Populāri Bībeles panti no LUKA 14

Dalīties

“Kungakuloko un'wana a ta eka mina, a nga vengi tata wa yena, ni mana wa yena, ni nsati wa yena, ni vana, ni vamakwavo, na byona vutomi bya yena, a nga ka a nga vi mudyondzisiwa wa mina.

Kutani la nga rhwariki xihambano xa yena, a ndzi landza, a nga ka a nga vi mudyondzisiwa wa mina.

Hikuva un'wana ni un'wana la titlakusaka, u ta tsongahatiwa; kambe un'wana ni un'wana la titsongahataka, u ta kurisiwa.”

Kutani-ke, un'wana ni un'wana exikarhi ka n'wina la nga tshikiki leswi a nga na swona, a nga ka a nga vi mudyondzisiwa wa mina.

Hikuva i mani exikarhi ka n'wina, loko a rhandza ku aka xihondzo, a nga ka a nga rhangi a tshamisa a hlaya leswi nga ta humeseriwa xona xi ko xi hela. Swingaku loko a akile masungulo, a tsandzeka ku heta, kutani hinkwavo lava nga ta swi vona, va sungula ku n'wi tsan'wa, va ku: ‘Munhu loyi, u sungurile ku aka, kambe u tsandzekile ku heta.’

Kambe loko u endla nkhuvo, vitana vapfumari, ni swilema, ni lava khwitaka, ni lavo fa mahlo; kutani u ta kateka, hikuva va pfumala swa ku ku etisela swona, hikuva u ta etiseriwa hi siku ra ku pfuka ka lava lulameke.”

“Munyu i xilo lexi nandzihaka; kambe loko munyu wu phyama, wu nga lungiwa ha yini-ke? A wa ha pfuni nchumu, hambi ku ri ku hundzuka misava, hambi ku ri ku endla vulongo; kambe wu cukumetiwa ehandle. La nga ni tindleve ku yingisa, a a yingise.”