PĚNDARIADI 5
5
Hiten Adam
(1Kar. 1:1-4)
1 #
Pěnd. 1:27-28
Ini e kai rolẹ̌ u hiten Adam. [Su tempon Ruata e něndiadi taumata, nikoạ e i sire kere Ruata sẹ̌sane. 2#Mat. 19:4; Mrk. 10:6 KinoạʼE i sire esẹ dingangu wawine. Nial᷊amatengʼE i sire mase nisěbạʼE i sire, ”Taumata”.] 3Ene i Adam e natimụ e umure 130 su taunge, i sie nakareạ e anạ e esẹ měpẹ̌pul᷊awẹ i sie, kụ nisẹ̌bạe si Set. 4Wọu ene i Adam deng nẹ̌biahẹ̌ 800 su taunge kạpia kụ nakaěbạe manga anạ e wal᷊ine. 5I sie nairị nẹ̌kětạu umure 930 su taunge.
6Su tempong i Set umure 105 su taunge, i sie nakaěbạ anạ e esẹ arenge i Enos. 7Bọu ene i Set deng něbiahẹ̌ 807 su taunge kapia kụ deng nakaěbạ manga anạ e lai wal᷊ine. 8I sie nate, umure 912 su taunge. 9Su tempong i Enos nahětibẹ̌ 90 su taunge, i sie nakaěbạ anạ e esẹ isẹ̌sěbạ si Kenan. 10Bọu ene i Enos deng nẹ̌biahẹ̌ 815 su taunge kapia kụ deng nakaěbạ anạ e lai wal᷊ine. 11I sie nate natimu 905 su taunge. 12Su tempong i Kenan natimu 70 su taunge, i sie nakaěbạ anạ e esẹ, arenge i Mahalaleel. 13I Kenan seng nẹ̌biahẹ̌ 840 su taunge lai kụ deng nakareạ manga anạ e wal᷊ine. 14I sie nate umure 910 su taunge.
15Su tempong i Mahalaleel 65 su taunge umure, i sie nakaěbạ anạ e esẹ arenge i Yared. 16Bọu ene i Mahalaleel relaing nẹ̌biahẹ̌ 830 su taunge kapia kụ nakareạ manga anạ e lai wal᷊ine. 17I sie nate umure 895 su taunge. 18Su tempong i Yared natimu 162 su taunge, i sie nakaěbạ anạ e esẹ, arenge i Henokh. 19Bọu ene i Yared deng nẹ̌biahẹ̌ 800 su taunge lai kụ nakareạ manga anạ e lai wal᷊ine. 20I sie nate, umure 962 su taunge. 21Su tempong i Henokh umure 65 su taunge, i sie nakaěbạ anạ e esẹ arenge i Metusalah. 22Bọu ene i Henokh nẹ̌biahẹ̌ su ral᷊ungu kasasěmbaụ dingangu Mawu Ruata karěngụe 300 su taunge. I sie nakaěbạ manga anạ e lai wal᷊ine, 23kụ natimu 365 su taunge. 24#Ibr. 11:5; Yud. 14 Ual᷊ingu i Henokh měngkate marěkạ dingangu Mawu Ruata e, i sie naghěngging ual᷊ingu nial᷊ạ u Mawu Ruata. 25Su tempong i Metusalah umure 187 su taunge, i sie nakaěbạ anạ e esẹ i Lamekh. 26Bọu ene i Metusalah reng nẹ̌biahẹ̌ 782 su taunge lai kụ nakareạ manga anạ e wal᷊ine. 27I sie nate natimu 969 su taunge.
28Su tempong i Lamekh umure 182 su taunge, i sie nakaěbạ anạ e esẹ. 29I Lamekh nẹ̌bera, ”Dariọ ini sarung makahaěng su tempong i kitẹ e mělẹ̌hal᷊ẹ̌ masěgadẹ̌ mẹ̌kẹ̌karadiahang ěntana wọu nianeng Mawu e.” Ual᷊ingu ene i Lamekh nẹ̌sẹ̌bạ u arengu rariọ ene e si Noakẹ̌.#5:29: Noakẹ̌: Areng ini su werang Ibrani e tingihe mẹ̌sul᷊ungu wawera kụ mangal᷊ene ”kal᷊ahaěng”. 30Bọu ene i Lamekh deng nẹ̌biahẹ̌ 595 su taunge lai. I sie nakaěbạ manga anạ e wal᷊ine, 31kụ nate su ka 777 su taunge umure. 32Sarangke i Noakẹ̌ umure 500 su taunge, i sie nakaěbạ e anạe esẹ tatěllu, kụ i Sem, i Yafet dingangu i Ham.
Pašlaik izvēlēts:
PĚNDARIADI 5: SXN
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties