Ioane 21
21
PENE XXI - 21
Te akairo i te ika ra; te ikuiku anga ia Petero e angai i te au mamoe, e tona matenga i akakiteia; te tuatua ia Ioane.
1E MURI akera, kua akakite akaou mairā Iesu iaia uaorai ki te au pipi i te roto i Tiberia ra, na ko aia i te akakite anga mai. 2Te putuputu katoa rā Simona Petero, ma #21:2 Maanga.Toma, ko te karangaia ia #21:2 Maanga.Didimo ra, e ko #Ioa 1:45Natanaela i Kana i Galilea ra, #Mata 4:21e nga tamariki a Zebedaio ra, e ko e toko rua oki puke pipi a Iesu ra. 3Kua karanga aturā Simona Petero kia ratou, Te aere nei au e tautai. Kua tuatua maira ratou, Aere katoa tatou. Aere atura ratou i reira ra ki runga i te pai; kare ua a ratou mea ika i rauka i te reira po. 4E popongi akera, te tu ua rā Iesu i te pae roto ra: kare ra te au pipi #Ioa 20:14i kite e ko Iesu. 5#Luka 24:41Kua tuatua mairā Iesu kia ratou, E te au tamariki ra, e manga ta kotou? Kua karanga atura ratou, Kare ua. 6Kua tuatua maira aia kia ratou, #Luka 5:4,6,7Ka tuku i te kupenga ki te pae katau i te pai na, ka rauka ïa ta kotou. Kua tuku atura ratou, e kare ua atura e maranga ia ratou kia kika i te maata o te ika. 7Kua karanga atura #Ioa 13:23; 20:2taua pipi akaperepereia e Iesu ra kia Petero, Ko te Atu. Akarongo akerā Petero e, ko te Atu tera, ka kakau iora i tona kakau i runga, ko tei vaio keia e ia ra, e rere atura ki raro i te tai. 8Na runga maira tetai pae pipi i te boti, ma te kupenga e te ika i te kika anga mai, (kare i mamao ua ki uta, ka tau i te rua anere i te kubiti.) 9E tae maira ratou ki uta, akara atura i te ai te ka ra, e te ika ki runga, e te manga oki. 10Karanga aturā Iesu kia ratou, Ka rave mai na i tetai aronga i ta kotou ika i rauka ra. 11Aere aturā Simona Petero ki runga i te boti, kika maira i te kupenga ki uta, kua ki i te ika mamaata, okotai anere e rima ngauru ma toru; kare ua ra i motu te kupenga i taua aronga ika mamaata ra. 12#Anga 10:41Kua karanga aturā Iesu kia ratou, Ka aere mai ka kai. Kare ua ra tetai pipi i ui atu kiaia, Koai koe? i te mataku; kua kite oki ratou e, ko te Atu ïa. 13Kua aere aturā Iesu, rave iora i te manga, kua tuku atura kia ratou ra, e te ika katoa oki. 14#Ioa 20:19,26Ko te tu toru teia o to Iesu akakite anga mai iaia ki te au pipi ra, i muri ake i tona tu akaou anga mai, mei te mate mai.
15E pangia akera ratou, kua karanga aturā Iesu kia Simona Petero, E Simona a Iona e, te maata na toou anoano kiaku i teia? Kua tuatua maira aia, A, e te Atu; kua kite koe e, te anoano atu nei au ia koe. Kua karanga atura aia, Ka angai i taku au punua mamoe. 16Kua karanga akaou atura aia kiaia, ko te tu rua ïa, E Simona a Iona e, te anoano na koe iaku? Kua tuatua maira aia kiaia, A, e te Atu, kua kite koe e, te anoano atu nei au ia koe. #Anga 20:28; Ebe 13:20; 1 Pete 2:25; 5:2,4Kua karanga atura aia, Ka tiaki i taku au mamoe. 17Kua karanga atura aia kiaia, ko te tu toru ïa, E Simona a Iona e, te anoano na koe iaku? Kua aue iorā Petero i te mea ka tu toru akera ona ui anga mai kiaia, Te anoano na koe iaku? E kua tuatua maira, e te Atu, #Ioa 2:24,25; 16:30kare ua e mea toe i te kitea e koe; kua kite koe e, te anoano atu nei au ia koe. Kua karanga aturā Iesu, Ka angai i taku au mamoe. 18#Ioa 13:36; Anga 12:3,4Tika, tika tikai taku e karanga atu kia koe, I toou ou anga, kua tatua koe ia koe uaorai, e kua aaere iora koe ki taau ngai i anoano ra: e kia ruaine koe, ka akatika koe i o rima, e na tetai ke koe e tākai, e apai atu ei ia koe i te ngai anoano koreia e koe ra. 19Akapera atura aia i te akakite anga kiaia, #2 Pete 1:14i te tu o tona mate e akakakāiaʼi te Atua iaia. E oti akera taua tuatua ra, kua karanga atura aia kiaia ra, Ka aru mai iaku. 20Kua ariu maira Petero ki muri, kite maira i taua pipi #Ioa 13:23,25; 20:2akaperepere na Iesu i te aru anga mai, (ko tei irinaki ki runga i tona umauma i te kaingakai ra, ko tei tuatua ra, E te Atu, koai te tangata e pikikaa ia koe?) 21Kua akara mairā Petero iaia, kua karanga atura kia Iesu, E te Atu, ka aaia teianei tangata? 22Kua tuatua mairā Iesu kiaia, Kia anoano au i te vaoo iaia #Mata 16:27,28; 25:31; 1 Kori 4:5; 11:26; Apo 2:25; 3:11; 22:7,20e kia tae mai au ra, eaa taau i reira? Ka aru mai koe iaku. 23Riro atura taua tuatua ra i te au taeake ra e, kare taua pipi ra e mate: kare rā Iesu i karanga e, kare e mate: i na ko ra e, Kia anoano au i te vaoo iaia e kia tae mai au ra, eaa taau i reira?
24Teia taua pipi ra e karanga atu i teianei au tuatua, e kua tata oki taua au tuatua nei: #Ioa 19:35; 3 Ioa 12e kua kite oki matou e, e tuatua-mou tana i akakite ra. 25#Ioa 20:30E manganui atu rai ta Iesu peu i rave, naringa i ope katoa i te tataia, #Amo 7:10te manako nei au, kare e tika i to te ao katoa nei kia āriki mai i taua au buka ra, naringa i tataia. #21:25 E tika ïa.Amene.
Pašlaik izvēlēts:
Ioane 21: CIMB
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
The Holy Bible in Cook Islands Maori, Reprinted from the edition of 1888 © United Bible Societies, 1972.