PĚNDARIADI 3
3
Taumata e rumokạ Duata
1 #
Pěl. 12:9, 20:2 Těmpu e kai binatang manandụ, kontiang, bọu haghim binatang kụ nikoạ u Mawu Ruata e. Těmpu e nakiwal᷊o su tau wawine ene, ”Kahěngang bue tangu Mawu Ruata mẹ̌sěding i kamene kumaěng kal᷊awọu wuang kalu su winal᷊aeng ini?”
2”I kami e wotonge wue kumaěng walạewe apam buang kalu su ral᷊ungu winal᷊aeng ini,” e angkuěng u wawine ene, 3”tabeạu katewe kalu sutal᷊oarang binal᷊aeng e. Duata e měsẹ̌sěding i kami kumaěng buang kalu ene arau měnenggehẹ̌ e; watụ u kamagengu i kami e mang mẹ̌koạ ene ute, i kami e sarung mate.”
4Těmpu ene simimbang, ”Hal᷊ẹ̌be konti ene; i kamene tawe mate.” 5Mawu Ruata e něhengetang kerene ual᷊ingu i Sie masingkạ u kereu i kamene kumaěng buang kalu ene, tiněnnang kamene e sarungbe matal᷊uahẹ̌; kụ i kamene sarung makoạ kere Ruata#3:5: Ruata arau manga mahang duata. kụ makakasingkạ u apang mapia ringangu apan dal᷊akịsẹ̌.#3:5: Makakasingkạ u apang mapia ringangu apan dal᷊akịsẹ̌; arau makakasingkạ u kal᷊awọu sabarang.
6Bawine ene nakasilo u kalu ene kai mal᷊ěnggihẹ̌, dingangu wuane měngkate mal᷊ahuwusẹ̌ kahěngang. Kụ i sie něngěnna u kai apạe kapia kereu i sie mapelesa. Tangú i sie nanipọ e wuang kalu ene, bọu e nịkakaěnge, kụ nionggotange lai kawinge, kụ kawinge mal᷊aing kimaěng dingang. 7Ta nararěnnạ wọuten kimaěng buang kalu ene, tiněnnan sire natal᷊uahe kụ nakahěngangke i sire u i sire kawe nạung těntol᷊e. Ual᷊ingu ene tangu i rẹ̌dua e něhěmbungke wadang i rẹ̌dua e ringangu raukalung ara nipẹ̌tatakidẹ̌.
8Bawěllo ene tangu i rẹ̌dua e nakaringihe Mawu Ruata mědẹ̌daral᷊eng su ral᷊ungu winalangeng e kụ i rẹ̌dua nẹ̌kěmbuni su wěllạu manga kakaluang e mědeạu tawe ikasilong Mawu. 9Kaiso Mawu Ruata e něnggọ e su tau esẹ e, ”Kai suapa i kau e?”
10Tau esẹ e simimbang, ”Iạ e nakaringihẹ̌ si Kau su winal᷊aeng; kai iạ e natakụ, kụ iạ e nẹ̌kěmbuni ual᷊ingu iạ kawe těntol᷊e.”
11”I Sai tangu naul᷊ị u i kau kawe těntol᷊e?” ungkuěng u Mawu Ruata. ”Kụ kai nikaěngu wuang kalu Takụ isẹ̌sẹ̌ding kumbahang kanengang tangu?”
12Tau esẹ e simimbang, ”Tau wawine nionggọu apạtaking si siạ e, seng nangonggọu wuang kalu ene si siạ, kụ bọu ene nikaěngku.”
13 #
2Kor. 11:3; 1Tim. 2:14 Mawu Ruata e nakiwal᷊o su tau wawine ěndaị e, ”Unụe i kau nẹ̌koạ kerene?”
Angkuěnge, ”Iạ e kai niakal᷊engu těmpu, hakịeweng iạ kimaěng buang kalu ene.”
Mawu Ruata e něnawong hukumang
14Samuring ene tangu Mawu Ruata e něhengetang su těmpu ene, ”I kau sarung ihukung ual᷊ingu kakanoạu ene; bọu kal᷊awọu haghim binatang ute kětạeng i kau sarung měnal᷊udẹ̌ ane ěndaị ini: Maněta bọu ini i kau sarung tumondon tiangu, ringangu kumaěng awul᷊ẹ̌ kanandung pẹ̌bawiahu. 15#Pěl. 12:17 I kau ringangu tau wawine ěndaị e sarung mahamběnsingang kụ hitene ringangu hitenu e sarung hanesẹ̌ měsẹ̌sitori. Hitene sarung mananumạ těmbọu ringangu i kau e sarung měngiki kal᷊entọ i sire.”
16Bọu ene angkuěng u Mawu su tau wawine ěndaị e, ”Iạ sarung mapahuntinambang likibe těntal᷊ang i kau e měbẹ̌bawa kapapia ringangu su tempong i kau e měhěnding. Kaiso maningbe kerene, i kau e mang piạ sahigu su kawingu, kai i kau e sarung dumaringihẹ̌ si sie.”
17 #
Ibr. 6:8
Bọu ene angkuěng u Mawu su tau esẹ ene, ”I kau e rimaringihẹ̌ bawerang kawingu kụ bọu ene kimaěngbe wuang kalu Takụ isẹ̌sěding si kau kumbahang kanengangu. Ual᷊ingu kakanoạ u ene ute, katula su ěntana. I kau měhal᷊ẹ̌ mawěhạ kanandung biahu, tadeạu ěntana ini e wotongewe makaual᷊i pẹ̌bawiahẹ̌ mědẹ̌dal᷊embo waugʼi kamene. 18Kal᷊awọu rěmpugẹ̌ dingangu manga sumpinị apatuwo wọu ěntana ini waugʼi kamene e ringangu kal᷊awọu sasuang tawe kal᷊ahěnganeng e sarung makoạ kaěngu. 19I kau e sarung měhal᷊ẹ̌ masěga-sěgadẹ̌ dingangu marenọ u liagha mědeạu makariadi ěntana ini sorong mẹ̌gěsi, sarangkewe i kau mẹ̌sul᷊e kapia su ěntana, batụu kai wọu ěntana i kau e niluhudẹ̌. I kau nikoạ bọu ěntana, kụ sarung lai mẹ̌sul᷊e su ěntana e kạpia.”
20I Adam#3:20: Adam: Areng ini su ral᷊ungu werang Ibrani e mangal᷊ene ”taumata”. e nẹ̌sěba u kawinge si Hawa,#3:20: Hawa: Areng ini su werang Ibrani raringihang kere wawera ku mangal᷊ene ”pẹ̌bawiahẹ̌”. ual᷊ingu wawine ene e nakoạ inang u patikụ umatẹ̌ e. 21Tangu Mawu Ruata e nẹ̌koạ pakeang bọu pisim binatang baugʼi Adam dingangu kawinge, bọu e niluhene si rẹ̌dua.
I Adam rẹ̌duan Hawa nitokol᷊ẹ̌ bọu winal᷊aengu Eden
22 #
Pěl. 22:14
Mawu Ruata e něhengetang, ”Orasẹ̌ ini e taumata e seng nakoạ kere i Kitẹ dingangu piạ kasingkạ e mẹ̌kiral᷊a mapia ringangu ral᷊akị. Kụ hinong petokang i sie kumaěng buang kalu makaonggọu pẹ̌bawiahẹ̌, tadeạu kumbahang i sie mẹ̌biahẹ̌ sarang marěngụ-děngụ.” 23Tangu Mawu Ruata e nanokol᷊ẹ̌ taumata wọu winal᷊aengu Eden, kụ nangoro pẹ̌kẹ̌karadiahang ěntana kụ nakoạ pinẹ̌buakenge. 24Bọu e su sěmběkan daki wọu winal᷊aeng ene tangu, su těngọeng tukadẹ̌ sasuẹ̌kang Mawu Ruata e naměllọeng manga kerub,#3:24: Kerub: Gal᷊ipohong malạekatẹ̌ kere riadikang piạ papanide mělẹ̌lahẹ u rarentan Duata ore kawawantingʼE. ringangu peda sěmbua rěllị e mětẹ̌tatěnung walạewe sarang pungu anging sude, waugu ipěndiagạ dal᷊eng mẹ̌timona kalu makạonggọu pěbawiahẹ̌ ene. Ual᷊ingu kerene tangu, tawẹu sarang sěngkatau makakasuẹ̌ humaung kalu ene.
Pašlaik izvēlēts:
PĚNDARIADI 3: SXN
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties