Populāri Bībeles panti no Lukas 23

Dalīties

Lalu Yesus bodoa, “Bopai, amputi sia' inyo monyobab'an Aku sampai dihukupm mati di kayu salib! Sia' co tohu la'apo inyo sia' pulah.” Lalu, boko projurit monguti' pakai'an Yesus. Sia' boundi pakai' monontuan sopo inyo tajahan mondapat'an pakai'an-Nyo.

“Pocayocam,” kato Yesus ko io, “Ari ni'in kolai tajahan sosamo agatn Aku di sorugo.”

Lalu io bopandir agatn Yesus, “Ingantcam aku, watu Duatn monguaso'i somuo la'apo pan sobagai Rajo!”

Lalu Yesus mondorah agatn saro kotakng borakng, “Bopai! Ko dalapm kuaso Duatn Ku sorahan kosih-Ku!” Lopas jadi bopandir ubo nantai, Io pan matiam.

Timpu datakng ko tompat inyo disobut “Tongkorak”, boko projurit Romawi momakuan Yesus di kayu salib bonsamo agatn koduo ponjahat nantai jam – siku' urakng di sopia' kanan huatan siku' urakng agi' di sopia' kiba' Yesus.

Kiro-kiro japm duo bolas tongah ari, matoari kinyo moncara'. Somuo doerah santai monjadi potakng-hiru' bondar sampai japm tigo babahari. Tidikng inyo monyongkayoan Tompat Kotakng Suci doi' tompat bukai di Rumah Allah, birat monjadi duo.

Timpu kopala' pasukan moniant la'apo inyo udah tojadi, io momuji Allah. Lalu io bopandir, “Bondaram, Sio kinyo bosalah!”