Populāri Bībeles panti no La'isasikhe 16

Dalīties

it nen he, “Hetaiken ninoe Etagapogot Yesus oba hakotdigin halok he, hat hebe men, ha'buri men, hinebe tha'bokhogonat tilhinabigin o,” iluk yogokhukha.

Itithogon 'bisasikhemo dogolik, o hibako eketurlem Paulus Silas ipisak nen sembayan igik, Allah hogorasuogoluk etai wakhik, hagakhunem, it akhuni aperek iniki herle warek welagoukha meke inasuk holek welagoukha. Itithogon inasuk holek werekma, opaki hasigat dugul kok meke luk-lagathasinem, o kok halekma welagoukhama iti o tik oak usabek meke aborlok luk-lagathekhe dogolik, thu larek meke tha'bokhogonat huakhogon lageik, akhuni tha'bokhogonat iniki herle warek welagoukha meke emenogo hisalageik, hagakhikhe.

Yabokane, at ap kok etnogo melageikhesik nen, inebe wogosik dukhi ageikhesik nen, men yogeisasikhe, “Nougi. An nebe Allah nen tilnabuagaluk, nobabut nikithogon hagasik,” iluk yogeisasikhemo

Itithogon hagatlageikhemo, at ap herle warek therisik welageikhe meke etnogo iluk ageikhesik nen, o akhuni iniki herle warek 'bisegarekma etnogo thu motok hualek werekma ileken hasikhe. Ileken halok nen, it iniki herle warek meke emenogo inebe dukhega thalek, ayuk atluk ekaerek nen waragaluk akarok uakma meke kigikhogon waganhikhe. Waganhikhesik ekaerek nen waragaluk hagakhunem, at Paulus ane kokhogonat men yogokhikhe, “Hebe hekaerek nen warugun o. Nit ninebe tha'bokhogonat welago,” iluk yogokhikhe.