Jenèz 10
10
Pitit pitit Noye yo
(1 Kwonik 1.5-23)
1Apre gwo inondasyon an, pitit Noye yo, Sèm, Kam ak Jafè, te fè pitit. Men #1 Kwo 1.5-7; Eze 38.1-6 non pitit gason yo te fè.
2Men pitit gason Jafè yo: Se te Gomè, Magòg, Madayi, Javan, Toubal, Mechèk ak Tiras. 3Gomè te fè twa pitit gason: Achkenaz, Rifat ak Togama. 4Se Javan ki te papa Elicha, Tasis, Kitim ak Wodanim #10.4: Wodanim: Se non sa a nou jwenn nan kèk ansyen maniskri ak nan 1 Kwonik 1.7. Men, tèks ebre a bay Dodanim.. 5Se tout pitit ak pitit pitit Jafè yo sa #10.5: Se tout pitit ak pitit pitit Jafè yo sa: Pa gen fraz sa a nan tèks ebre a. ki zansèt tout moun k'ap viv nan zile yo, yo chak sou tè pa yo, yo chak ak lang pa yo. Yo t'ap viv ansanm, fanmi ak fanmi, nasyon ak nasyon.
6Men #1 Kwo 1.8-10 pitit gason Kam yo: Se te Kouch, Mizrayim, Pout ak Kanaran. 7Kouch te fè senk pitit gason: Seba, Avila, Sabta, Rama ak Sabteka. Rama menm te gen de pitit gason: Seba ak Dedan. 8Kouch te gen yon lòt pitit gason yo te rele: Nimwòd. Nimwòd sa a, se premye moun ki te gwo chèf sou latè. 9Se te yon gwo chasè devan Senyè a. Se poutèt sa yo di: Gwo chasè devan Bondye tankou Nimwòd. 10Nan peyi kote li t'ap gouvènen an te gen lavil sa yo: Babèl, Erèk, Akad, Kalne nan peyi Chinea. 11Apre sa, li kite peyi a, l'ale lavil Asou. Men lavil li bati yo: Niniv, Reobòt-Ir, Kalak. 12Lèfini, li bati lavil Rezèm ant Niniv ak Kalak. Kalak sa a te yon gwo lavil.
13Mizrayim #1 Kwo 1.11-16 fè pitit. Se yo ki zansèt moun peyi Lidi, peyi Anan, peyi Leyab ak peyi Naftou, 14peyi Patwous, peyi Kaslou ak peyi Kaftò. Se nan peyi Kaslou sa a moun Filisti yo sòti.
15Premye pitit Kanaran se te Sidon. Apre sa vin Et. 16Se Kanaran tou ki papa Jebis, Amori, Gigach, 17Evi, Aka, Sini, 18Avad, Zema, Amat. Apre sa tout fanmi Kanaran yo gaye. 19Lizyè tè moun Kanaran yo pati depi lavil Sidon, li mete tèt sou Gera jouk li rive Gaza. Apre sa, li vire sou Sodòm ak Gomò, Adma ak Seboyim jouk li rive Lecha. 20Se tout pitit ak pitit pitit Kam yo sa, yo chak sou tè pa yo, yo chak ak lang yo. Yo t'ap viv ansanm, fanmi ak fanmi, nasyon ak nasyon.
21Sèm te gran frè Jafè. Li te gen anpil pitit tou. Se li ki te zansèt tout pitit Ebè yo. 22Men #1 Kwo 1.17-25 pitit gason Sèm yo: Se te Elam, Asou, Apachad, Lidi ak Aram. 23Men pitit Aram yo: Se te Ouz, Oul, Getè ak Mach. 24Se Apachad ki te papa Chelak. Chelak menm te papa Ebè. 25Ebè te gen de pitit gason. Yonn te rele Pelèg, #10.25: Pelèg: Mo sa a sonnen tankou yon lòt mo ebre ki vle di separe. paske se nan tan li moun sou latè te divize yonn ak lòt. Yo te rele frè l la Joktan. 26Joktan te papa Almodad, Chelèf, Azmavèt, Jerak, 27Adoram, Ouzal, Dikla, 28Obal, Abimayèl, Seba, 29Ofi, Avila ak Jobab. Yo tout se pitit Joktan yo te ye. 30Tè kote yo t'ap viv la te pran depi lavil Mecha, li moute kote lavil Sefa, jouk mòn ki bò kote solèy leve a. 31Se tout pitit ak pitit pitit Sèm yo sa, yo chak sou tè pa yo, yo chak ak lang pa yo. Yo t'ap viv ansanm, fanmi ak fanmi, nasyon ak nasyon.
32Tout #Jen 9.19 moun sa yo se branch fanmi pitit Noye yo, dapre zansèt yo, nasyon pa nasyon. Apre gwo inondasyon an, tout nasyon ki sou latè sòti nan pitit Noye yo.
Pašlaik izvēlēts:
Jenèz 10: HAT98
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Haitian Creole DC Bible © Societé Biblique Haïtienne, 1998.