KĨAMBĨRĨRIA 5
5
1 #
Kĩam 1.27,28. Rĩrĩ nĩrĩo ibuku rĩa njiaro cia Adamu. Mũthenya ũrĩa Ngai aatũmire andũ magĩe-rĩ, aamombire matariĩ ta mũhianĩre wa Ngai; 2#Mat 19.4; Mar 10.6.agĩgĩtũma magĩe kuo marĩ mũndũ mũrũme na mũndũ mũka; na mũthenya ũcio aatũmire magĩe kuo-rĩ, akĩmarathima, na agĩtua rĩĩtwa rĩao Mũndũ. 3Nake Adamu aatũũra mĩaka igana rĩa mĩrongo ĩtatũ, agĩciara kahĩĩ kamũtũkĩtie, ke na mũhianĩre o ta wake mwene, agĩgatua Sethu; 4ningĩ matukũ marĩa Adamu aacokire gũtũũra muoyo aarĩkia gũciara Sethu, nĩ mĩaka magana manana; na nĩaaciarire ihĩĩ ingĩ, o na airĩtu. 5Namo matukũ mothe marĩa Adamu aatũũrire muoyo nĩ mĩaka magana kenda ma mĩrongo ĩtatũ, agĩgĩkua.
6Nake Sethu aakinyia mĩaka igana na ĩtano, agĩciara Enoshu; 7na aarĩkia gũciara Enoshu, agĩtũũra muoyo mĩaka ĩngĩ magana manana na mũgwanja, na nĩaaciarire ihĩĩ ingĩ o na airĩtu. 8Namo matukũ mothe ma Sethu maarĩ mĩaka magana kenda ma ikũmi na ĩĩrĩ, agĩgĩkua.
9Nake Enoshu aakinyia mĩaka mĩrongo kenda, agĩciara Kenani; 10na aarĩkia gũciara Kenani, agĩtũũra muoyo mĩaka ĩngĩ magana manana ma ikũmi na ĩtano, na nĩaaciarire ihĩĩ ingĩ o na airĩtu. 11Namo matukũ mothe ma Enoshu maarĩ mĩaka magana kenda na ĩtano, agĩgĩkua.
12Nake Kenani aakinyia mĩaka mĩrongo mũgwanja, agĩciara Mahalaleli; 13na aarĩkia gũciara Mahalaleli, agĩtũũra muoyo mĩaka ĩngĩ magana manana na mĩrongo ĩna, na nĩaaciarire ihĩĩ ingĩ o na airĩtu. 14Namo matukũ mothe ma Kenani maarĩ mĩaka magana kenda na ikũmi, agĩgĩkua.
15Nake Mahalaleli aakinyia mĩaka mĩrongo ĩtandatũ na ĩtano, agĩciara Jaredu; 16na aarĩkia gũciara Jaredu, agĩtũũra muoyo mĩaka ĩngĩ magana manana ma mĩrongo ĩtatũ, na nĩaaciarire ihĩĩ ingĩ o na airĩtu. 17Namo matukũ mothe ma Mahalaleli maarĩ mĩaka magana manana ma mĩrongo kenda na ĩtano, agĩgĩkua.
18Nake Jaredu aakinyia mĩaka igana rĩa mĩrongo ĩtandatũ na ĩĩrĩ, agĩciara Enoku; 19na aarĩkia gũciara Enoku, agĩtũũra mĩaka ĩngĩ magana manana, na nĩaaciarire ihĩĩ ingĩ o na airĩtu. 20Namo matukũ mothe ma Jaredu maarĩ mĩaka magana kenda ma mĩrongo ĩtandatũ na ĩĩrĩ, agĩgĩkua.
21Nake Enoku aakinyia mĩaka mĩrongo ĩtandatũ na ĩtano, agĩciara Methusela; 22na aarĩkia gũciara Methusela, agĩtũũra e mũthiritũ wa Ngai mĩaka ĩngĩ magana matatũ, na nĩaaciarire ihĩĩ ingĩ o na airĩtu. 23Namo matukũ mothe ma Enoku maarĩ mĩaka magana matatũ ma mĩrongo ĩtandatũ na ĩtano, 24#Ahib 11.5; Jud 1.14.nake Enoku ũcio nĩaatũũrire e mũthiritũ wa Ngai, agĩkĩya kwagwo, nĩ ũndũ Ngai nĩaathiire nake.
25Nake Methusela aakinyia mĩaka igana rĩa mĩrongo ĩnana na mũgwanja, agĩciara Lameku; 26na aarĩkia gũciara Lameku, agĩtũũra muoyo mĩaka ĩngĩ magana mũgwanja ma mĩrongo ĩnana na ĩĩrĩ, na nĩaaciarire ihĩĩ ingĩ o na airĩtu. 27Namo matukũ mothe ma Methusela maarĩ mĩaka magana kenda ma mĩrongo ĩtandatũ na kenda, agĩgĩkua.
28Nake Lameku aakinyia mĩaka igana rĩa mĩrongo ĩnana na ĩĩrĩ, agĩciara kahĩĩ, 29agĩgatua Nuhu, akiuga atĩrĩ, Ũyũ nĩwe wa gũtũhoreria nĩ ũndũ wa mawĩra maitũ na mĩnoga ya moko maitũ, ĩrĩa yumanaga na tĩri ũyũ Jehova atũmĩte ũtũũre wĩ mũthahu. 30Nake Lameku aarĩkia gũciara Nuhu, agĩtũũra mĩaka ĩngĩ magana matano ma mĩrongo kenda na ĩtano, na nĩaaciarire ihĩĩ ingĩ o na airĩtu. 31Namo matukũ mothe ma Lameku maarĩ mĩaka magana mũgwanja ma mĩrongo mũgwanja na mũgwanja, agĩgĩkua.
32Nake Nuhu aakinyia mĩaka magana matano, agĩciara Shemu, na Hamu, na Jafethu.
Pašlaik izvēlēts:
KĨAMBĨRĨRIA 5: OGKBIBLE
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
©Bible Society of Kenya, 2019