Populāri Bībeles panti no La'isasikhe 4

Dalīties

At Allah nen, nit akhuni agat oba yoma meke at ageikhe nen tilninabuagaluk etaga yakulnisigidek iti nen, ap werlek meke nen tilninabusak erlok dek o. At Yesus nen tilninabuagaluk, at arligat etaga yakulnisasikhe iti,” iluk yogeisasikhe.

Itithogon Allah ayoko 'bekhe lagoukhama, o it natogorlek welagoukhama iti aborlok isikhe. Aborlok isinem, Allah Agoreke inebe tha'bokhogonat inakla kerlekhogon ukisikhemo, wene Allah nen isikhe meke akhuni inayuk degat yogeisekhe laogukha.

Meke re, ninopase. Nit ninasuogoluk iliogei iti hileken hisan o. Nit hagarumi yoma wene hat nen isigin meke iti, ninayuk dekhogon yogeisekhe dogoagaluk hobatne woknisan o.

Haganeat Allah ane baga holal men iluk waganogo 'bisukha, Hit o helekit meke halhe dogolik, Helekit yi weak o, iluk here'isegep mekeat, o herlaga hagatlaga yi, iluk Yesus hasigat, holal waganogo 'bisukha iti.

It Petrus Yohanes ipisak inayuk dek dogolik, wene pakhogon itithogon yogeisugunem, it ap emenogo nen hogorinakhe dogolik, “Ap yi sekolah yakulhidek. Inokodek uma mekeat he, Yesus inom nekhe lagoukha meke etnogo nen higi,” iluk hutdisukha.

It wene eberogonat iluk waganhukha meke iti, inebe doalegat meke re, inetaiken opakiat welagoukha. Dogolik, inameke yi meke ti meke tha'bokhogonat, “Yi an meke,” iluk igidegat he, “Ninebe tha'bokhogonat ninameke,” iluk ekhe lagoukha.