cēnisis 12
12
1 #
isihcikēwiniwāwa 7:2,3; hiparowa 11:8 kā tipēyihcikēt māka omisi ē ki itāt ēprāma, nakata oma kit aski, mina kitotēmak mina kohtāwi wiki kita itohtēyan askihk anima kē wāpahtiyitān: 2kita kihcāyiwiyan ki ka isihitin, mina ki ka sawēyimitin, kita kihcāyiwahk ki wiyowin ni ka isihtān: ēkosi kiya ki ka sawēyitākosiwiniwin: 3#kalēsiyana 3:8ni ka sawēyimāwak aniki kā sawēyimiskik mina ni ka maci itawak aniki kā maci itiskik; mina kiya ohci kā itahtoskānēsicik askihk kita sawēyitākosiwak. 4ēkosi māka ēprām ki sipwētēw, kā ki itikot kā tipēyihcikēt; mina lāt ki ati wicēk: ēprām māka ki tēpakohpomitanaw niyānanosāp tahto piponwēw ispi kā ki nakatahk harān. 5ēkosi ēprām ki wicēwēw sēray wiwa, mina lāta ociwāma okosisiyiwa, mina kahkiyaw kēkway kā ki māwacihtācik, mina pēmātisiyit kā ki ayawacik harānihk; ēkosi ē ki ati sipwētēcik kēnan askihk isi; ēkosi māka ki otihtamwak kēnan aski.
6ēprām māka ki pimi sāposkam aski sikim askihk isi, piyis anita mori maskotēhk. kēnanaitak ki ayāwak ēkota askihk. 7#isihcikēwiniwāwa 7:5; kalēsiyana 3:16ēkosi kā tipēyihcikēt ki nokohisostawēw ēprāma, mina omisi itēw, ki nihtāwikihāwasonak ni kā miyāwak oma aski; ēkota māka ki osihtamawēw pakitināsowināpisk kā tipēyihcikēyit, kā ki nokohisostākōt. 8ēkota māka ki ohci sipwētēw anita wacihk wāpanotāhk itikē pēhtilihk kā ihtakok, ēkota māka ki kāpēsiw, pēhtil nēkapēanotāhk itēhkē ki takwaniyiw, ēkosi ēay wāpanotāhk itēhkē: ēkota mina ki osihtamawēw pakitināsowināpisk kā tipēyihcikēyit, mina ki mawimostam o wiyowiniyiw kā tipēyihcikēyit. 9ēprām māka ki pimohtēw sāwanotāhk kēyāpic ē ati itohtēt.
10ki notēkataniwiw māka ēkota askihk: ēprām māka icipt ki itohtēw ēkota ē wi natawi ayāt; cikēmā nāspic ki notēkataniwiw ēkota askihk. 11ēkosi ki ihkin, ispi ciki ēti otitahk icipt, omisi itēw sēray wiwa, mātika ēkwa, nikiskēyitēn ē katawasisiyan ē iskwēwiyan kita kanawāpamikawiyan: 12ēwako ohci kē ihkihk, ispi icipt iyiniwak wāpamiskwawi, kita itwēwak, ēwakoni wiwa; ēkosi māka kita nipahicik, māka kita pimācihiskik kiya. 13#cēnisis 20:2; 26:7ki natawēyitamātin māka kita itwēyan, kiya ē otāwēmāwimitān; kita isi miyopayiikoyān kiya ohci; ēkosi nit ahcāhk kita pimātisiw kiya ohci.
14ēkosi māka ki ihkin, ispi ēprām kā pē takosihk icipt, aniki icipt iyiniwak ki wāpamēwak anihi iskwēwa naspic ē katawasisiyit. 15aniki māka mina pēro okimāma ki wāpamēwak, ki miyo āyimotamawēwak māka pērowa; ēkosi ana iskwēw ki otināw pēro wikihk. 16ki miyo tōtawēw ēprāma ēwakoni ohci: māka wiya ki ayāwēw māyātikwa, mina mostoswa, mina iyāpē sosomistatimwa, mina atoskēyākana, mina atoskēyākaniskwēwa, mina nosē sosomistatimwa, mina piskwāwikani pisiskiwa. 17kā tipēyihcikēt māka ki kotakihēw pērowa mina kā itahtokēt, kihci kotakihiwēwina ohci, sēray ohci ēprām wiwiyiwa. 18ēkosi pēro ki natomēw ēprāma omisi ē ki itwēt, kēkway oma kā totawiyan? tānēki ēkā kā ki wihtamawiyan anima ē wiwiyan ēwako? 19tānēhki kā ki itwēyan, ēwako nihtāwēmāw? ēkosi ni ka ki otināh kita wiwiyān: ēkwa māka, wāpam kiwa, otin, ēkosi sipwēhtē. 20pēro māka ki wihtamawēw ot iyinima ēwakoni ohci: ēkosi ki sipwētisawēwa, wiwa asici, mina kahkiyaw kēkway kā ayāt.
Pašlaik izvēlēts:
cēnisis 12: KKMR
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
This Bible text is a transliteration of a corrected edition of the 1908 Western Cree Bible; it is in the public domain.