Populāri Bībeles panti no Matiyu 24

Dalīties

Ado ka bɛn koyon wala jate ma, mɔɔ siyama ya kanundeya dɔɔyatɔ. Kɛɛ ni mɔɔ min ka gbeleya mina a ma ka sii tɔlɔya laban na, wo tii yi kisile.

Samakan Kein min ka bɛn haijɛnɛ masaya ma, wo lasentɔ dunuɲa fan bɛ lɔ ka kɛ seleya le siboloma bɛ yɛ. Wo vɛ kɛla, dunuɲa laban yi sene vɛ.

Ài vɛ kɛlɛkolu mɛnna, ani kɛlɛ mangan, ài hangili kà ɲaami, kamasɔlɔn wolu ka kan ka kɛ, kɛɛ wo tɛ dunuɲa laban ne.»

Sibolomalu wulitɔ i ɲɔɔ kanma. Jamanalu fana wulitɔ i ɲɔɔ kanma. Kɔɔn fitina ni duukolojaajaa kɛtɔ dingila siyama lɔ. Wo bɛ kɛtɔ tɔlɔya damina le le, iwo tinkɔnɔdimin.

Sangbolo ni duukolo tununtɔle, kɛɛ ǹ kumakannu tɛnala tununna tuun!»

Kamasɔlɔn mɔɔ siyama kɛtɔ nala ǹ tɔɔ lɔ k'a fɔ ko: ‹Ǹe le Masa Tɔɔmasenin ne.› Ai kɛtɔ mɔɔ siyama lafilila wo lɔ.

«Wo timinnin kɔ, mɔɔlu kɛtɔ ài donna mɔɔlu bolo, fɔsa ai y'ài jangata k'ài faa. Ài gbeyatɔ dunuɲa siboloma bɛ yɛ ka bɛn ǹa ko ma. Mɔɔ siyama kɛtɔ limaniya siya bilala, k'i ɲɔɔ don mɔɔlu bolo, ani k'i ɲɔɔ lagbeyaɲɛ. Faɲafɔ kela siyama wulitɔ ka mɔɔ siyama lafili.

Isa k'ai javi, a vɛɛ: «Ài y'ài jando ài jɛlɛ lɔ fɔsa mɔɔ suu suu kana ài lafili.

Wo lɔ, àilu fana lɔbɛnnin yi to, kamasɔlɔn Mɔɔnivin Tanin natɔ waate dɔ lɔ, ài jii tɛ waate min ma.

Wo le y'a kɛla, fɔ ài yi to ài ɲana, kamasɔlɔn ài Tii natɔ lon min na, ài m'a lɔn.

«Ko minu kɛtɔ lon min na ani waate min nɔ, mɔɔ suu suu ma wo lɔn, hali mɛlɛkalu gbu minu yi haijɛnɛ. Hali Denkɛ gbu m'a lɔn, mafɔ mɔ Fa Ala kelenpesa.

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ba ni kawanankolu kɛla fɔsa Ala ya mɔɔ taninnu la yi fili, ni wo ka se kɛla.

Mɔɔnivin Tanin nalon kɛtɔle iwo kolu ka kɛ teme Sedina Nuho tele lɔ. Kamasɔlɔn wo lonnu lɔ, jani ji ba tɛɛ na, mɔɔlu tɛɛ dɔnni kɛla k'i min, ani ka fulusili ni kɔɲɛmalɔ kɛ. Ai ka to wo bɛ la haan fɔɔ Sedina Nuho ka don kulunba kɔnɔ lon min na. Ai do ma sovi foi la haan fɔɔ ji ba ka na k'ai bɛ latunun. Mɔɔnivin Tanin nalon fana kɛtɔ ten ne.