Populāri Bībeles panti no YOHAN 19

Dalīties

Yesu wa ai: sabyi qang: jhin re bin: shaug' mung:- Mau" bin va"- ga: ta" yang: yao" au: goe; lo" mung: kao gyo" lo" ra".

Yesu wa mau"zo" alhab' bin va" rure ba mung:- Jham: mugsug' mae tung" to" ru we' dakhyo:- jab byang" li" nae" qhid' mae" Ngo qid shab' kyi:- ga: ta" ra".

Yesu wa yao: myhi" we' yao: jhid'de; ra" mho"zo: ai: mae ye; jo, ko" rure myao mung:- Yesu wa yao: myhi" re Yao: wa ni" zo: ngad: ra"- ga: ta" ra". Ai: thao re Yesu wa ai: mho"zo: re- yao: wa ni" myhi" ngad: ra"- ga: ta" ra". Ai: ba mae" ai: mho"zo: wa Yesu yao: myhi" re yao" yham khyo lo" jhui" nha: to" ra".

Ngadqere: yao: bam wa Yesu jhao" joe" lo gelao"- Yesu shid va" rure lomyao gemung:- yao" khyid re wa mabe; khyug' ko" ngad: ra". Ngadqere: gyezo: dayaug wa lhae tad' yang Yesu nae dan: mae yethug' ke' we' aijao" sa: we' qid yug: thug' li" ra".

Ceru: boe" ru wa- yao" shoqug: dakhe' re: khyug' ru maqhug' nae"- ga: ta" to" ra" jham: dao: jab byang" li" ru ngad: ra". Amung: jham: mugsug' gatau dalam: mae re:- yao: bam: yang lhae tad' yang thug' ra" yaug re yao: bam ceim" qu" li" genae"- ga: ta" to" ra".

Yesu wa Au: Gao: Gye, ga" ra" jo, qo khyo yao" pyao:zang re vo, yang: ye" lo" ra". (Hebre myan" khyo" Golgotha ga: mhang" ako".)

Gyezo: qe wa zau: kyao: yang ba maug: dalam: kad' yu mung: Yesu au: mae zhaung: byid' ako". Ai: thao re yao: bam wa Yesu re bau: qhang ane vhe' byid' ako".