Matta 6
6
1Yi zhin peceye. Yi to zhin aɓo manayi na za abye ntu ge ɓa ci yi m, n ya zhin lo nu, yi ta bwa lada n eyi Dada aba nwo dna nʼshe nyi m. 2Esa nu ha ga nyaɓayi cauta to dna ewyi m, shi akwoce dnayi zhin ɓai bye amwayi na aduwa nyakun, na zokwoyi ntu ge aza gye ɓe manayi n a zhin nyi! Gaiciya ma gna fye ɓa la oɓa lada pma gwo n ɓa ɓa bwa nyi. 3Ama esa nu ha zhin eza ɓemanayi, ha zhin kwo fiya to ye ge bwa pmi kwa kpe oɓo n bwaizhe zhin m. 4Efye Dada n wo kpe asigyi nyi, wo ɓa ga fye lada.
Aduwa Zhin Ɓedo n Mikun Shi Yi
5Ntu aduwa zhin ɓo, esa fya zhin aduwa, fye to zhin ngye a kwoce dnayin. Ɓa nu n a zhin aduwa na zokwo n aduwa nyakun yi, ntu ge aza gye ɓa. Gaiciya, oɓa lada nu n ɓa ɓa bwa gwo. 6Ama esa ha zhin aduwa, la lo dna nyakun, ha ku aba gu, ha zhin aduwa ga ʼho Dada fiya, oho Dada n wo kpe asigyi nyi, wo ɓa ga ho lada.
7-8 To zhin, aduwa hoi da ɓo gmanyi-gmanyi, ngye shi aɓenayi zhin m. Ɓa gye ge aɓa wo ɓa aduwa ntu ɓeda gmanyi da ɓo nu cici. Pa ge oho Dada kpe nya yelo n ho ye, tunyi to hoi nya wo m.
9Fye zhin aduwa ge “Eye Dada n ho dna eshe nyi ayi ho eye gyi-gyi-yi. 10Yi ye oho ebe kwa ɓe wolo. Fa azhin ho ɓeye dna nu anyi ye, ngye shi a zhin dna eshemi. 11Gayi nyagyi n jesun naiye ngye shi ho shin yi ga. 12Ha zhin yi alaifi gafara ngye shi yi zhin ɓa n ɓa zhin yi laifi nyi. 13To lo n yi n jaraba mi m, ama ha gniyi n Eza nukwoyi. Amin. 14-15 Efye Dada n wo dna eshe nyi wo ɓa zhin fye gafara ndei fya zhin azaje gafara, ama n fye to ye ɓa gafara zhin ɓo m, wohin ta zhin fye m.
16“N sayi ntu azumi ɓo. Fye tna nyagyi-gyi ntu zafun ɓo. Fye to zhin kwo pei-pei m, ngye shi a kwoce- dnayi zhin ɓa wu ge ɓa n wahala yi lo, to ɓa so tukwo m, n nabai aza ci ɓa sun-sun. Gaiciya, lada nu n ɓa ɓa bwa. 17Ama esa n fye zhin azumi, fye ku aje manayi kpe. 18N nabai to zaho wa kpe ge mikun gun fye lom, sai efye Dada n wo kpe asigyi vinya nyi. Wo ɓa ga fye lada.
19“Fye to so fye nyabwa shi nu anyi aba kwo ɓa wunya, ko avi awyi ko m. 20Ama fye so nya shi nʼshe aba kwo ta wunyam, aba na vi ta mi ɓa wyi m. 21Ndei efye nyabwa so shi lo nʼshe, efye bugba ɓa sun ɓo nu.
22“N ho wye gyi-gyi-yi lo, aɓa gye buzangna n ho bugba mi. 23Ama n ho wye n cegyei lo na ɓo nuɓwozhin nukwoyi yi, ho dna lo n wyegma yakwo ntu zafun aɓo ɓo. Wyegma dnagmayi nu kuwa.
24“Ho ta mi ha zhin a Dagayi ngun aba bauta m, watau Shekwoyi n na gyiwye yi. Tile haye n gmanyi yi, ha wun gmanyi nu.
25“Emi shaula nu nyi, fye to saɓo n nya ɓo n fye ɓa gyi m, kwo fya sin, kwo fya kpem, Ntu ge fye n wye-wyei lo ɓedo n nayi, ɓa du anyagyi lo naje kpe yi. 26Fye dna alu wye! Ɓa to na ɓesa yi ntu ɓa nyagyi ɓo m, ɓa ta bye m, ai gna ɓa do ɓa so fi na dobu m. Efye Dada n wo dna nʼshe nyi, wo nu kpa ɓa. Fyehin kuwa wo gna sun lo n fya pmayi n du ɓa. 27Efya ɓesa ɓa ɓe fye wye-wyei kpa?
28“Kniyi nu zhin fyei saɓo ntu aje ɓo a? Fye shi amamayi wye n bmana, ɓa ta saɓo ntu ɓa je ɓo m. 29Kwo Esu Solomon n wo mwa-mwa yi vinya, wo to kpe aje manayi ngye ɓa m. 30Ndei Shekwoyi lura na mamayi n sun lo nu, oɓa nu n ɓa lo naiye nsu ɓai zo, wo ta gna lura n fyei nu, o aza agaiciya ga gba-gbayi da?
31-32 “Ntu cenu fye to saɓo ntu nyagyi ɓo n naje yin. Fye to zhin ngye awye-gma da m. Ntuge a mwa ɓahin tukwo n naɓo deye, har ɓai saɓo n mwa. Ama efye Dada kpe lo sarai anya n fye gyisan. 33Wo ɓa ga fye ɓa n bugba da yi, ndei fya wo nu shi na bye kpa, fyei zan-zan ngye shi wo ye fya zan.
34“Ntu ce nu fye to saɓo ntu nsu ɓo m. Shekwoyi ɓa lura n koyi. Nyipyeyi doho-dohoyi nkwo aɓo yi.
Pašlaik izvēlēts:
Matta 6: GAW
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Alkawali Woiwoyi
(Gbagyi New Testament)
Copyright © 1997 by Biblica, Inc.®
All rights reserved worldwide.