Populāri Bībeles panti no Yohanes 16

Dalīties

Atiaka ndai kuna, pitumutumu aata eseriani te nanu. Iatata osina tiatua olmaa; kake entagoluoto, atigilua nanu olmaa.

Kake teni elotu ninye, Olmumua lʼesipata, nerik ninye ndai atua esipata pookin; amu melalimu ninye te kion, kake pookin naning' ninye, nelalimu ninye, neinosaki ndai mbaak naapuonu.

Eitu iomonunu metabaiki taata toki lʼengarna ai. Entoomonutu, nipuopuo aang'amu, pebaia eng'ida inyi.

Kake aliki ndai esipata: Eaku too ndai, teni alo nanu. Amu teni malo, nemelotu olailejilejani enitiiti ndai; kake teni alo nanu, nalairriwaki ninye ndai. Ore pelotu ninye, neitayolo ninye olmaa mbaak enkitarruoto o nʼesupato o nʼenkigwena

Akae, iatata ndai taata osina; kake aitoki aladol ndai, nepuo aang'ida ltauja linyi, nemetii o obo looru ndai eng'ida. Ore te ina olong' nimikipuopuo naikilikwan toki. Japa, japa, aliki ndai: Ore eniomonunu Papa lʼengarna ai, nelaisho ninye ndai.

Japa, japa, aliki ndai: Ipuopuo aaishir ndai nioshiosho enkiliyo, nelang'ida olmaa; nepuoi aailishie ndai, kake elo aala enkilishoto inyi aaku eng'ida.