Populāri Bībeles panti no Lukas 11

Dalīties

Naupa komiu tona nadosa, nisanimiu nombadekei anu nabelo ka anamiu. Nemopa Tuamata ri suruga. Ia mpuu-mpuu mombadekei Nosa GasaNa ka isema-sema merapi nte Ia.”

Jadi, Kuuli ka komiu, perapimo nte Alatala bo radekeiNa ka komiu. Elomo, bo rakavamiu. Tanedemo vamba bo vamba raunggeNa ka komiu.

Apa isema-sema merapi, kana radekei ka ia. Isema-sema mompaelo, kana rakavana. Bo isema-sema mantanede vamba, kana raungge ka ia.

Nanguli i Yesus ka ira, “Ane komiu mosambaya, ulimiu ivehitu: ‘Tata, aga Komiu masipato rapetupu bo rapakaoge. Komiumo Magau kami. Perapi Komiu momparenta ri dunia hitu.

Ampungimo dosa kami mpo kami muni nombaampungi pura-pura tona nasala nte kami. Bo nee rapalamba kami rapesori.’ ”

Dekei ka kami kandea niparaluu kami eo-eo.

Mata nirapaka poindo nu karo. Ane matata nabelo, nalanto pekitata. Tapi ane navurau matata, ledo malanto rakitata nuapa-nuapa. Ivesia muni pekiri rara ntaita.

“Ledo naria tona mombatunju poindo bo ratabuniakana ranggapeo bara rataungona ntonda. Natantu poindo haitu kana raboli ri kalangana ala pura-pura topesua rabanua manggita karemena.