LUKA 24
24
Isu thonâwk thu
(Mt 28.1-10; Mk 16.1-8; Jn 20.1-10)
1Ni saria ni hmasataka ruok chun, khaw var tâwmin, thil rim inhnik an buotsaihai chu chawiin thlâna chun an va fe a.
2Chun, thlâna inthawka lung chu inhlum sawnin an hmu a;
3chun, an lût a, Lal Isu ruong chu an hmu si nawh.
4Chun, chuong leia an lunginzîng lai chun, ngai ta, mi pahni puon mi elkhal thei silin an kâwlah an hung ngîr a;
5chun, an ṭi a, an hmaia hnuoi an sik el lai chun, anni chun an kuomah, “Iengdinga mithi laia mi dâm in zawng am?
6 #
Mt 16.21; 17.22-23; 20.18-29; Mk 8.31; 9.31; 10.33-34; Lk 9.22; 18.31-33 [Hitaka hin a um ta nawh, a tho nâwk tah;]#Ziekna ṭhenah Ch.6na hi a um nawh Galili rama a um laia in kuoma a thu hril kha hre zing ro.
7‘Mihriem Naupa hi mi suolhai kuta inmantirin um a ta, krawsah hemdêng an ta, ni thum ni chun a tho nâwk ding a nih,’ a ti kha,” an ta.
8Chun, a thu hrilhai chu an hriet suok ta a,
9thlâna inthawk chun an fe nâwk ta a, sâwm le pakhathai kuoma le mi po po kuomah chuong thil po po chu an hril ta a.
10(Chuong nuhmeihai chu Mag- dalin Mari hai, Joanna hai, Jakob nu Mari hai an nih; an kuoma nuhmei danghai khawmin tirkohai kuoma chun chuong thu chu an hril bawk a.
11Nisienlakhawm, chuong thu chu thu mei meiah an ruot a, an awipêk naw a).
12[Nisienlakhawm, Peter chu a tho a, thlâna chun a tlân ta a; chun, a kûn a, a bi a; puon zai inhmi umhai chu a hmu a; chuongchun, thil umzie chu mak titakin in tieng a fe nâwk ta a.]#Ziekna ṭhenah Ch.12na hi a um nawh
Emmau lampuiah Isu ân lâr
(Mk 16.12-13)
13Chun, ngai ta, chu ni tak chun anni laia mi pahni chu khaw pakhat Emmau an tia chun an fe ding a na, chu chu Jerusalema inthawkin fing sâwmruk a nih.
14Chun, thil hung tlung po po chu an hril malam pei a.
15Chun, an hohlima an hril tlâng lai chun Isu ngeiin a hung pan a, ân tlawnpui ta a.
16Nisienlakhawm, ama chu an hriet thei nawna dingin an mit chu sukvaiin a um a.
17Chun, an kuomah, “Fe malama in thu hril kha ieng am a na?” a ta. Chun, nguitakin an ngîr ta a.
18Chun, a hming Kleopa lem chun a kuomah, “Jerusalemah makhât chauin amanih i um? Tulaia thil umzie i hriet naw a,” a ta, a dawn a.
19Ama chun an kuomah, “Ieng thil am ie?” a ta. Anni chun a kuomah, “Nazareth Isu, Pathien le mi po po mithmua, a thu le a thilthaw zâwlnei hminginthang tak chanchin thu;
20thiempu lalhai le kan hotuhaiin that thu pêk dingin an ṭhuoi a, krawsa an hemdezie dâm thu kha.
21Keiniin Israel intlantu ding a ni kan beisei vei leh; chuong ta nêk hmanin chuong thil tlungna chen chu vawisûn leh ni thum a ni tah.
22Chuong naw khawm chu kan pâwlhai nuhmei ṭhenkhat, zîngkâr a thlânah an va fe a, an mi hung suklungzîng rak a;
23a ruong hmu si lovin, ‘Pathien vântirkohai inlâr kan hmu a, chuhai chun a hring nâwk tah ti an hril,’ an hung ti a.
24Chun, kan umpui laia ṭhenkhat thlâna chun an fe a, nuhmeihai hril ang ngeiin an hmu a, nisienlakhawm, ama chu an hmu si naw a,” an ta.
25Chun, ama chun an kuomah, “Mi invêthai, zâwlneihai thu hril po po awi kawnga ngawnghai!
26Kristain chuong thil chu tuorin a ropuinaah a lût ding a ni hrim naw am a nih?” a ta.
27Chun, Mosie le zâwlneihai po po lekhaah a phut a, Pathien Lekha po poa ama chanchin ziek taphawt chu anni a hrilfie pei a.
28Chun, an fena ding khuo chu an hung hnai ta a; chun, ama chu hla deua fe tum angin a um a.
29Chun, ṭawngbauin an chel a, “Kan kuomah um ta la; khuo ân hnu ding an ta hi, nisa khawm a tla ding a ni ta hi,” an ta. Chuongchun, an kuoma um dingin a lût ta a.
30Chun, an kuoma buthlêng awta a ṭhung laiin bei a lâk a, mal a sâwm a, a khawi a, an kuomah a pêk a.
31Chun, an mit a hung var a, a hmêl an hung hriet ta a; chun, ama chu a bo el ta a.
32chun, anni chun, “Lampuia a mi biek laia Pathien Lekha Thuhai a mi hrilfie lai khan ei lungril a har huoi hrim naw am a ni kha?” an in ti a.
33Chun, an tho nghâl ta a, Jerusalemah an kîr nâwk ta a, sâwm le pakhathai le an ruolhai um khâwm chu an hmu a,
34“Lalpa chu a lo thonâwk takzet a nih; Simon kuoma khawm ân lâr tah,” an lo ti a.
35Chun, anni khawmin lampuia thil hung tlung le, bei a khawia, a hmêl an hung hrietziehai chu an hril ve a.
Isu a inchûktirhai kuoma ân lâr
(Mt 28.18-20; Mk 16.14-18; Jn 20.19-23; Tt 1.6-8)
36Chun, chuong thu chu an hril laiin ama ngei chu anni lai a hung ngîr a, [an kuomah, “In chungah thlamuongna um raw se,” a ta.]#Ziekna ṭhenah Ch.36na chen ve hi a um nawh
37Nisienlakhawm, râpthlâk an ti bêk bêk a, an ṭi a, thlarau hmuah an inruot a.
38Chun, ama chun an kuomah, “Iengdinga in lunginzîng am? Iengdinga in lungrila ringhlâna a hung um am?
39Ka kuthai, ka kephahai hi en ro; hi keima ngei kha ka ni hi! Mi them unla en ro; in mi hmu ang hin chu thlarau chun taksa le ru a nei ve nawh,” a ta.
40[Chun, chu chu a hril zoin a kuthai, a kephahai an kuomah ân entir a.]#Ziekna thenah Ch.40na hi a um nawh
41Chun, an lâwm taluo leiin an la awi naw ta rawp a; mak an ti sûngin an kuomah, “Hitaka hin iengkhat fâk ding in nei am?” a ta.
42Chun, nga raw tlin khat an pêk a.
43Chun, a lâk a, an hmaa chun a fâk ta a.
44Chun, an kuomah, “Hieng hi ka thu kha a nih, Mosie Dâna hai, Zâwlnei Lekhabua hai, Inpâkna Hla bua hai ka chanchin ziek taphawt chu a hung tlung dingzie in kuoma ka um laia ka hril hlak cheu kha,” a ta.
45Chuongchun, Pathien Lekha Thu hrietna dingin an lungvar a sukvar ta a,
46chun, an kuomah, “Hieng ang hin ziek a nih, ‘Krista chun rinum tuor a ta, ni thum niin mithi laia inthawkin thonâwk a tih,
47ama hmingin simna thu le suol ngaidamna thu Jerusalema inthawkin hnam tin kuoma hril nîng a tih,’ tiin.
48Chuong thil po po chu a hrepuitu in nih.
49 #
Tt 1.4
Chun, ngai ta u, ka Pa thil tiem chu in chungah ka hung tir ding a nih; nisienlakhawm, chung tienga inthawka thilthawtheinaa inthuom in ni hmakhat chu khawpuia hin um zing ro,” a ta.
Vâna lâwnna
(Mk 16.19-20; Tt 1.9-11)
50 #
Tt 1.9-11
Chun, Bethani khaw kâwl chenin anni a ṭhuoi a; chun, a bân a phar a, mal a sâwmpêk a.
51Chun, mal a sâwmpêk lai takin anni chu a mâksan a, [vâna zuk ṭhuoiin a um ta a.]#Ziek thena chun ‘Vana zuk ṭhuoiin a um taha’ ti le ‘chibai an bûk ti hi a um nawh.
52Chun, [chibai an bûk a,] lâwm bêk bêkin Jerusalemah an kîr nâwk ta a;
53chun, Pathien biekina chun Pathien inpâkin an um rawp hlak.
Pašlaik izvēlēts:
LUKA 24: HMOVBSI
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.