Luka 13
13
KHAOLO 13.
1MI gabo gole gona ka motla o, bañue ba ba mulelelañ ga Bagalilea, ba mari a bona Pilato o a tlakantseñ le cupelo tsa bona.
2Mi ka Yesu a araba, a ba raea, A lo itloma ha Bagalilea ba, e le le baleohi bogolu mo go Bagalilea botle, gone ba bogisicoe lilo tse lintsiñ yalo?
3Kia lo raea, Nya; mi, ha lo sa tlabologe, le lona lotle lo tla nyelela hela yalo.
4Khotsa ba eiten, ba turio e ba oetseñ, ea ba bolaea mo Siloame, a lo itloma ha ba e le le ba ba molatu bogolu mo bathuñ botle ba ba agañ mo Yerusalema?
5Kia lo raea, Nya; mi ha lo sa tlabologe, le lona lotle lo tla nyelela hela yalo.
6¶ Mi a bua secuanco se: Monona moñue a na le setlare sa mofeige se tlomiloe mo tsimoñ ea movine ea gague; mi a tla a batla louñuo mo go shona, mi a si ka a lo bona.
7Mi a raea morihi‐tsimo ea movine, Bona, ki tlile ka nyaga li teri tse, ki batla louñuo mo setlareñ se sa mofeige, mi ga ki lo bone; se reme, se cuarelañ lehatse lehela?
8Mi ka a araba, a mo raea, Morena, u se lese, le ka ñuaga onu, ki tle ki se lemele, ki se putonose ki se tsenye lecutelo.
9Mi etlare ha se uñua louñuo, mi ha se sa na yalo, u ka nama ua se rema.
10¶ Mi a bo a ruta ka tsatsi ya sabata mo go señue sa masenagoge.
11Mi bonañ, gabo gole mosari eo o nañ le moea oa boloetse ka nyaga li eiten, mi a hutaganye; mi a sa kake a ntsa tlogo ka gope.
12Mi Yesu ka a mona, a miletsa go ena, a mo raea, Mosari, u golocoe mo boloetseñ yoa gago.
13Mi a mo latsa atla tsa gague; mi akoha a siamisioa, mi a galaletsa Morimo.
14Mi molaori oa senagoge, a bua ka bogale, gone Yesu a horisa ka tsatsi ya sabata; mi a raea bontsi, Go le malatsi a sekes, a bathu ba cuanetseñ go riha ka aona; ki gona, tlañ lo horisioe ka aona, mi esiñ ka tsatsi ya sabata.
15Mi Morena a araba, a re, Moitimokanyi ki uena, a le moñue le moñue oa lona, a ga a ka a golola khomu eabo, le esela eabo mo boyeloñ, a e gogela go e nosa ka tsatsi ya sabata?
16Mi eo, eo e leñ moroaria Aberahame, bonañ, a golegiloe ki Satane, ka nyaga li eiten, a ga a cuaneloa ki go gololoa mo kholegoñ e ka tsatsi ya sabata?
17Mi ka a sa bua lilo tse, botle ba ba mo ganetsañ, ba tlayoa ki litloñ; mi bontsi yotle yoa itumela ka ntla ea lilo tsa khalalelo tse ri rihiloeñ ki ena.
18¶ Mi a re, Bogosi yoa Morimo bo cuana le eñ? mi ki tla bo cuantsa ka eñ?
19Bo cuana le tlaka ea peu ea mosetara, e monona o e cutseñ, a e latlela mo tsimoñ ea gague; mi ea gola, mi ea coa setlare se segolu; mi linunyane tsa legorimo tsa aga litlaga mo kaleñ tsa shona.
20Mi a ba a bua, Ki tla cuantsa bogosi yoa Morimo ka eñ?
21Bo cuana le seberisho, se mosari o se cutseñ, se o se tsentseñ mo lilekanyoñ tsa bupi li teri, ga tsamaea yoa bela yotle.
22Mi a ea, a ralala motse moñue le moñue le motsana, a ruta ka a coelela kua Yerusalema.
23¶ Mi gabo gole moñue a mo raea, Morena, a ba botlana ba ba tla bulukegañ? Mi a ba raea,
24Ganelañ go tsena ka khoro e e pitlaganyeñ; gone kia lo raea, bontsi bo tla batla go tsena, mi bo tla reteleloa.
25Etlare muñ oa ntlu a tloga a ema a kopela moyako, mi lo tla simolola go ema kua ntle, lo khuanyakhuanya secualo, lo re, Morena, Morena, re bulele; mi o tla araba, a lo raea, Ga ki lo itse kua lo coañ gona;
26Eriha gona lo tla simololañ go re, Re le ra ya, ra noa ha pele ga gago, mi u lu ua ruta mo mebileñ ea rona.
27Mi o tla re, kia lo raea, Ga ki lo itse kua lo coañ gona; ’ntlogelañ, barihalibe ki lona lotle.
28Go tla na selelo le khuranyo ea meno, etlare lo bona Aberahame, le Yitsake, le Yakobe, le baperofeti botle mo bogosiñ yoa Morimo, mi lona lo khoromelericoe kua ntle.
29Mi ba tla coa kua Isete, le kua Ueseta, le kua Noreda le kua Southa, mi ba tla lula mo bogosiñ yoa Morimo.
30Mi bonañ, ba gona ba morago, ba ba tla nañ ba ntla; mi ba gona ba ntla, ba ba tla nañ ba morago.
31¶ Mo motleñ ouo ga tla bañue ba Bafarisai, ba mo raea, Coa monu, u tsamae, gone Herode o tla gu bolaea.
32Mi a ba raea, Eañ, lo ree phukuye e, Bona, kia khoromeletsa ntle bademona, mi kia horisa gompienu, le ka mosho, mi ki tla uerioa ka tsatsi ya bo‐teri.
33Leha gontse yalo ki cuanetse go coelela pele gompienu, le ka mosho, le ka mosho o moñue; gone go sa kake ga na yalo moperofeti a bolaeloa kua ntle ga Yerusalema.
34Yerusalema, Yerusalema, uena eo o bolaeañ baperofeti, mi u khobotletse ba ba romiloeñ go uena; ki le ka rata ga kai go phuthela bana ba gago mogo, yaka koku e phuthela mamphoroana a eona mo phukeñ tsa eona, mi u ganne.
35Bona, ntlu ea gago u e tlogeleloa letlotla; mi amarure kia gu raea, Ga u kitla u ’mpona, go tlo go tsamae motla o tle, o u tla reñ ka ona, Go tsegoharicoe ena eo o tlañ mo ineñ ya ga Yehova.
Pašlaik izvēlēts:
Luka 13: TSN1890
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
this is a historical text maintained by the British and Foreign Bible Society