Gyn A GANE KYƐYUOBU
A GANE KYƐYUOBU
A Ŋmen-yelnoore A Gyɔɔn Naŋ Sɛge, wuli ka Yeezu e la a Naaŋmen Yelbiri naŋ ba taa baaroo. A yelbiri ŋa la da “wa leɛ nensaala a zeŋ te poɔ.” (1:14) Aŋa lɛ a gane meŋɛ naŋ yele, ba sɛge la a Ŋmen-yelnoore ŋa ka ka banaŋ naŋ na sɔre o na sage de ka Yeezu la a Faara, a Naaŋmen Bie na Naaŋmen naŋ da eŋ noɔre ka O na tere la. Ka ba naŋ wa taa yeldeebo a yelbiri poɔ ba na nyɛ la nyɔvore (20:31).
A gane naŋ wa manne wuli ka Yeezu la a Naaŋmen yelbiri naŋ ba taa baaroo, a gane pãã daŋ piili mannɛɛ toŋkpeɛne parɛɛ parɛɛ naŋ wuli ka Yeezu la a Faara, a Naaŋmen Bie na Naaŋmen naŋ da eŋ noɔre ka O na tere la. A gane ŋa manne wulee a toŋkpeɛne tɛgɛ. A zie ŋa mannɛɛ lɛ noba mine naŋ sage de a Yeezu yɛlɛ a leɛ O potuuribo, kyɛ ka ba mine da ba are ko O, a zagre ka ba sage de O yɛlɛ. A yi a ganzuri pie ne ata te tɔ pie ne ayopoĩ (13—17) wulee lɛ Yeezu ne O potuuribo naŋ da ba kyɛnɛ kyɛ bara taa a tensogɔ na daare ba naŋ da nyɔge O. A la wulee yelbie na Yeezu naŋ da yeli ko a O potuuribo ka O nare ba teɛroŋ kyɛ dii ba sukyie kyaare ne ba naŋ na kpa O dagaraa zu. A ganzuri naŋ baare ne a gane poɔ yɛlɛ mannɛɛ a Yeezu nyɔgebo ane O sɛrɛɛdiibu, O dagaraa zu kpaabo ane O kuuni poɔ leɛ-iruu, ane O naŋ da de O meŋɛ wuli a potuuribo a O kuuni poɔ leɛ-iruu puoriŋ.
A pɔge na ba naŋ da nyɔge ka o toŋ moɔrɔ toma yɛlɛ (8:1-11) be la a gankorɔ mine poɔ kyɛ ba kye a gama mine meŋ poɔ.
A Gyɔɔn Gane kpaale yelee la ka a nyɔvore naŋ ba taa baaroo kyɔɔtaa yi la a Yeezu zie. A kyɔɔtaa naŋ piili pampana ŋa, a maŋ wa banaŋ zaa naŋ wa sage de ka Yeezu la a sori, a yelmeŋɛ ane a nyɔvore. A Gyɔɔn Gane waa la o toɔraa ane o naŋ de bie zaa bie zaa nyɔvore boma mine aŋa koɔ̃, boroboro, kyaane, pekyeenɛ ane o peere, ane dãã teere weɛ ane o wɔmɔ a manne ne seeloŋ poɔ yɛlɛ.
A Gane Poɔ Yɛlɛ Poŋ Tutaa
1. Piiluu 1:1-18
2. A Gyɔɔn Bati Ane A Yeezu Dɛndɛŋ Potuuribo Yɛlɛ 1:19-51
3. A Yeezu Naŋ Toŋ Toma Noba Poɔ Yɛlɛ 2:1—12:50
4. A Yeezu Bebi-baare Yɛlɛ A Gyɛruzɛlɛm Poɔ Ane Tenne Naŋ Peɛle A Gyɛruzɛlɛm 13:1—19:42
5. A Daana Kuuni Poɔ Leɛ-iruu Ane O Naŋ Da De O Meŋɛ Wuli A O Potuuribo A Galili Poɔ 20:1-31
6. A Baaraa: A Yeezu Naŋ Da La De O Meŋɛ Wuli Noba A Galili Poɔ 21:1-25
Pašlaik izvēlēts:
Gyn A GANE KYƐYUOBU: DNTTP
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
First New Testament in Dagaare Language © The Bible Society of Ghana, 2013.