Populāri Bībeles panti no Yòhanɛ̀s 19

Dalīties

Kè Yesù nù vɛ̃ vesìa, e gblɔ̃ be: “Ènu sia ènu wu e nu vɔ̀!” E yomè a, e do èta gũ, eye be jo yebe Gbɔ̃gbɔ̃ a na.

E yomè a, kè Yesù nya be, so wàlɛbɛ ŋua, ènu sia ènu wu e nu ne Ŋɔ̀ŋlɔ̃ a bèa zɔ̃ sùa, e gblɔ̃ be: “Sìkɔ le tì mù.”

Kè Yesù kpɔ ènɔa, kudo *nukplavi kè be ɖève a lètè lè ènɔa gbɔa, e gblɔ̃ na ènɔa be: “Nyɔ̃nù, èvi wò ye nyi ekèa!” E yomè a, e gblɔ̃ na nukplavia be: “Ènɔ̀ wò ye nyi ekèa!” So gà ŋua mèa, nukplavia xɔ̀ Yesù be ènɔ̀ ɖo àxomè.

Vɔ̀a ekè wo va Yesù gbɔa, wo kpɔ be e ku xoxo, eye wo mu ŋɛ̃ yebe àtawo ò. Vɔ̀a, Gbãdãgbãwo dòmètɔ ɖèka sɔ èhuã trɔ̃ Yesù be àxàda eye, èhũ kudo èsì to.

Ènu kèawo jɔ̀ ne ŋɔ̀ŋlɔ̃ a bèa zɔ̃ sù be: “Wo mu la ŋɛ̃ yebe èpu ɖekpe ò.” Ŋɔ̀ŋlɔ̃ bu cã gblɔ̃ be: “Wo la va kpɔ àmè kè wo tɔ ènua.”

Yesù ŋutɔ kɔ yebe àtisògaa, to lè èdùa mè, yì àfi kè wo yɔna be “Àmètatèpea”; kè nyi “Golgata”, lè Hebrùgbe mèa.

Gbãdãgbãwo sɔ àŋùja lɔ̃ kuku cɔ̃ èta na ɛ̀. Wo sɔ àwù gã jɛ̃ ɖe cã do na ɛ̀.