Populāri Bībeles panti no Lukas 10

Dalīties

Jadi, pariaramo! Yaku mombadekei kuasa ka komiu ala rapakulemiu mombajeje ule bo supitole bo mombadagi pura-pura karoso nu balita, bo ledo ria nuapa-nuapa mamala mombakuyasi komiu.

Nesana i Yesus, “Heh, Marta, nikitaKu iko nabago bo nasesa raramu nompekirika mpengaya-ngaya. Tano mai aga sangaya nopoko, haitumo mangepe tesa nu Alatala. I Maria nompelisi tobelona, anu ledo mamala raalasi ntona lako nte ia.”

Nesana tona haitu, “Anu nitulisi ri sia: Potovemo Tupumu, Alatala ante mpuu-mpuu raramu, ante pura-pura pekirimu, pura-pura pokainggumu bo pura-pura pompakulemu. Potovemo singgamanusiamu mpo pompotovemu karomu mboto.”

Dopame ira hau, niuliNa ka ira, “Nadea tona nasadia mantarima Kareba Belo. Ira nasimbayu mpo pae natasa, nasadiamo rakato. Nadea mpuu pae nasadiamo rakato, tapi topokato ledo nadea. Jadi, perapimo nte Alatala tupu ntalua, ala ratuduNa tona hau mokato ri taluaNa.

I Yesus nompakaupu tesaNa bo nekutana nte guru agama anu madota mombaopa tesaNa, ivei: “Nantuntuni panggavamiu, lako ri tona tatalu haitu, isema nompotove tona niago pangane?” Nesana guru agama, “Tona naasi matana nantulungi tona haitu.” Nanguli i Yesus, “Koimo, bo povia ivesia muni!”

Jadi, koimo komiu, tapi pakabelo! Apa komiu Kutudu hau ri tatanga ntona nadaa. Komiu masimbayu ante ana nu bimba nipopalai ri tatanga nu asulaku.