मत्ती 4
4
मी अन्टोङब चनमन नेने येशूजे जाँच
मर्कूस १:१२-१३; लूका ४:१-१३
1 #
हिब्रू 2:18; 4:15 होर्दे शैतानदे येशूने जाँच चेजे लागि पवित्र आत्मादे मी अन्टोङब चनमन नेने कूदीदे। 2येशू ङ्यील्लङ् दिन मेस्ये ङ्यील्लङ् मून्सेमे बर्त टूङचेनमेस्ये ठीदे। 3हन्छ्वाब जाँच चेब शैतान येशू ट्याने रदेबे यदे, “न परमेश्वरजे च यलो अम्ब लूङ्यूने क्यङ् क्यूर् यदेबे आज्ञा पीन्।”
4 #
व्यवस्था 8:3
तर येशूदे जवाफ पीन्दे, “लिख्दीये ख्यङ्, ‘मी क्यङ्देत्या सोम्बो क्यूर दी, तर परमेश्वरजे ङूर्दे योङ्रब साप्ता वचनदे सोम्बो क्यूक्क्य’।”
5होर्दे येशूने शैतानदे पवित्र सहर यरूशलेमने कूदीदेबे मन्दिरजे पात्ता तो फ्या टने मेर्स्ये पीन्दे, 6#भजनसंग्रह 91:11,12मेस्ये येशूने यदे, “न परमेश्वरजे च यलो, अन्यादे मो नेम्ब, चेनेयलो येरे लिख्दीये ख्यङ्,
‘ङूदे न रङ्से दूतयूजे जिम्माने पीन्क्य मेस्ये नने थमयूदे रङ्से ला-लाने थम्दीय, नत्र नैजे तोप् लूङ्ने थूङ्बीय’।”
7 #
व्यवस्था 6:16
येशूदे ङूने यदे, “धर्मशास्त्रने लिख्दीये ख्यङ्, ‘नदे परमप्रभु रङ्से परमेश्वरने जाँच अन्चील्लाची’।”
8फेरि शैतानदे येशूने फेर गङ् त्याने स्योल्गीदेबे का-मुलुकजे राज्ययू मेस्ये राज्ययूजे महिमा क्वाने येशूने तन्दे, 9मेस्ये ङूने यदे, “नदे ङैने पून्छ्यल् क्यूत्देबे स्यूव पीन्दे यलो, अम्ब साप्ताकूरूने ङ नने पीन्क्य।”
10 #
व्यवस्था 6:13
होर्दे येशूदे शैतानने यदे, “शैतान, न अन्यादे थैचेकी! चेनेयलो धर्मशास्त्रने लिख्दीये ख्यङ्, ‘नदे परमप्रभु रङ्से परमेश्वरने स्यूव पीन्, मेस्ये ङूजे त्या सेवा ची’।”
11होर्दे ङू पोङ्गीदेबे शैतान गीली। स्वर्गदूतयू रदेबे ङूजे सेवा चीत्दे।
येशूदे प्रचार चेने सुरु चेब
मर्कूस १:१४-१५; लूका ४:१४-१५
12 #
मत्ती 14:3; मर्कूस 6:17; लूका 3:19,20 यूहन्ना जेलने स्य्वोप्कब तदेबे येशू गालीलतेले गीलीदे, 13#यूहन्ना 2:12होर्दे नासरत पोङ्यीदेबे कफर्नहुम गीली मेस्ये हैयाने टूङने सुरु चीत्दे। अम्ब सहर जबूलून मेस्ये नप्ताली यब नेजे समुद्र नतेले ख्य। 14यशैया अगमवक्तादे यब पो येर्बे पूरा क्यूत्दे:
15 #
यशैया 9:1,2 “यर्दन तीप्ल्या प्रब लम्ने पर्देब जबूलून, मेस्ये नप्ताली यब नेजे मीयू, होर्दे गालीलने टूङब यहूदी तेब मीयू,
16मून्दूङ्ने टूङब मीयूदे सोरो केन् ओथ्याङ् तङ्दे। कालजे ङूर्ने टूङब देशजे मीयू फ्याने ओथ्याङ् त्या योङ्र ख्यङ्।”
17 #
मत्ती 3:2
हम्ब बीलदेछोमेस्ये येशूदे प्रचार चीत्देबे यदे, “पश्चात्ताप चीत्देबे परमेश्वरतेले ल्वाख, चेनेयलो स्वर्गजे राज्य ट्यारङ्ने रेन ख्यङ्।”
येशूजे पात्ता खूम्जे स्यूस्स्यायू
मर्कूस १:१६-२०; लूका ५:१-११
18गालील-समुद्रजे नने प्रेनूब ङूदे पत्रुस यब सिमोन मेस्ये ङूजे च्योन् अन्द्रियास, खीनीने समुद्रने जाल छानब तङ्दे, चेनेयलो थमयू ङ सेब मी ख्य। 19येशूदे थमयूने यदे, “ङै ङ्येदे ख, मेस्ये ङैदे नमयूने ङ चूङब मीयू दी, परमेश्वरजे राज्यने मीयू रेब बन्दीय।” 20होर्दे हन्छ्वाबने जालयू पोङगीदेबे थमयू ङूजे ङ्ये-ङ्ये गीलीदे।
21हैयादे प्रेनूब ङूदे सूजो खीनी, याकूब मेस्ये ङूजे च्योन् यूहन्नाने, थमयूजे प जब्दियाप्रे डुङ्गाने टूङ्देबे जाल रोप्नब तङ्दे मेस्ये थमयूने ङूदे कोदे।
22होर्दे हन्छ्वाबने डुङ्गा मेस्ये थमयूजे पये पोङ्गीदेबे थमयू येशूजे ङ्ये-ङ्ये गीलीदे।
गालीलने येशूदे चेब सेवाजे काम
लूका ६:१७-१९
23 #
मत्ती 9:35; मर्कूस 1:39 होर्दे थमयूजे सभा-कीम्यूने गीलीदेबे मीयूने येशूदे पोयू लोम-तन चीते-चीते, परमेश्वरजे राज्यजे सूगब खबर स्योदे-स्योदे, मीयूजे पीरीपीरीजे बीद मेस्ये ङ्व नवयू तम् चीते-चीते पूरा गालीलभरी ट्वादे। 24येशूजे न-मीन् सिरियाभरि का-मुलुकने ड्वाङ्गै क्यूरी, मेस्ये नवयू, या पीरीपीरीजे बीदयू, नेनबयू मेस्ये छेत् लादीकब, छर्र बीद लादीकब मेस्ये ला तोप् स्येब मीयू क्वाने ङू ट्याने रेत्दे। ङूदे थमयूने तम् चीम्मीदे। 25होर्दे गालील, डेकापोलिस, यरूशलेम मेस्ये यर्दन क्यूगीन्दीजे तीप्ल्यामेस्येजे मीहुल ङूजे ङ्ये-ङ्ये प्रने सुरु चीत्दे।
Pašlaik izvēlēts:
मत्ती 4: सर् कबुल
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Ghale New Testament © Nepal Bible Society, 2011.