Populāri Bībeles panti no Mt 24

Dalīties

Hinkonta ya kuyandra ka vubihi, a lirandru dra lava vanyingi dritatitimeta. Kambe lweyi atiyiselaka kuyatlhasa vugan'wini, atahuluxiwa.

Kutani a Ivangeli ya Mfumu yitareriwa akuva byiva vumboni amisaveni hinkwayu; ntrhaku hi kone kutakata vugamu.

N'witayingela tiyimpi ni pongwe dra tiyimpi; tivonani, n'wingatxhukeni; hikuva swifanekeli kuhumelela; kambe abyisiva vugamu.

Hikusa a tiko drin'we dritapfukela drin'wana, ni mfumu mun'we wutapfukela mun'wana. Kutava ni tindlala amimbangwini minyingi. Hinkwaswu leswi atava kusungula ka mahlomulo.

A tilo ni misava switahundra, kambe a maritu yanga mangaka mangahundri.

Hikusa lava vanyingi vatata hi vito dranga vaku: Hi mine Kriste, vatakanganyisa a vakutala.

Kutani vatan'winyiketa akuxanisekeni, vatan'widlaya; n'witavengiwa hi matiko hinkwayu hinkonta ya vito dranga. Hi nkama lowo lava vanyingi vatakhunguvanyisiwa, vatawongana, ni kuvengana. Kutahumelela vaprofeta vanyingi va madrimi, vakanganyisa lava vanyingi.

Yesu avayangula aku: Tivonelani, n'wingatitxhuka n'wikanganyisiwa hi mhunu.

Hi swoswo na n'wine tilulamiselani hikusa a N'wana wa Mhunu atata hi nkama lowu n'wingawuyanakanyikiki.

Hitekani-ke, hikusa an'witivi a siku ledri a HOSI yenu yitakata ha drone.

Kambe a siku ni nkama, akuna mhunu lweyi aswitivaka, nambi tili tintrumi ta Tilo, nambi ali N'wana, loko angali Tatana ntsena.

Hikusa kutahumelela lava vatakatihlaya va Kriste hi madrimi, ni vaprofeta va madrimi, vatakahumexa swikombiso leswi swikulu ni mahlolana, akuva loko swikoteka, kukanganyisiwa na vone a vahlawuliwa.

Kambe, swanga hi masiku ya Nowa, a kubuya ka N'wana wa Mhunu kutava tanu. Hikuva swanga hi leswi afaka vada, vanwa, vatekana, vatekisa, amasikwini lawa mangarangela a ntita, kuyatlhasa siku ledri Nowa anganhingena angalaweni, na swone afaka vangativi ntxhumu, kukondra kutlhasa a ndhambi yivaheta hinkwavu; hi swoswo, na kone kubuya ka N'wana wa Mhunu kutava tanu.