MATIUS 4
4
Yesus cenubo neak padang pasir
(Mrk. 1:12-13; Luk. 4:1-13)
1 #
Ibr. 2:18, 4:15 Roh sucai kunei Allah mbin Yesus moi padang pasir utuk cenubo Iblis. 2Sesudo puaso pat puluak bilai pat puluak malem. Yesus meraso nyemen. 3Iblis teko ngen madeak ngen Yesus, “Amen Ko Anok Allah, keluakba butau-butau yo jijai ruti.”
4 #
Ul. 8:3
Tapi Yesus jemawab, “Neak lem Kiteb Ade tetulis awei yo: Manusio coa idup kunei ruti bae, tapi kulo Firman de nucep Allah.”
5Sesudo'o Iblis mbin Yesus moi kota Yerusalem, Kota Sucai. Iblis mbin Yesus neak bubung umeak Bait Allah. 6#Mzm. 91:11-12 Lajau Iblis madeak ngen Yesus, “Amen Ko Anok Allah? Tejunba moi mimbeak, kerno neak lem Kiteb Ade tetulis awei yo,
‘Allah bakea meriteak malaikat-malaikat-Ne utuk semido Ko,
ngen megong tangen-Nu
kunyau kekea-Nu coa tatuk butau.’ ”
7 #
Ul. 6:16
Yesus jemawab, “Tapi lem Kiteb Ade tetulis: ‘Jibeak ko cemubo Tuhan Allahnu.’ ”
8Sesudo'o Iblis mbin Yesus moi das tebo de lekat sekilai, Iblis kemten ngen Yesus kute negrai neak dunio serto kekayaanne. 9“Kutene yo bakea uku semreak ngen-Ko, amen Ko sembeak uku, nadeak Iblis ngen Yesus.”
10 #
Ul. 6:13
Lajau Yesus jemawab, “Lalauba ko, Iblis! Kerno neak lem Kiteb Ade tetulis awei yo: Sembeakba Tuhan Allah ngen layanba Si bae!”
11Akhirne Iblis teminggea Yesus, ngen malaikat-malaikat teko mlayan Si.
Yesus muloi kemerjo kerjo-Ne neak daerah Galilea
(Mrk. 1:14-15; Luk. 4:14-15)
12 #
Mat. 14:3; Mrk. 6:17; Luk. 3:19-20 Waktau Yesus temi'uk bahwo Yohanes nasuk moi lem sel, nyikirba Si moi daerah Galilea. 13#Yoh. 2:12 Li lalau kunei kota Nazaret, lajau tinggea neak kota Kapernaun neak biding Daneu Galilea daerah Zebulon ngen Naftali. 14Kerno Yesus menea awei'o jijaiba jano de nadeak Nebai Yesaya.
15 #
Yes. 9:1-2
“Daerah sukau Zebulon ngen daerah sukau Naftali,
neak dalen moi daneu sebe'ang Bioa Yordan,
Galilea, daerah iso tun Yahudi.
16Bangso de idup neak lem kegelapan,
bi kemliak te'ang de kemliak te'ang!
Bagi tobo'o de diem neak negrai tun-tun matei de kegelapan,
be besinea cahayo te'ang!”
17 #
Mat. 3:2
Muloi waktau'o Yesus semapei pesen yo, “Be tobatba kunei duso-dusonu, kerno Allah bakea segro meriteak jijai Rajo!”
Yesus menok pat penjalai kan
(Mrk. 1:16-20; Luk. 5:1-11)
18Tiko Yesus dong melitas Daneu Galilea, Si kemliak ade duai penjalai kan, Simon (de senbut Petrus), ngen pasuakne Andreas. Tobo'o dong mambua jalai neak daneu. 19Yesus madeak ngen tobo'o, “Maro milau ngen Uku, udi Uku majea jijai penjalai manusio.” 20Tobo'o segro teminggea jalaine, lajau temotoa Yesus.
21Sesudo Yesus lalau kunei di, Si kemliak duai pasuak de luyen, adeba Yakobus ngen Yohanes anok-anok Zebedeus. Tobo'o besamo-samo ngen bakne Zebedeus dong menea jalai neak lem biduk. Yesus menok tobo'o kulo, 22tobo'o lajau teminggea biduk ngen bakne, lajau temotoa Yesus.
Yesus ngajea bekhotbah ngen kema'en dau tun
(Luk. 6:17-19)
23 #
Mat. 9:35; Mrk. 1:39 Yesus lalau moi kute penan neak daerah Galilea. Si ngajea tun dau tetang Allah de bakea mriteak ngen-Si kulo kemaen tun-tun kunei olonne ngen cacet. 24Tun-tun dau muloi temi'uk tetang Yesus. Neak kute negrai Syria. Tobo'o nembin tun-tun de derito kute mecem olon, Yesus kemaen kute tun de pasuk semat, gilo bukei ngen de pakuak. 25Dau tun temotoa Yesus. Tobo'o teko kunei Galilea, kunei puluak kota, kunei Dekapolis, Yerusalem, Yudea ade kulo kunei daerah sebe'ang Bioa Yordan.
Pašlaik izvēlēts:
MATIUS 4: REJ
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
@ LAI 2011 Indonesian Bible Society (Lembaga Alkitab Indonesia)