Matthew 2
2
KETH NINTING, II
1YEH peh ka kum Jesus ko Bethlehem ha Judah trim Herod bay tre, nlehly peh ka hink aniah cherryeh ko ëtook ko Jerusalem,
2Nghaleh, loa wonno peh kum yeo bay ha ah Jew ah tre? Hë kyo ului woa ko ëtook, hë hundy hallë chum ho woa pëah.
3Yeh Herod bay tre u ka tui nyërick n tre manah kë, ugboll u woa hinehn ngha Jerusalem buleing woa uborr ubull.
4Yeh u ka tunkullah ahmurreh ah tre, ngha ahgball ah tre buleing kë ayin a bull, u yëë, nghaleh, loa peh na kum Krist ah?
5Ngha nghaleh, ko Bethlehem ha Judah; hallë peh ka gball la kë prophet tre.
6Mun Bethlehem kë upock u Judah, chehn moa chang toon kë ahrook ah Judah ayaing: hallë ko moa ayaing peh hun foke sukono, wonno baykeh aniah më Israel ëtrehn.
7Yeh Herod u kundy veal aniah cherryeh tre soyë, u yëë ngha n ninghe trim tre nghono ului tre ka kin.
8Woa wum ngha ko Bethlehem, nghaleh nkoh, ntun nkeleng hallë uhiant u tre, lo ngha kyo woa gbo, n chëë eh më lum peh, ah ko pehreh nu chum oh woa pëah.
9Yeh ngha ka kung tui oh bay tre ngha yanghin nu nlehly, ului tre kono ngha ka kyo ko ëtook yeo, u ka koh ngha ëboll, behleh u ka moi, nu sem ayin atook ko loa uhiant n tre ka cheh kull.
10Yeh ngha ka kyo ului tre, ngha hvoy rë, hvoy bomu.
11Yeh ngha loi ko killeh, ngha keh uhiant a tre nu Mary yah woa uborr ubull, ngha bang nloonk ngha nu chum oh woa pëah: yeh ngha kung yëëry gbamfatë ngha, ngha kah woa buyah, nlong, frankinsense, nu myrrh.
12Foy u ka fohm ngha kë nsoneh, nghaleh, m ma moony kë Herod peh, ngha yanghin ko kë upock u ngha, nah ë chillang.
13Yeh ngha kung yanghin kë, nlehly angel ha Foy u ka kin kë Joseph nsoneh, nghaleh, m poh, n kui uhiant u tre nu yah woa uborr ubull, nu n kim ko Egypt, n cheh ko loa kull behleh ah chëë eh moa lum peh: hallë Herod woa tun uhiant u tre hallë shinny woa.
14Yeh ka poh kë, u kui uhiant u tre nu yah woa uborr ubull, nu kon ko Egypt
15U ka cheh loa, mendeh Herod ka woorë, leh peh u kissyeh lanah Foy ka fohm kë prophet tre nghaleh, ko Egypt ah veal eh traa më.
16Herod, yeh u ka keh, aniah cherryeh tre ngha soll woa kë, u shillindeh, nu wum aniah woa hallë dyë ahpomah tre buleing nghana ka choe ko Bethlehem nu gbantamatë lan yeo, nghana ka cheh nentë ting ngha aloh, kë trim tre nghono u ka kung yëë aniah cherryeh tre.
17Trim to la hun chang lanah peh ka fohm kë prophet Jeremy, nghaleh,
18Ko Ramah peh ka tui oh lum tre, utrank nu ufui emam, nu bongha bomung, Rahel woa tranghellin hallë ahpomah woa, u kay tollyh hallë yeh ngha chehn kë.
19Kereh yeh Herod ka woorë, nlehly, angel ha Foy u kin kë Joseph nsoneh ko Egypt.
20Nghaleh, m poh, n kui uhiant u tre nu yah woa nu nkoh ko kë upock u Israel hallë ngha woorë nghana tun woalong uhiant a tre yeo.
21Woa poh nu kui uhiant u tre nu yah woa, nu moi ko upock u Israel.
22Kereh yeh u ka tuirë, Arkelaus u ka cheh bay ko killeh Herod papah woa,; u wayrë hallë koh ko loa kull: kereh Foy u ka fohm woa kë nsoneh, nu u moony kë tyrrtë Galilëë:
23Woa hun, nu cheh kë turr nghono peh veal Nasareth, la ka moieh lanah peh ka foh kë ahprophet ah tre, nghaleh, peh hur veal woa Nasareth-no.
Pašlaik izvēlēts:
Matthew 2: BUY1816
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
First published by the Church Missionary Society in 1816.