikositi ṉojola ko ṉaniu kale ni ko ziole obeta keveni aveaveko ni pizatika lotu qoqono ni koko tanatanamu kiadama matumatuma taku poso kale koko kaseivako komia buka kale. Koa kulekuleto ama Jisu ke lulueveni kekai bazubazutema bazu kikolani ta pujupujua kaseko o eve vo Luke nea buka kale koko bazubazu poso. Ni komia buka kale ko rikiziovima quli kale ta kasa ko eva ko Uri ama Bazu ko pizato seke tuvevo puteni ko saevo kale ni seko bairumuo lotu kale ama kale.
Riki ko poro kale ko evako quli
Jisu vai bazubazuto ko inainao 1:1—1:26
a. Jisu ko tovatovama soru ni leveleveo 1:1—1:14
b. Jiudasi vo besibesi 1:15—1:26
Jerusalema vai bazubazuto vo Jisu 2:1—8:3
Jiudia ni Sameria vai bazubazuto vo Jisu 8:4—12:25
Paula ko iruruputo 13:1—28:31
a. Kuleto ama vaṉama talio Jisu vai bazubazuto ko 13:1—14:28
b. Jerusalema ma pesipesito 15:1—15:35
c. Omuqama vaṉama talio Jisu vai bazubazuto ko 15:36—18:22
d. Zouke ama vaṉama talio Jisu vai bazubazuto ko 18:23—21:16
e. Paula ta kala piripiri ala maba Jerusalema, Sizaria ni Romu 21:17—28:31
Pašlaik izvēlēts:
Iruruputo Vakavakaku: BLBNT
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
The New Testament in the Bilua language, Solomon Islands © The Bible Society of the South Pacific, 1995.