Populāri Bībeles panti no YOHANES 19

Dalīties

Nalepa'mi Isa anjo anggoroka nampa Nakana, “Le'ba'mi!” Nampa a'dundu Isa, natappu'mo nyawaNa.

Naassemmi Isa angkanaya kamma-kamma anne le'ba' ngasemmi, na sollanna a'rupamo apa tattulisika lalang ri Kittaka, Nakanamo, “TurereA'.”

Nacini'Na Isa amma'Na siagang anjo ana' gurunNa Nakamaseanga ammenteng anjoreng, Nakanamo ri amma'Na, “Amma', anjo mae anatta.” Nampa Nakana Isa ri anjo ana' guru Nakamaseanga, “Anjo mae amma'nu.” Pakkaramula anjo wattua natarimami amma'Na Isa ammantang ri balla'na anjo ana' guru Nakamaseanga Isa.

Ri wattunna battu ke'nanga ri Isa, nacini'mi ke'nanga angkana matemi Isa. Jari tanatepokami ke'nanga bangkenNa Isa. Mingka nia'mo kalase'renna anjo surudadua anto'doki poke sa'rinNa Isa, sa'genna assulu'mi ceraka accampuru' je'ne'.

Kajariammi anjo passalaka, sollanna a'rupamo apa niaka tattulisi' lalang ri Kittaka, angkanaya, “Tena manna se're lanitepo' bukunNa”. Nia' pole tattulisi' lalang ri Kittaka, angkanaya, “Lanaciniki ke'nanga anjo Tau le'baka natobo'”.

Assulu'mi Isa ampisangi kayu salli'Na, Naerang mange ri tampa' niarenga “Tampa' Tangkora'”. (Lalang bicara Ibrani nikana Golgota.)

Appare'mi surudadua se're songko' battu ri tangke-tangke kayu akkatintinga, nampa napataba irate ri ulunNa Isa. Le'baki anjo napipakeimi Isa juba cura' lame butung.