Populāri Bībeles panti no Luke 14

Dalīties

“Vo o kilo ala aṉa kasi ni oka zariovo ala aṉako disaipeli elo ta o roquelou aṉa kobe kai paloasako roquano vo o ivani roquevo vovo mama, ni voko niania, ni voko reko, ni voko meqora poso, ni voko tamania poso ni o ṉavi roquilo kobe kai paloasako kale. Vo pui soa roquelo o elo ala ta pui opa roveovou aṉavo disaipeli elo.

Vo pui oka zariovo ala tolailo aṉako luluelo kale omadeuvo vo maba vo o borikani voko korosi okai vouvo ama, vota pui opa roveovou aṉavo disaipeli elo.

Ako vo Baṉara ta zara o ivou vo o raurarauraivani, melai vota raura o ivou vo o zarazaraivani sole,” kiolake.

Ni Jisu ta o paikake mati pesio se ni eri kiolake, “So sole me melai uria kerukeruekomo meko luluelo aṉa. Puliala me azo ta aṉavo disaipeli opa elou, vo pui oka zariani vaeko kiadama quli voko sole.”

“Esa kala me azo ta o vadomuvou tu o erevo kala okatea pade o lovelove kaqe kiovou, kuleto vota o papuvou ni ota kai nianiiovou ko seleni ko ataataiti latau tiniavo ikio ko maleziko ama tu vota o ereko ko pade, tu vota ota ka kelo ko seleni koko maleziko ama okotiko koa iruruputo. Vota pui so o kalou, ta voko seleni ta esa pui kopa malezikou ni vota pui opa roveovou paivo voa pade lula vola saṉa obe ivou melai, ni kiadamu seke kelo amu ko ta kevai niureovou vo, ni eri kikevou, ‘Koe, nea maba ta lula o tanite orumato melai pui ko rovea okoto ko koidi!’ kikevou.

Melai so keru ṉoṉo erekou keru ko ṉojola, ṉota ṉo daipazimou mata se ozaoza kamu, loke amu, jopaito amu ni se leqa kamu, nio vo Baṉara ta mauru o iṉou ṉo, ako seta pui kepa roveovou ereko koko vaitotola sole. Melai Baṉara ta o katiṉou ṉo koko besibesi so keru se sidopu amu ke saevou keru voukale azo,” kiolake.

Nio Jisu ta eri kiolake, “Soloti ta uri ama quli, melai kota kota ka mumailou koko kava roquroqu inio kota puliama kalo sama. Koa Soloti ta pui uri miduku topi vaeko ni pui uri kati valuvalueko ko miduku tu kai ereko kiaro ko niami. Namuko ikio koko male. Meta viqomo ni paqumukomo aṉa a melai bazuekako quli!” kiolake.