Populāri Bībeles panti no Yohanes 15

Dalīties

Ara nanu oljani lʼolmarua, nirara ndai ilng'osil. Olobik tiatua nanu o nanu tiatua ninye, neiu ele ilmomo kumok, amu teni matii nanu, nimindimidimi aaitobira toki.

Entobik tiatua nanu o nanu tiatua ndai. Neijia anaa pemeidim olng'osila atoishoi te kion, teni mebik ninye tiatua oljani lʼolmarua, neijia mindimidimi si ndai, teni mibikibiki tiatua nanu.

Teni ibikibiki tiatua nanu, nebik rorei lainei tiatua ndai, ore pookin niyeuu niomonunu, neitobirakini ndai.

Me ndai likitegelutua nanu, kake nanu otegelua ndai napik ndai, pipuopuo aaiu ilmomo, nebik ilmomo linyi, peiye teni iomonunu Papa tʼengarna ai, neisho ninye ndai.

Metii Oloata enyorrata kitok nalang' ena naishooio oltung'ani oltau lenye tʼolbae loo ljorueta lenyena.

Ore olng'osila pookin liatua nanu lemeisho, neitau ele; ore pookin loisho, neikishaanye, pepon aisho naleng'.

Nyena enkitanapata ai, pinyorrarra anaa patonyorra nanu ndai.

Eitaai Papa lai kitok te ina, piiuu ilmomo kumok niakuku laiteng'enuok lainei.

Ara nanu oljani lʼolmarua osipa nera Papa lai olaturoni.

Olemebik tiatua nanu, neiturrakini boo anaa olng'osila, netoi, neiturrur ninje nenang'aki atua enkima neiwuwu.

Atiaka ndai kuna, pebik eng'ida ai tiatua ndai nebaia eng'ida inyi.

Teni imbung'ubung'u nkitanapat ainei, nibikibiki tiatua enyorrata ai, neijia anaa paibung'a nanu nkitanapat e Papa lai nabik tiatua enyorrata enye.

Kuna aitanap ndai, pinyorrarra.

Ten emutu irara ndai lʼolmaa, anaata enyor olmaa enenye; kake tiaraki nimirara lʼolmaa naa nanu otegelua ndai tʼolmaa, onaa eiba olmaa ndai.