मत्ती 11
11
येशू मेस्ये बप्तिस्मा-पीनब यूहन्ना
लूका ७:१८-३५
1रङ्सेजे बाह्र जना स्यूस्स्यायूने हुकुम पीन जेनमेस्ये येशू हैयादे गालीलजे सूजो सहरयूने लोम्मेने मेस्ये सूगब खबर प्रचार चेने गीलीदे।
2यूहन्नादे ख्रीष्टजे कामयूजे पो झ्यालखन्ने ख्यङ्ब तदे, होर्दे अम्ब पो ल्वेने ङूट्याने रङ्से स्यूस्स्यायू कूल्पीदे, 3होर्दे ङूने लोत्दे, “रीय यदेबे ङीदे आशा चीन्नब मसीह ननेयीर, या ङीदे सूजोजे आशा चे पर्ते?”
4येशूदे थमयूने यदे, “प्र, नमयूदे तब मेस्ये तङब हम्ब पोयू यूहन्नाने येबी, 5#यशैया 35:5,6; यशैया 61:1म्या अन्तङयूदे तङ प्रेक्क्य, मेस्ये प्र अङ्ख्वब खोन्ङ्याल्यायू प्र ख्व क्यूक्क्य। कुष्ठबीदजे मीयू शुद्ध चीक्क ख्यङ्। न-अन्तब मीयू न तख्वब क्यूर ख्यङ्। सीयेब मीयू सोम्बो क्यूत्देबे लङ ख्यङ्, मेस्ये दूख्प्रेब मीयूने सूगब खबर प्रचार चीन्न ख्यङ्।
6तम्दम्ने ङैजे बारेने शङ्का अन्चेब मीयूदे असी प्रेक्क्य।” 7होर्दे थमयू गीलेमेस्ये येशूदे मीहुलने यूहन्नाजे बारेने स्य्वेने सुरु चीत्दे, “मीयू अन्टूङब चनमन नेने नमयू च लेने गीले? उन्दूदे लीङ्नब म्या पोङ् लेने गीले औ? 8तर नमयू च लेने योङ्गे? सोरो ज्य कोला ह्वेब मी लेने औ? सोरो ज्य कोला ह्वेब मीयूब मूरुम्जे दरबारने टूङ्क्य। 9नमयू च लेने योङ्गे? अगमवक्ता लेने औ? अ, ङ नमयूने यीय, अगमवक्ता यली थेप् केन् ब मी लेने। 10#मलाकी 3:1अम्ब ङूने ख्यङ् ङूजे बारेने धर्मशास्त्रने लिख्दीये ख्यङ्,
‘ले, ङ ङैजे दूतने नैजे खूम्-खूम् कूल्बीय, ङूदे नैजे खूम्ने नैजे लम् तयार चीक्क्य।’
11तम्दम्ने ङ नमयूने यीय, मदीयूदे प्रेब मीयू नङ्जे बप्तिस्मा-पीनब यूहन्नायली पात्ता केन् सूजो सूये अन्क्यूर्। होरनेयली स्वर्गजे राज्यने पात्ता नङ्ने सू चीद ख्य, हम्ब यूहन्ना यली पात्ता केन् ख्यङ्। 12#लूका 16:16बप्तिस्मा-पीनब यूहन्नादे प्रचार चेब बीलदे छो चूजोसेमे स्वर्गजे राज्य बेस्से बोङ्बे बढ्दीन ख्यङ्, होर्दे बोल्यो मीयू अम्बने बोङ्बे चूङ्न ख्यङ्। 13चेनेयलो अगमवक्तायू क्वादे मेस्ये मोशाने पीनेब नियमदे यूहन्नाजे बीलसेमे अगमवाणी चीत्दे। 14#मलाकी 4:5; मत्ती 17:10-13; मर्कूस 9:11-13कादेये नमयूदे अम्ब पोयूने ग्रहण चेने राजी क्यूल्लो, रीय यब एलिया अम्बने ख्यङ्। 15पो ङीनब मीदे चेलाबे ङ्यीन्स्य।
16“जेम्से अम्ब पुस्ताने ङ चैप्रे तुलना चे स्व? अम्ब बजारने क्याब पीचयूप्र ख्यङ्, हम्बयूदे थमयूजे ख्योन्यूने कोदेबे यीय,
17ङीदे नमयूजे लागि मूरलीतब बीलने नमयू अन्स्य। ङीने शोक् क्यूरब बीलने नमयू अन्ङू।’
18चेनेयलो यूहन्ना च-थूङ चीते-चीते अन्र, मेस्ये थमयूदे ङूने छेत् लादीकब मी यख्य। 19च-थूङ चीतेचीते मीजे च रदे, मेस्ये थमयूदे यदे, ‘ले, क्यने स्येब, च्यी स्य्वब मी, स्यर्म लङब मी मेस्ये पापीयूजे ख्योन्!’ बुद्धि ज्य ख्यङ् यब पो ङूजे कामयूदेने गवाही तन्क्य।”
पश्चात्ताप चीत्देबे परमेश्वरतले अन्ल्वारब सहरयू
लूका १०:१३-१५
20कम्ब कम्ब सहरयूने येशूदे कूम शक्तिशाली कामयू चे ख्य, हम्ब सहरजे मीयूने ङूदे दोष चेने सुरु चीत्दे, चेनेयलो थमयूदे पश्चात्ताप चीत्देबे परमेश्वरतेले अन्ल्वार। 21#यशैया 23:1-18; इजकिएल 26:1—28:26; योएल 3:4-8; आमोस 1:9,10; जकरिया 9:2-4“खोराजीनजे मीयू, नमयूने धिक्कार! बेथसेदाजे मीयू, नमयूने धिक्कार! चेनेयलो नमयू टूङब सहरयूने चीक्कब सोरो शक्तिशाली कामयू टुरोसप्रे सीदोनने चीक्क यलो थमयूदे मीयूङ्ने पश्चात्तापजे कोला होत्देबे मेल छेल्देबे पश्चाताप चीत्देबे परमेश्वरतेले ल्वार ख्यङ्दे। 22तर ङ नमयूने यीय, न्यायजे दिनने नमयूजे यली टुरोसप्रे सीदोनजे दसा कूम टेम ख्वब क्यूक्क्य। 23#यशैया 14:13-15; उत्पत्ति 19:24-28कफर्नहुमजे मीयू, नमयू स्वर्गसेमेने कूबीय मन औ? दी, नमयू नरकने तल्बीय। चेनेयलो कफर्नहुमने चीक्कब सोरो शक्तिशाली कामयू सदोमने चीक्कलो हम्ब सदोम दीनीजे दिनसेमे टून ख्यङ्दे। 24#मत्ती 10:15; लूका 10:12तर ङ नमयूने यीय, न्यायजे दिनने नैजे यली बरू सदोम सहरजे दसा कूम टेम ख्वब क्यूक्क्य।”
थेल्लीकब मीयूने गैन सङ्स्ये पीनब
लूका १०:२१-२२
25येशूदे हन्छ्वाब यदे, “ओ पाइ, स्वर्ग मेस्ये पृथ्वीजे प्रभु, ङ नने धन्यवाद पीन्क्य, चेनेयलो नदे अम्ब पो बुद्धि मेस्ये चलाख ख्यब मीयूदे अङ्कोस्य यदेबे नङ्सू हीत्दे, तर पीचयूने हम्ब तम्मीदे 26अँ, प, चेनेयलो अम्ब नने सोरो ज्य थेदे।
27 #
यूहन्ना 3:35; यूहन्ना 1:18; 10:15 “ङैजे पदे साप्ताकूरूने ङैने जिम्मा पीने ख्यङ्। पदेत्या रङ्से च कर ख्य यदेबे स्ये ख्यङ् सूजो सूदेये अन्स्ये मेस्ये चदेत्या प स्ये ख्यङ् सूजो सूदेये अन्स्ये। होर्दे चदे प कर ख्य यदेब सूने स्येला चीम्मेब सेम् चीक्क्य थमयूदेत्या स्येय।
28“ओ क्वी ले प्लेत्देबे थल्लीनब मीयू ङैट्याने ख, ङ नमयूने गैन सङ्स्ये पीन्क्य। 29#यर्मिया 6:16नैफ्याने ङैजे जूवा येत्देबे ङैप्रे लोम्, चेनेयलो ङैजे सेम् सोरो ङ्येमब मेस्ये अन्त्वेब ख्यङ्, मेस्ये नमयूदे रङ्से आत्माने गैन सङ प्रेक्क्य। 30चेनेयलो ङैजे जूवा सूस्योलो ख्यङ्, मेस्ये ङैजे क्वी यङ ख्यङ्।”
Pašlaik izvēlēts:
मत्ती 11: सर् कबुल
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Ghale New Testament © Nepal Bible Society, 2011.