Populāri Bībeles panti no La'isasikhe 17

Dalīties

Itithogon walninakhikhe iti, akhuni inileken puk meke nen yi meke ti meke iniki hak herakharek hak, akhuni ninukuloak etaga tomok nen at Allah ebe herakhik, ninilu ageik, hagasuagaluk walninakhikhe iti. Meke re, at ebe walegat welagarek 'buk. Ninebe tomok ninalilu horok yaat welagarek o.

At Allah nenat, yi akhuni ti akhuni o inaila tomok dogoagaluk, o hurli 'bigik, Tahun iti baga dogoluk, it baga dek asuak, iluk hurli 'bigik, akla tak apasikhesik nen, yi akhuni ti akhuni inukuloak etaga tomok tha'bokhogonat wialarik loagaluk, erlo baga, ap opakiat walhasikhe.

Allah nen, o agat yoma walhigik, yi meke ti meke tha'bokhogonat walhigik, hagakhikhesik nen, pogot agat iteerek kok welagarek iti. Itithogon halok, at ai akhuni iniki nen halharek meke etoma akla at Allah dogosak erlok dek o.

It alebat Allah ebe inokodek dogolik, inobabut weak hagakhe korlegat, at nen obakhanini hapugutdiluk here'isekhe lageikhe. Itithogon mekeat, yogotak yaat nen, Yi akhuni ti akhuni tha'bokhogonat o itinem initema waganogo wene inoba 'bigik, kokhik, mothogonat hagasuak, iluk ap ageikhe wenago 'biluk ayoko 'bekhemo werek iti nen, nit akhuni weak hagakhe lago meke here'isalok ninobabut hebelasuagaluk yoknisiliogo iti. Halok he, nit nen, Wene itithogon hagasigin iti, eberogonat, iluk nit tha'bokhogonat hutduagaluk, ap iti ebe watlageikhesikmo nen, opase nen apuke ilugutdisikhemo werek o,” iluk yogeisasikhe.

Nit itithogon at a'buri welago halok he, at ebe hakene nit akhuni nen ninakla apalok, niniki nen kaneke emas meke, perak meke, helekit meke, hagarogo hagasusak dek higi, iluk hutdusak o.