Matthew 8
8
KETH MAINRAH, VIII.
1YEH u ka tull kick u tre runiah bomu ngha lim woa wayling.
2Nlehly nopokan bull room ngho yetty woa u hundy ngha chum moa woa pëah nghaleh yeome lo n yoo moa gbo, nghah më room ah shunk.
3Jesus wicky pëah woa, nu bengle woa, ngha leh ah yehmah, nshunk. Kehkehtoo room tre u kon.
4Jesus nghaleh m ma la fohm no; kereh nkoh, ntunky munëken ko kë priest u tre nu foke nyërick n tre Musah ka foh yeo hallë tamasery ko ngha.
5Yeh Jesus ka loi ko Kapernaum, sukono bull tre u moi ko kë Jesus nu tum woa,
6Nghaleh, yeome boy më woa nacky dyall woa woorë u chang ah woll.
7Jesus nghaleh labëandin, ah koh yah nghah woa shunk,
8Sukono tre u yoom nghaleh yeome, ah sëën choe leh nloi ko më killeh, mfoh lum tre gbo, boy më woa ëshunk.
9Yehpeh ah bë rë bay më atook; ah bë rë ahsoldier ah tre loh ah më; lo ah fohm nopokan wonnoky, n koh, woakon; lo ah fohm poom tre nhun, woa hun; lo ah foh, ko boy më n nghah kë, woa la nghah.
10Yeh Jesus tui la kë u kaban, nghaleh ko kë aniah tre nghana lim woa wayling, urondong yah no fohm, ah chehn kyo laneh bomu tre nghoiky beh, chehn ko kë Israel.
11Yah no fohm, aniah ëgbir ngha hinkeh ko ëtook ah, ko boolung oh, ngha chall kë Abram, oh Isaac, oh Jakob oh, uborr ubull kë baily foy tre.
12Kereh ahpomah baily tre peh ngha runt kë rtilleh bomu, ko loa peh chang ah fui ëmam nu kilin tëkott.
13Jesus nghaleh ko kë sukono tre, nkoh, kë manleh n lahneh peh nghah moa peh. Boy woa peh ka nghah shunk trim lan tre.
14Yeh Jesus loi ko killeh Simon Peter, nu ka kyo nickereh Peter u hin, woa bë nack ëtookul.
15Yeh u bengle pëah woa tre, nack ëtookul u tre ko kon, nu poh nu boyeh woa.
16Yeh foy ngho përy, ngha chëë aniah egbir ngha bë mpomul mbang n tre ko ngha ayëë, nu Jesus foke mpomul mbang n tre kë lumtë woa tre, nu nghah shunk aniah tre nghana cheh nacky oh?
17Yehpeh ka kissyeh lanah peh ka fohm kë prophet Isaiah nghaleh woa kundy kui uballëahn hë ko wonëken atook, nu ka yuck unack u hë tre.
18Yeh Jesus ka kyo runiah bomu tre ngha soë woa, u ka fohm, hë kon ko lill kë bellung poom tre.
19Gballno u moi rë, nghaleh papah, ah yehmah lim moa wayling ko loa moa koh kull.
20Jesus nghaleh ko ko woa ëchonk ë tre ngha bë loitë tre; vaysë tre kë foy aloh ngha bë traatë tre; kereh traak nopokan tre ubëan yin hallë hineh bull woa.
21Nopokan poom tre nghaleh, yeome ncheh leh më ah pehnkeb kong papah më.
22Kereh Jesus nghaleh n lim më wayling, n nghah aniah woa ah tre nkong aniah woa ngha.
23Yeh u ka loi kë womeh ahkenah ah woa ngha lim woa.
24Nlehly gbo, hieng kattul oh, mbuttung bomu oh nghe hun; mbuttung n tre nghe loi kë womeh, Jesus ubull.
25Ahkenah woa tre ngha hun ngha puëeh woa nghaleh, yeome m marr hë, hë ko nyum;
26Jesus nghaleh, la ngha wui ah? no bë lahneh toon; woa poh, nu fohhieng tre oh, heleh tre oh, behleh tre u chehdy keleng.
27Kereh ahpokan ah tre ngha kaban, ngbaleh, nopokan woiky ah? hieng tre oh heleh tre oh ngha tui lum të woa?
28Yeh u ka tick kë bellungs poom tre, kë upock n Gargesee, aniah ting nghana bë mpomul mbang u tre yeo, bong woa, ngha hinkeh rë ko kessy, ngha changah mintah, no o no mboaloa chang kull.
29Nlehly gbo, ngha tinkillah nghaleh, nghe hë moa nghah, Jesus traak u Foy? nhundy hë sompon yeo, lokoh hë n moiehnum?
30Lë will ko loa ngha kull, pyursë tre ëgbir ngha ka sum uborr ubull.
31Mpomul mbang n tre ngha tum moa, nghaleh, lo moa hë foke, n nghah hë loi kë pyursë tre ayëë.
32Jesus nghaleh, n koh, yeh ngha fundy ngha loirë kë pyursë tre ayëë, nu nlehly, pyursë tre buleing ngha gburrikan uborr ubull, ngha tull ko gbunkulleh, ngha kon ko meneh nu ngha nyummle:
33Boomurno tre ngha kim ko turr nu fohm nyërick n tre buleing panah peh ka nghah ke aniah tre nghana bë mpomul mbang n tre.
34Nu nlehly, aniah buleing ngha fun hallë ko gbangho Jesus, yeh ngha keh woa kë ngha tum woa hallë hinkeh ngha n ka.
Pašlaik izvēlēts:
Matthew 8: BUY1816
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
First published by the Church Missionary Society in 1816.