Populāri Bībeles panti no Yohanes 3

Dalīties

Yi akhuni ti akhuni Allah akmu motok nen, inebe inetaiken an noba hakotdugun meke inebe tomok watlatluk nen, nuk ageidek iniluk motok dogoagaluk, a'but an nebe irlagapi itago meke wogeisasikhe.

Nen, an Allah a'but agat oba yoma la'ani ageikhe iti, yi akhuni ti akhuni wene inoba 'biluk weagarinabuagaluk la'ani ageikhe 'buk. Meke re, inebe tilinabuagaluk la'ani ageikhe o.

Itithogon yogokhikhemo, at Yesus nen, men yogokhikhe, “Akhuni Allah nen inebe yabokane inapuke ket itaginakhidek halok, at apma 'bisekherekma etoma inileken hugun motok dek o, iluk, nane eberogonat yokhekhe lagei,” iluk yogokhikhemo

Halok he, tha nen etaiken an noba hakotdekhe halok, Allah nen wene oba 'biluk weagatdigin dek mekeat he, tha nen etaiken an Allah a'but irlagapi itago meke yi noba hakotdigidek iti nenat, weagatdigin meke wene arat oba 'bekhemo werek o.

Nen, Allah nen wene inoba 'bekherek iti ebe yigithogon. An nen lia hagarinakherek meke nebe arat agat oba usa'agagi meke re, akhuni inobabut weak hagakharek iti nen, At lia iti nina'it o. At he, o mum itiat warlok, iluk inakla apegarek.

Ap iti etaga kok asusak obaat etaga kogat ageik, an netaga dek asusak obaat, netaga dek ageik, hagasigin o,” iluk yogeisasikhe.

Nen, it akhuni weak hagariogei meke inebe tomogat inakla nen apekhe dogolik, Nit lia iti baga lugun halo, nit weak hagakhorek meke 'bualatluk winam asunogo, iluk apegarethek, an lia meke yi motok ina'it nen, noba wageidek huk ageikharek.

Halok he, tha nen etaiken Allah a'but oba hakotdiliogo halok, iniluk dogogun meke iti ite agasik werek o. Meke re, tha nen, at a'but iti ane holhidek kolelogo here'isiliogo halok, iniluk motok dogogun meke iti ite asigin dek o. At he, Allah akla aga at oba motok 'biluk dogogin o.

Nen, ap Musa o limo akhuni dekma etoma dogolik, warlo hakene hagarogo o baga lia'isikhe iti hak, it akhuni yoma inetaiken an abat itaklasi agagi meke yi noba hakotdugun meke, inebe tomogat iniluk motok dogoagaluk, an itithogonat lia'anusak obaat lia'anugunat o.

At opase nen a'but ebe etaiken hunik dogolik, yi meke ti meke tha'bokhogonat at iteerek dogoagaluk wogokhikhe.