Populāri Bībeles panti no Yohanes 4

Dalīties

Allah ebe Agoreke meke iti nen, at hogorasuogoluk Agoreke inom hunik dogolik eberogonat hogorasusak mekeat hogorasusak o,” iluk yogokhikhe.

Itithogon Allah ebe hogorakharek mekeat he, it akhuni nen yabokane Allah hogorakhe dogolik ninat negen hogorasugun meke weregat o. At Allah akla nen, An Nagoreke nen, Allah ebe iti hakene, iluk yakulisugunem mothogon eberogonat hogotnakhe dogoak, iluk, akla apekherek iti nen, yogotak ya nen itithogon hogorakhe dogosak o.

i an nen wogeisaumo nasi halok he, it inakla nen i elesi hakene hunak-hunak dukhisi motok dogogin iti nen, iniluk motok dogolik, it yabokane i abu aga dogogun motok dek o,” iluk yogokhikhe.

Yogokhikhemo, at Yesus nen at he etnogo men yogokhikhe, “Allah obabut hano nen werlegat okorlek wogeisekherek meke iti men, nen an nen, I ageikhe henago woknom, iluk kino yokhikhi iti, nebe men hutdanilenma, hat nen i ageikhe kino yoknekhunem, an nen i inilugurinakherek meke eberogonat wokhetle o,” iluk yogokhikhe.

Itithogon isukhama at Yesus nen, men yogeisasikhe, “At an la'ani ageikhe meke etnogo akla apekherek meke tak-tagat hagakhe lagei iti inom, an hagasuagaluk nayoko bisikhe meke iti yabu ilugun thirliphogon hagasigiluk hagakhe lagei iti inom, an napiri itiat o.

Itithogon yogosigin apasikhe, at he etnogo nen, men yogokhikhe, “La'uk. Hat hageisoak dek. Nen, i hulelek yi wema elomaat meke re, hat nen i inilugurinakherek meke iti, koma meke henago woknisigiluk nen egen.

Itithogon yogokhikhemo, at he etnogo nen, men yogokhikhe, “Mesias akhuni tilninabuagaluk Allah nen kok etaga Kristus iti la'isigin. La'i agunem ebe witluk yi wene ti wene tha'bokhogonat nit yakulnisekhe dogogin iluk an nilu o,” iluk yogokhikhe. Itithogon yogosigin apasikhe, at Yesus nen, men yogokhikhe, “Ap egen iti ebe, an nipisak wenekak ekhe lago nebe yiat o,” iluk yogokhikhe.

“Ap ageikhe nen an yi hagakhik, ti hagakhik, hagakhe lagei meke tha'bokhogonat pakhogon motok yoknekhe meke ebe eta werek o. At ebe Kristus Allah nen tilninabuagaluk la'isigin meke etnogoat a? Ninat a? Hinileken hobageik nen witni o,” iluk yogeisilik lageikhe.