NITRITI 5
5
Yo di intun Adam him
(1Taw. 1:1-4)
1 #
Kej. 1:27-28
Yo di intun Adam him inyeng rinok gini. [Tirigi po Allah pai tes tungwatu pima lene yoni noyam kin Noni ba, idat Noniti cem ba, itta noyam kin Noni nitta. 2#Mat. 19:4; Mrk. 10:6 Noni pai tes no di pinai kin no di sop leu api njei mun di kei bak yoni bijem inyeng pia Tungwatu.] 3Tirigi Adam de njap ug ei ari bingwam sratus gom ningot ningai lene noni yai nipmot Set. 4Adam yai Set leu api nide njap ug ei ari bingwam sratus muhwindaningai bu ba, noni yai nimunggwom bat nya hi kin bu. 5Nide njap ug ei ari bingwam sratus muhwindatai ba, ningot ningai ug api noni mai.
6Tirigi Set de njap ug ei ari bingwam sratus gom ba, muhwi lene noni yai nipmot Enos. 7Set yai Enos leu api nide njap ug ei ari bingwam sratus muhwindaningai ba, muhwindacan bu ba, noni yai nimunggwom bat nya hi kin bu. 8Nide njap ug ei ari bingwam sratus muhwindatai ba, simnaibrimigcan ug api noni mai.
9Tirigi Enos de njap ug ei ari bingwam ningot muhwindatai lene noni yai nipmot Kenan. 10Enos yai Kenan leu api nide njap ug ei ari bingwam sratus muhwindaningai ba, simnaimuhwidip bu ba, noni yai nimunggwom bat nya hi kin bu. 11Nide njap ug ei ari bingwam sratus muhwindatai ba, muhwi ug api noni mai.
12Tirigi Kenan de njap ug ei ari bingwam ningot muhwindacan lene noni yai nipmot Mahalaleel. 13Kenan yai Mahalaleel leu api nide njap ug ei ari bingwam sratus muhwindaningai ningot bitai bu ba, noni yai nimunggwom bat nya hi kin bu. 14Nide njap ug ei ari bingwam sratus muhwindatai ba, simnai ug api noni mai.
15Tirigi Mahalaleel de njap ug ei ari bingwam ningot muhwindagom ba, muhwi lene noni yai nipmot Yared. 16Mahalaleel yai Yared leu api nide njap ug ei ari bingwam sratus muhwindaningai ningot ningai bu ba, noni yai nimunggwom bat nya hi kin bu. 17Nide njap ug ei ari bingwam sratus muhwindaningai ningot muhwindatai muhwi ug api noni mai.
18Tirigi Yared de njap ug ei ari bingwam sratus gom ningot muhwindagom lene noni yai nipmot Henokh. 19Yared yai Henokh leu api nide njap ug ei ari bingwam sratus muhwindaningai bu ba, noni yai nimunggwom bat nya hi kin bu. 20Nide njap ug ei ari bingwam sratus muhwindatai ningot muhwindagom can ug api noni mai.
21Tirigi Henokh de njap ug ei ari bingwam ningot muhwindagom ba, muhwi lene noni yai nipmot Metusalah. 22Henokh yai Metusalah lene nide njap ug ei ari bingwam sratus ningai bu ba, ningon kwes kin Allah kikau. Noni yai nimunggwom bat nya hi kin bu ba, 23nide njap ug ei ari bingwam sratus ningai ningot muhwindagom ba, muhwi. 24#Ibr. 11:5; Yud. 14 Henokh kin Allah ingon ce yam bi. Gima rino Allah teu noni tut niyaisi jo leu dihyeisi bipror bihigom hak.
25Tirigi Metusalah de njap ug ei ari bingwam sratus gom ba, ningot muhwindaningai ba, muhwindacan lene noni yai nipmot Lamekh. 26Metusalah yai Lamekh leu api nide njap ug ei ari bingwam sratus muhwindacan ningot muhwindaningai ba, can bu ba, noni yai nimunggwom bat nya hi kin bu. 27Nide njap ug ei ari bingwam sratus muhwindatai ningot muhwindagom ba, muhwindatai ug api noni mai.
28Tirigi Lamekh de njap ug ei ari bingwam sratus gom ningot muhwindaningai ba, can lene noni yai nipmot. 29Lene noni tri tut “Dihyei dini di tuhan mbriom tu bindei ba, nye di tungwatu igyai midyai di buhun tak nye ninno tu. Noro munggwom dini mibindei ba, nyeni igyai ingon di nggan-triot bu.” Gima rino noni jem nipmot ninyeng Nuh. 30Lamekh yai Nuh leu api nide njap ug ei ari bingwam sratus muhwi ningot muhwindatai ba, muhwi bu ba, yai nimunggwom bat nya hi kin bu. 31Nide njap ug ei ari bingwam sratus muhwindacan ningot muhwindacan ba, muhwindacan ug api noni mai.
32Tirigi Nuh de njap ug ei ari bingwam sratus muhwi lene noni yai nimunggwom bat nya ibou ningai bijem yoni inyeng Sem kin Ham kin Yafet.
Pašlaik izvēlēts:
NITRITI 5: HAD
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties