Luka 5
5
PENE V - 5
To Iesu apii anga i roto i te pai; te tuku anga i te kupenga: te lepera: te tangata akangoru: te akakino Atua: ko Levi e te kaingakai ki ona: kare te au pipi a Iesu e akakore i te kai.
1E #Mata 4:18; Mare 1:16TE tu ua ra aia i tetai rā i te pae roto i Genesareta ra, kua ototitoti ua maira te tangata katoa e manganui kiaia, e akarongo i te tuatua a te Atua, 2Akara atura aia i e rua puke pai, te tapae ua ra i te pae roto; kareka te aronga ravakai, tei uta ïa, te taruku ra i ta ratou kupenga. 3Aere atura aia ki rungao i tetai pai, i to Simona, kua karanga atura kiaia e toko aia ki taio kia atea te one ki uta. Kua noo iora aia ki raro e kua apii maira i te tangata tini i runga i taua pai ra. 4E oti akera tana tuatua, karanga atura aia kia Simona, #Ioa 21:6O atu ki te moana, tuku atu ei i ta kotou kupenga i tetai aronga ika. 5Kua tuatua mairā Simona, na ko maira, E te Atu, i tauta ua na matou mei te aiai e ao akenei, e kare e ika i rauka; kia tuatua maira koe, ka tuku rai au i te kupenga ki raro. 6E kia pera iora ratou, kua pini rava akera ia ratou te ika e manganui; e motu atura ta ratou kupenga. 7Kua kamokamo atura ratou ki to ratou aronga ki runga i tetai pai, kia aere katoa mai ratou e rave. Kua aere maira oki ratou, kua akaki iora i nga pai e rua katoa, e vaitata rava iora i te tomo. 8E kia akara iorā Simona Petero i te reira, tipapa iora aia ki raro i te pae turi no Iesu, ma te karanga atu e, #2 Samu 6:9; 1 Ari 17:18E aere ke koe, e te Atu, e tangata ara oki au. 9Poitirere iora aia e ratou katoa i taua aronga ika i rauka ia ratou ra: 10E ko Iakobo katoa oki e ko Ioane, nga tamariki a Zebedaio, kua kapiti katoa raua kia Simona. Kua karanga aturā Iesu kia Simona, Eiaa e mataku; #Mata 4:19; Mare 1:17mei teianei atu, e tangata taau e rauka. 11E tae maira to raua puke pai ki uta, #Mata 4:20; 19:27; Mare 1:18; Luka 18:28akaruke anake iora ratou, e kua aru maira iaia.
12 #
Mata 8:2; Mare 1:40 E i na, tei tetai oire aia, kua akara maira tetai tangata ia Iesu, kua pini rava aia i te lepera; tipapa iora aia ki raro, pati maira kiaia, na ko maira, E te Atu, kia tika ia koe ra, e mā au ia koe. 13Kua akatika atura aia i tona rima, akatukia atura iaia, na ko atura, Kua tika ïa iaku: kia mā koe. Peke ke atura tona lepera i reira. 14#Mata 8:4E kua iku atura aia iaia, auraka rava e aaki ki te tangata, E aere ra e akakite ia koe uaorai ki te taunga ra, e e apai atu #Levi 14:4,10,21,22i tei akonoia e Mose, ei akakite anga atu kia ratou e, kua mā koe. 15Vavaria rava atura tona rongo, e #Mata 4:25; Mare 3:7; Ioa 6:2e aronga maata tei uipa katoa mai e akarongo iaia, e kia akaoraia ratou e ia i to ratou au maki. 16#Mata 14:23; Mare 6:46Riro ke akera aia ki te ngai motutaa e pure.
17E tae akera ki tetai rā, te apii ra aia, te noo maira te Pharisea, e te aronga apii ture, i vaitata, mei Ierusalema mai, e mei te au vila ravarai i Galilea e Iudea, e tei reira te mana o te Atu i te akaora ia ratou. 18#Mata 9:2; Mare 2:3E i na, te apai maira te tangata i tetai akangoru ki rungao i te roi: i inangaro ratou i te apai mai iaia ki roto, e tuku i mua iaia. 19E kare akera i tika i te rai o te tangata, kake akera ratou ki rungao i te are, kua tuku iora iaia ki raro, na roto i te tapoki are, ma te roi iti katoa i rotopu i mua ia Iesu. 20E kite atura aia i to ratou akarongo, kua karanga atura aia kiaia, E tama, kua akakoreia taau ara. 21#Mata 9:3; Mare 2:6,7Kua eumiumi iora te au tata tuatua e te au Pharisea, na ko akera, Koai teia e tuatua i te akakino Atua? #Sala 32:5; Isa 43:25E matara oki te ara iaai mari ra i te Atua anake ra? 22Te kite rā Iesu i to ratou manako, kua karanga atura kia ratou, Eaa ta kotou i eumiumi ua na i roto i to kotou ngakau? 23Teiea te mea rave ngoie, ko te tuatua aina, Kua matara taau ara; e ko te tuatua aina, Ka tu ki runga, ka aere? 24Kia kite ra kotou e, e mana to te Tamaiti a te tangata i te ao nei kia akakore i te ara, (kua na ko atura aia ki taua akangoru ra,) Te karanga atu nei au kia koe, Ka tu ki runga, ka rave i to roi, ka aere ki toou ngutuare. 25Kua tu akera aia i reira i mua i to ratou mata, rave iora i tona moenga, aere atura ki tona ngutuare, i te akakakā anga atu i te Atua. 26Rokoia anake iora ratou e te umere maata e te mataku, e kua akakakā atura i te Atua, na ko akera, E mea tu ke maata ta tatou i kiteo i teianei rā.
27 #
Mata 2:9; Mare 2:13,14 E muri akera, aere atura aia ki vao, e kite atura aia i tetai telona, ko Levi te ingoa, i te noo anga i te are telona; kua karanga atura aia kiaia, Ka aru mai iaku. 28Kua tu akera aia ki runga, vaoo atura i te apinga tini, e aru atura iaia. 29#Mata 9:10; Mare 2:15Kua akatupu iorā Levi i tetai kaingakai maata nana i tona uaorai are; #Luka 15:1e manganui te telona e te tangata ke katoa i noo i taua kaingakai ra ko ratou katoa. 30Kareka te au tata tuatua e te au Pharisea, koumuumu iora, tuatua atura ki tana au pipi ra, Eaa kotou i kai katoaʼi, e i inu ei oki, e te au telona ma te aronga ara ra? 31Kua tuatua mairā Iesu kia ratou, na ko maira, Kare no te aronga ora te taunga, no te aronga maki ra. 32#Mata 9:13; 1 Timo 1:15Kare au i aere mai e tiki i te aronga tuatua-tika, i te aronga ara ra, kia tataraara.
33Kua ui atura e tokotai puke tangata kiaia, #Mata 9:14; Mare 2:18Eaa te mea i akakore putuputu ei te au pipi a Ioane i te kai, e ta te au Pharisea, e e pure oki, kareka taau, te kai ua nei ïa, e te inu ra. 34Kua tuatua maira aia kia ratou, Te akakore nei aina te au oa o te tane ou ra i te kai, i te noo katoa anga o taua tane ou ra ki o ratou? 35Te vai atura ra te tuatau e apai keiaʼi te tane ou ra, ei reira ratou e akakore ei i te kai.
36 #
Mata 9:16,17; Mare 2:21,22 Kua tuatua maira aia kia ratou i teianei parabole, Kare e tangata e pananaki i te kakau piro ki te manga pananaki ou: kia pera, e motu te kakau piro ra i te manga pananaki ou i pananakiia ra, kare rava oki te mea ou e tau i te mea piro. 37Kare oki e tangata e tuku i te wina ou ki roto i te āriki taito ra; kia pera, e ngaae te āriki i taua wina ou ra, maringi atura ïa, e kino atura te āriki. 38Kia tukuia ra te wina ou ki roto i āriki ou e tikaʼi, e e ora kapipiti ïa. 39E kare oki te tangata i inu i te wina taito ra e kaki vave i te wina ou, e tuatua oki aia e, te wina taito te mea meitaki.
Pašlaik izvēlēts:
Luka 5: CIMB
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
The Holy Bible in Cook Islands Maori, Reprinted from the edition of 1888 © United Bible Societies, 1972.