VITOUULA 4
4
Liliusi Keni sola Eibeli
1E oluvi Adam imasisisi sola la kwava e minana bogwa isuma. E iuni latula tau, e ikaibiga, kawala, “Metoya Guyau la pilasi bogwa labani taitala latugu.” Mapaila ivabu yagala e idoki matauna Keni.#Maigana Keni kala lega makawala mina Iberu si biga “leibani”. 2E igau oluvi minana iviluluvau taiyuwela latula tau, matauna yagala Eibeli. Eibeli matauna toyamata sipi, mitaga Keni matauna tobigubagula. 3Igau oluvi Keni imai mimilisi la tayoyuwa e isemakavi baisa Guyau. 4Mitaga Eibeli imai #Ib 11.4 natana la sipi latula kuluta, e ikatumati minana e isemakavi makabilasina kabilipusoposa baisa Guyau. E Guyau saina ikabwaili Eibeli deli la semakavi. 5Mitaga ipaiki Keni deli la semakavi. Keni saina igibuluwa e itakulukulu deli kala leiya. 6E Guyau iluki Keni, kawala, “Avaka paila kam leiya? Avaka paila m takulukulu e migim eidavila? 7Kidamwa bogwa lokuvagi vavagi duwosisia, ibodaim bukugigila.#ibodaim bukugigila: Gagabila bitagini “bogwa bakau m semakavi.” Mitaga lokuvagi vavagi gaga, e mitugaga bogwa eititayaya om lulu.#Makawala laiyoni makateki biyosi kala tau. E mitugaga magila bikaraiwogaim, mitaga yoku ibodaim bukutuma mitugaga.”
8E Keni iluki #Md 23.35; Lk 11.51; 1 Yn 3.12 bodala Eibeli, ikaibiga, kawala, “Bitala obaleku.” Tuta makwaina bogwa ilosi obaleku, Keni itovilaki bodala e ikatumati matauna.
9Guyau ikatupoi Keni, kawala, “Ambaisa bodam Eibeli?” Ivitakauloki ikaibiga, kawala, “Gala anikoli. Avaka kudoki, ki, yeigu bodagu kala toyamata kaina?”
10E Guyau ikaibiga, #Ib 12.24 kawala, “Avaka uula bogwa kuvagi vavagi makwaina saina gaga sainela? Bodam buyavila ikayubabai baisa yeigu metoya opwaipwaia, makawala kaigila idoudou paila kaimapu. 11Mapaila yoku bavabwaim watanawa deli isim kam bulubolata, e gala tuvaila bukubagula pwaipwaia makwaina. Paila bodam buyavila bogwa ikogiaki pwaipwaia makawala pwaipwaia isim wodola, e tutala kukwatumati bodam, e pwaipwaia ikapogega bimom wala buyavi. 12Kidamwa bukuvigikoni kudoki bukuvaula kawailuwa metoya opwaipwaia makwaina, gala bukubani kabinaisi. E deli yoku bukuvagi togumayobu wala gala isim m kwabosisu mitaga bukutitavina wala ovalu watanawa komwaidona.”
13E Keni iluki Guyau, kawala, “Saina mwau baisa yeigu paila mipuki makwaina bakeula. 14Lokuyabaigu metoya omatam e gala tuvaila batobigubagula. E yeigu bivagi togumayobu gala tolegu e batitavina wala baisa ovalu watanawa. Kidamwa availa bibodaigu ambaisa, bikatumataigu wala.”
15Mitaga Guyau iluki matauna, kawala, “Gala. Kidamwa availa bikatumataim, matauna bibani kala mipuki mapula bikeula sivalima sivayu.” Mapaila Guyau isaili kala kabutuvatusi baisa Keni, kidamwa availa bibodi matauna, gala bikatumati. 16E mapaila Keni itokaia isilavi Guyau.#Idokaisi kidamwa bisilavaisi si valu, e bogwa bisilavaisi si Yaubada, paila uula si nanamsa Yaubada la kabokwaraiwaga kwaitala wala valu. E ila imili valu mapilana idokaisi Lomakava, baisa mapilana Ideni opilibomatu.
Keni tubula
17E Keni sola la kwava iunaisi litusi tau, idokaisi matauna yagala Inoki. Oluvi Keni ibudi valu makwaina idoki mapilana tuvaila Inoki, makawala goli yagala latula. 18Inoki latula tau idoki yagala Irada, matauna latula yagala Meuyeili e Meuyeili latula tau idoki yagala Metuseili, e Metuseili latula Lameki. 19Matauna Lameki ivilayawa la kukova nayu, natana la kwava yagala Ada, e nayuwela Sila. 20E minana Ada ivilulu Yabali, matauna tubusi matausina isim wonesia bulutuvalu deli isisuaisi obuliyoyova. 21Matauna bodala yagala Yubali e matauwena tubusi komwaidosi tomwasawa gita deli loloni. 22Minana Sila ivilulu latula tau yagala Tubali Keni, matauna kala tobubuli tanumnumta barasi deli aiyani. E Tubali Keni luleta Naama.
23Lameki iluki la kukova, kawala,
“Yokomi Ada som Sila, kulagaigusi.
Bogwa lakatumati toulatila paila matauna iwaigu.
24Kidamwa availa bikatumati Keni,
e ibodi wala kaimapula tailima taiyu bikaligasi.
E ka, kidamwaga availa bikatumataigu,
ibodi wala kaimapugu bikaligasi tailuwolima tailuwoyu tailima taiyu.”
Liliusi Seti deli Inosi
25Adam sola la kwava iunaisi tuvaila taitala litusi tau. Ikaibiga minana, kawala, “Yaubada bogwa isakaigu latugu tau, kaimapula Eibeli, matauna Keni eikatumati.” E minana ivabu yagala idoki Seti.#Maigana Seti kala lega makawala mina Iberu si biga “leisaiki”. 26E Seti iuni latula ivabu yagala idoki Inosi. E tuta makwaina tomota ivitouulasi bikavitagaisi Yaubada yagala igibumaboma#Baisa maigana Yahweh. paila si tapwaroru.
Pašlaik izvēlēts:
VITOUULA 4: PNGKIR
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Kiriwina Bible (Buki Pilabumaboma) © Bible Society of Papua New Guinea, 2011.